عقلى الباطن عمل حاجة غريبة جدا امبارح 
انتهز فرصة انى نايمة وقدم لى حلول مباشرة قوى لمشكلتين 
واحدة منهم قديمة وحيوية والتانية جديدة لكن ملهاش نفس الاثر 
حتى وانا بحلم كنت مستغربة الحلول قوى من كتر ماهى مباشرة 
مش حلول مباشرة بمعنى مفيدة 
لا هى اقرب لحلول ساذجة وسطحية
مش لاقية معنى لده 
غير ان عقلى الباطن زهق منى 
وبيقولى انتى عايزة ايه طيب 
قالبة الدنيا ليه وكئيبة على الفاضى ليه 
القديم اتكلمنا فيه كتير وخلاص فهمنا الراحة هتكون فين 
والجديد فى كل احواله مش محتاج كل الدوشة دى 

شكرا ياعزيزى 
أنت عقل باطن حلو على فكرة

2 التعليقات:



حفيدة عرابى يقول...

فكرتيني بأيام كنت فيها في كلية الهندسة وكان فيه مسألة معصلجة معايا
سيبتها ونمت
وأنا نايم جاني الحل في المنام وكأن العقل الباطن شغال عادي وكان عمال يفكر في حل المسألة
الغريب إن الحل برضه كان سهل ومباشر - زي حالتك دي كده - وده اللي خلاني أستغرب طيب هو ليه الواحد دايماً وهو صاحي بتلاقي دماغه تروح ناحية الصعب؟ ليه معقدين الدنيا على نفسنا؟
الحياة الحقيقية ممكن تكون أسهل لو بس فكرنا خارج الإطار التقليدي

----------------------------
ده تعليق باشمهندس أحمد القاضى
أنا طمنته انى انشر التعليق باسمه:))

تسلم الأيادى ياباشمهندس
معنديش تعليق غير الامتنان بجد

جمال مصطفي نجار يقول...

شكرا لكم علي الموضوع الرائع
http://dakadool20.blogspot.com/