أسوأ عام دراسى فى حياتى 
سىء لدرجة انى محتارة اتكلم عنه عشان اخلص من اللى سايبه فى قلبى ومخليه تقيل ؟
ولا اسكت واستحمل وجع  دماغى  
واستحمل كمان احلامى  اللى بتعيد لى تانى كل مشاكله وأشخاصه واخفاقاته عرض تانى 
أنا كنت مستنية الإجازة دى بفارغ الصبر ومش عايزة اضيعها زى وقتى الضايع بقالى سنين على فيس بوك 
 محتاجة اعمل حاجات كتير قوى
مثلا........
عايزة اتعامل مع بعض الاشخاص بطريقة (فى فمى ماء)
عايزة ابقى طبيعية وابعد عنى القلق اللى قاتلنى بقاله كام سنة ده 
عايزة اخلص من التضارب اللى أنا عارفاه 
واسترد حاجات بتضيع وانا ببص لها وهى بتبعد وتضيع باستهتار مصطنع 
عايزة ابص فى المراية تعجبنى عيونى 
جهاد وحنان بقى ده تعليقهم الأساسي معايا 
مال عنيكى يابنتى دبلانة ليه وبتكبرك وبتدبل كل يوم زيادة ليه  ؟
اضحك طبعا وأغير الموضوع بس أنا زعلانة 
ومستغربة من حيرتى أتكلم عن اللى واجع دماغي ولا لا 
اتكلم يمكن ارتاح ولا أنا فعلا فقدت القدرة على الحكى ؟
الأيام تجاوب 

2 التعليقات:



حفيدة عرابى يقول...

بيحصل إن تعدي على الواحد مننا فترة اخفاقات طويلة شوية، بيحصل
ولما بتيجي محطة مهمة كده - زي الأجازة - بيبقى الواحد محتاج يوقف نزيف الحياة ده ويبدأ من جديد
وبشوية همة ومثابرة ممكن الواحد يعدي كل ده لمرحلة تانيية أحسن

-------------------------------

ده تعليق باشمهندس أحمد القاضى
وأنا مش عارفة اشكره ازاى والله على اهتمامه وتعليقاته المحفزة والمبهجة دى
ربنا يكرمك ياباشمهندس :)

norahaty يقول...

فعلا وأكيد
اصعب عام دراسى مر عليكى
وعلى ناس كتير الله يكون فى عون الجميع
ربنا يقدرك ويقويك على القادم
والقادم (اخطر)زى ماهو واضح