عادى يعنى كنت نازلة السلم
ماهى حياتى كان فيها فترات نزول متقطعة
بس المرة دى كان النزول سريع ومخيف
ماهى حياتى كان فيها فترات نزول متقطعة
بس المرة دى كان النزول سريع ومخيف
وزى مااتعودت ..
ربنا سبحانه وتعالى أنقذنى من نفسى فى لحظة حاسمة
ولقيت بلوجر فى طريقى
عمل ايه بلوجر ؟
قالى اتفضلى اتكلمى
فحاولت اتكلم
لقتنى فى أوقات كتير مش عارفة
ولا عارفة أعبر عن نفسى
ولا عارفة أرد حتى على الكلام اللى بيعجبنى
ولا عارفة أرد حتى على الكلام اللى بيعجبنى
فمنزلتش السلم ووقفت مكانى شوية
اتعرف على نفسى اللى أنا بقالى مدة مش عارفاها
ولا بحاول أشوفها ولا أسمعها
اكتشفت انى ظلمتها قوى لما وقفتها مكانها
طب وقفتيها وكنت سايباها تنزل السلم ليه يابنتى ؟
لانى استسلمت لمشاكل وأحداث كانت بتسحب من روحى
أنا استغربت قوى لما لقيتنى كده
انت رشا ؟؟؟؟
انت رشا اللى لغاية ماخلصت الكلية كانت عايزة تاخد الدنيا بالحضن
وحتى لما الدنيا كانت بتفكر تضايقها
كانت بتسحب نفسها بسرعة وترجع تحبها وتحضنها تانى
لما عمى بلوجر وقفنى على السلم اتعرف على نفسى
كان حدث مهم فى حياتى
يعنى انت اتغيرتى ؟
راضية عن نفسك ؟
رجعتى حتى زى ماكنت ؟
رجعتى حتى زى ماكنت ؟
بحاول ....
وحاسة ان المحاولات بدأت تجيب نتيجة
قلبى رجع يحضن الدنيا من تانى
احم ..أحيانا يعنى :)
دماغى رجعت تحاول تفكر تانى
احم ..أحيانا يعنى :)
دماغى رجعت تحاول تفكر تانى
اتعرفت على بشر صعب انهم يتجمعوا كده فى مكان
مخطرش على بالى انى ممكن اخرج وأقابلهم
مخطرش على بالى انى ممكن اخرج وأقابلهم
وكنت راضية بمجرد القراءة النهمة لمدوناتهم
لغاية مالقتنى بحبهم ولازم اشوفهم بقى مش هينفع
لغاية مالقتنى بحبهم ولازم اشوفهم بقى مش هينفع
حتى اللى ماشفتهمش غاليين قوى على قلبى
كتير قوى منهم بحبهم فى الله
:)
علشان اللى ميعرفش انى بحبه يعرف
أنا مكنتش أصدق ان المساحة اللى منحها بلوجر لى
ممكن تأثر فى حياتى كده
كلامى هنا خلانى عملت حاجات بقالى كتير معملتهاش
حاجات حلوة قوى
ومريحة قوى
رشا قبل سنتين ونصف من التدوين
مش هى ابدا رشا دلوقت
:)
10 التعليقات:
اللي قبل التدوين
و اللي بعد التدوين
اكيد اكيد الأتنين حلوين
ياورد فتح في البساتين
:)
الله يخليك ويرفع معنوياتك ياأستاذ طارق
ممكن أصدق أنا كده وتبقى حكاية :)
دا احساس اي واحد بيدون
كلنا التدوين قدر يغير من شخصياتنا بشكل رهيب
كل سنة و انتي مدونة
كلنا هذا الرجل
قبل غير بعد:)
HOBTY
أهلا بيكى شرفتينى :)
أستاذ أحمد
أهلا بحضرنك
كل سنة وحضرتك مدون
يعنى بلوجر فعلا صاحب فضل علينا:)
سونى
يبقى متفقين :)
الحقيقة في الواقع :)))
لا طبعا التدوين اضاف للواحد كتير جداااااااااااا
شمس هانم
:)
يعنى كلنا اتفقنا ان بلوجر كان ليه تأثير فى حياتنا
عاش بلوجر
حضرتك نورتينى
التدوين نوع من انواع التعبير والتعبير نوع من انواع التواصل الانساني مع النفس والاخرين وفي انواع تواصل وتعبير كتير أهم حاجه نختار المناسب لشخصيتنا :)
تحياتي
أستاذ تامر على
أهلا بحضرتك
تسلم الايادى يافندم على التعليق الحميل والمفيد
وعلى تدوينات حضرتك اللى بتابعها ومستنياها
تحياتى لحضرتك
إرسال تعليق