العيال الصغيرة اللى كانت بتلعب فى الشارع 
ولما يعدى عليهم عسكرى انجليزى يسيبوا اللعب
 ويغنوا : ياعزيز ..ياعزيز ..كبة تاخد الانجليز 
كان ليهم دور فى اجبار بريطانيا على توقيع اتفاقية الجلاء وتنفيذها 

المشوار طويل ....
احنا بس اللى صبرنا قليل وعمرنا قصير

الخير جاى بإذن الله
ومش الخير من انتخاب الرئيس
الخير من وقفتنا احنا قصاده
ومن رفضنا وباصرار انه يبقى زى اللى قبله

اليأس خيانة والله
والعالم دى بهدلتنا سنة ونص 
عشان اليأس يتمكن منا ونسكت
لكن بالله عليكم ..تستاهل مصر التعب ولا لأ
تستاهل شوية اكتئاب عشانها 
وبعدين نفوق بسرعة عشان ورانا شغل كتير ولا لأ

الله غالب 

12 التعليقات:



لورنس العرب يقول...

اخيرا ظهرتي هنا يا ميس

انا قلت لك قبل كده-النجاح الحقيقي ليس في الانتخابات ولكن في الرضاء بمن سيأتي في النتيجه وأن يتعاون معه المصريون أيا كان اسمه لا لشيء إلا من اجل النهوض بالبلد
ولينسى الجميع الإنتماء لمرشحا بعينه بعد إعلان النتيجه ولا أحد يفكر في شيء إلا في مساندة الرجل الجديد
أنا مثلا لا أطيق ابو الفتوح الذي ستنتخبيه انتي بسبب موقفه من الرئيس السادات رحمه الله- بالإضافه إلى خروجه في مسيرة العباسيه- لكن في الوقت نفسه لو فاز ابو الفتوح سوف أكون أول الداعمين له لأنه لا وقت لمحاربة أحد على حساب البلد

نحن في إنتظار الرئيس الجديد للتعاون معه إن شاء الله

تحياتي

حفيدة عرابى يقول...

ماهو أنا من ساعة مالميت هدومى ورحت فيس بوك ..وقتى ضايع خالص هناك
لكن برضه دى مدونتى حبيبتى

قانونا كلام حضرتك صح يافندم ولازم نرضى بنتيجة الانتخابات لو كانت نزيهة

بس شفيق وموسى مش قادرة والله يافندم
مش قادرة اتخيل ان رئيس وزراء مصر وقت موقعة الجمل واللى العيال فضلت ساعات بتموت وهو ولا هنا مادام سيده راضى عنه
مش قادرة اقبله فى المرشحين والله
وارد جدا انه مكانش ليه دور فى تخطيط وتنفيذ المعركة
لكن عارف ان النظام اللى بيشتغل عنده قاتل وظالم وفاسد وكمل عادى ومفكرش حتى يستقيل عشان لما يقابل ربنا يوم القيامة يقدر يقول انه برىء من الدم

اللى مالوش موقف انسانى حتى من الدم مينفعش يرشح من البداية نفسه للرئاسة

معنى بشع قوى يافندم ان النظام اللى أنا عايزه اسقاطه من سنة ونص مش مكسوف من نفسه وعايز يبقى رئيس علينا

أبو الفتوح كان شجاع وفصيح واتكلم مع السادات بشجاعة وأدب ومكانش متجاوز فى حواره ..لكن كان قوى وثابت
وبالعكس دى ميزة تُحسب ليه مش ضده
هو احنا كمان مش هنتكلم مع الرئيس ولازم يسمع مننا ولا ايه !!
الشاب الواعد أبو الفتوح أنا متخيلة ان لو مصر مكانش فيها السادات وبعده مبارك ..كان ممكن يوصل للرئاسة من بدرى مش فى 2012

لورنس العرب يقول...

المكان هنا لا يعوضه الفيس بوك يا ميس
المدونه هي الأصل
والفيس بوك زحمه وبصراحه انا مش بحبه اوي

اما بالنسبه للنتيجه
مهو احنا هانلتزم عشان خاطر البلد وبس مش عشان المرشح نفسه- وبعدين يا ستي مين قالك انهم هاينجحوا (وان كنت متوقع ان موسى سيظهر في الصوره بقوه)
ان اجادل في ابو الفتوح فيكفي اني لا ارشحه ولن اعطي له صوتي- فمهاجمة السادات وتأييد من قتله ليس شجاعه في رأيي
لكن انا عند كلمتي- سوف اقف بجانبه في حالة نجاحه ولن اعاديه بسبب انه لم يكن مرشحي المفضل

رئيس جمهوريه نفسى يقول...

مس رشا هانم
مش جاي اعلق في المدونة ولا قريت البوست أحقاً للحق يعني
أنا جاي بس اسلم و أطمئن على حضرتك وماشي

حفيدة عرابى يقول...

محمود باشا
وهو يعنى انك تيجى المدونة وتسلم دى شوية
:)
ازيك يامحمود باشا مفتقدة وجودك والله فى فيس بوك لكن مادام كده انت مرتاح يبقى كويس قوى
حلوة جدا فكرة الرجوع لبلوجر
يارب اسمع عنك كل خير دايما :)

رئيس جمهوريه نفسى يقول...

مستني تعليقك علي نتيجة الانتخابات

حفيدة عرابى يقول...

ينفع أقولك انى مقهورة
آه والله مالاقية تعبير أفضل من ده يوصف حالتى
هاستنى النتيجة النهاردة واقولك بالتفصيل ان شاء الله

رئيس جمهوريه نفسى يقول...

النتيجة ظهرت مستني بوست

حفيدة عرابى يقول...

نفسى اكتب بوست والله يامحمود باشا
بس دماغى بايظة خالص
متهيألى انت عارف رأيى وأنا كمان قرأت عندك رأيك فى الموضوع

أنا فى اللحظة دى لو فيه انتخابات اعادة ومرسى وشفيق ..أنا هختار مرسى
معنديش استعداد أبدا للمقاطعة أو ابطال صوتى

حمدين وعبد المنعم معاهم جدا لو هم عندهم حاجات ممكن تدين العسكرى أو اللجنة بالتزوير لصالح شفيق

ولسه عايزة اجابة عن سؤال الاصوات اللى تمت اضافتها للجداول الانتخابية
لكن برضه لو شفيق ومرسى هختار مرسى

حفيدة عرابى يقول...

مش عارفة هيبقى ليه لازمة ولا لأ لو قولتلك انى موافقة جدا ان الاخوان مطلوب منهم ضمانات قوية بعدم الاستحواذ على السلطة
ازاى بالظبط مش عارفة
لكن اقتراح عصام سلطان كويس
دكتورة هبة عزت كانت برضه اقترحت خطوات مفيدة
ومتهيألى الاخون هيبقوا محتاجين التوافق ده اكتر مننا لان موقفهم صعب حسب اللى أنا فاهماه

رئيس جمهوريه نفسى يقول...

شوفي البوست بتاع النهاردة ردا على موضوع الضمانات من الإخوان المسلمين

لا شفيق ولا مرسي أنا مش لاعب انتخابات

حفيدة عرابى يقول...

تعليقى عندك فى قصر الرئاسة يامحمود باشا
واسفة جدا على التأخير