فاصل من البهجة

تحذير 
البوست غير رمضانى بالمرة 
--------------

حتى صوتى وضحكتى لك فيها شى 

----------

واسعدتنى ورود سوف تهديها 

---------

هامت بكِ العين لم تعرف سواكِ هوى ..من أعلم العين أن القلب يهواكِ

----------


وتسافر واسافر وأيام يطول السفر 
وقلوبنا بتتقابل مع كل طلعة قمر 
وان جت خطوتنا تغربنا 
حلاوة الشوق بتقربنا 
ومنين يجينا البعاد 
ومنين يجينا الخصام 
واحنا بين قلوبنا كل لحظة معاد 


------------

اذا اكتحلت عينى بعينك لم تزل.... بخير وجلت غمرة عن فؤاديا 



---------------


كل عام وأنت حبيبتى 


----------

وانى لأستغشى وما بى نعسة.... لعل خيالا منك يلقى خياليا 

---------------

وأخرج من بين البيوت لعلنى ..أحدث عنك النفس ياليل خاليا 

------------


حبيتها 
ايوه أنا حبيتها
 مش قادر أنسى ضحكتها 
مش يمكن دى فرحة عمرى 
والفرحة ماصدقت لقيتها 
كان فين اليوم ده غايب عنى 
كان فين 
تسلم لى وتسلم ضحكتها 


-----------


صباحك سكر


--------

أشكو الى الله قلبا لاقرار له ...قامت قيامته والناس أحياء 
ان نال منكم وصالا زاده سقما ...كأن كل دواء عنده داء 

------------ 

ولقد مررت على ديارهم... وطلولها بيد البلى نهب 
فوقفت حتى ضج من لغب.... نضوى ولج بعذلى الركب 
وتلفتت عينى فمنذ خفيت ....عنها الطلول تلفت القلب 

-------------


أخاف ان تمطر الدنيا ولستِ معى 


-----------

احن الى لقائك كل يوم ...وأسأل عن ايابك كل وقت 
واذكر مامضى فيغيض صبرى ...وتنفر عبرتى ويبوح صمتى 
ولى قلب اذا ذكر التلاقى....تظلم من يد البين المشت 

----------


فاذا وقفت أمام حسنك صامتا 
فالصمت فى حرم الجمال جمال 


---------


وقرأت أقاصيص الأطفال 
دخلت قصور ملوك الجان 
وحلمت بأن تتزوجنى بنت السلطان 


------------
عيون المها بين الرصافة والجسر ..جلبن الهوى من حيث أدرى ولا أدرى 

----------

تبدت لنا وسط الرصافة نخلة تناءت...... بأرض الغرب عن بلد النخل 
فقلت شبيهى فى التفرد والنوى .....وطول ابتعادى عن بنى وعن أهلى 

--------------

أستشف الوجد فى صوتك آهات دفينة 

يتوارى بين أنفاسك كى لا أستبين 

لست أدرى أهو الحب الذى خفت شجونه 
أم تخوفت من اللوم فآثرت السكينة 

--------------


الحب ليس رواية شرقية 
بختامها يتزوج الأبطال 


------------


اذا مااستطال الدهر ياأم مالك 
فشأن المنايا القاضيات وشانيا


--------


ومهما شفت جمال ..وزار خيالى خيال 
أنت اللى شاغل البال ..انت 
انت اللى شاغل البال 
وانت اللى قلبى وروحى معاك 
وان مر يوم من غير رؤياك 
ماينحسبش من عمرى 


----------


قالى كام كلمة...
يشبهوا النسمة ..فى ليالى الصيف


-----------

بانت سعاد فقلبى اليوم متبول...متيم إثرها لم يُفدَ مكبول 

---------

رمت الفؤاد َمليحة عذراء ....بسهام لحظ مالهن دواء

------

كيف ياسيدتى أثبت اننى رجل أمامك
 دون أن أعشق أرضى
مثلما أعشقك حتى الشهادة

-------- 

لحى الله أقواما يقولون أننا... وجدنا طوال الدهر للحب شافيا 

----------

أافترقنا أم على وشك افتراق 
وانتهينا أم لنا فى الحب راق
 كلما سارت خطانا للتلاقى
 كنت تأبى للخطى غير الفراق
ياجريحا دمه الغالى مراق 
ان جرحى فيك نار واحتراق

-------- 


اذا نحن أدلجنا وأنت أمامنا 
كفى لمطايانا بذكرك هاديا 


----------
علمنى حبك أن أتصرف كالصبيان
 أن أرسم وجهك بالطبشور على الحيطان 
ياامرأة قلبت تاريخى 
انى مذبوح فيك 
من الشريان الى الشريان 


-----------------


فأنت التى ان شئتِ أشقيتِ عيشتى 
وأنت التى ان شئتِ انعمت باليا 


----------------

وأصبحت عينى بعد الكرى ...تقول للتسهيد لا ترحل 

----------

لئن أك أسودا فالمسك لونى ...وما لسواد جلدى من دواء 
ولكن تبعد الفحشاء عنى ...كبعد الأرض عن جو السماء 

----------


عانيت ..عانيت 
لاحزنى أبوح به 
ولست تدرين 
شيئا عن معاناتى 
أمشى وأضحك ياليلى مكابرة 
على أخبى عن الناس احتضاراتى
لا الناس تعرف 
ماأمرى فتعذرنى 
ولا سبيل لديهم فى مواساتى 


-------------

واذا قلت مابى يابثينة قاتلى ...من الحب قالت ثابت ويزيد 

-----------

وأحبها وتحبنى ويحب ناقتها بعيرى 

-----------

بلا ولا شى 


-------


هو صحيح ..صحيح ..؟ الهوى غلاب ؟؟
معرفش أنا 


-------------
رأيت خياله فى المنام 
محلاه ياوعدى ...محلاه ياوعدى 
محلاه ..محلاه 


---------


شعاع أول شرارة حب 
ونظرة من بعيد لبعيد 
تقول حبيت 
ورمش يقول غلبنى الحب 
غلبنى الحب غلبنى 
ومين ينسى ..ومين يقدر فى يوم ينسى 


-----------


كلمة ونظرة عين 
والقسمة وياهم 


---------


خايف أقول اللى فى قلبى 
تتقل وتعاند وياى
ولو داريت عنك حبى تفضحنى عينى فى هوايا 
أنا زارنى طيفك فى منامى قبل مااحبك 
طمعنى بالوصل 
وفاتنى وانا مشغول بك 
عايز اعاتبه 
لكن خايف ...
يروح يقول انى بحبك

------------------------------------------------
كل أبيات الشعر ومقاطع الاغانى دى 
من المبهجات بالنسبة لى 
ممكن يكون بعضها حزين 
لكن بتبقى جميلة قوى لما أرددها مع نفسى كتير 
مجربة ومضمونة 
لما تكون النفسويات بايظة على الاخر 
استمتعوا معايا :)

16 التعليقات:



كــركــبــة دمـــاغ ㋡ يقول...

احم احم
وحشتيني ده اولاً

كل سنة وانتي طيبة وبألف خير وصحة وسلامة ده ثانياً

والاتنين متأخرين ومقصرة في حقك جامد جداً

فــ ثالثاً هتبقى أنا آسفه جداً

رابعاً بقى

انا شامة ريحة دار العلوم فــ شوية ابيات كده

بثينه
وبعيري
واللهم اخزيك يا شيطان

لكن ده ما يمنعش اني استمتعت برضك
:)
وان البوست حلو
وعجبني جداً اختياراتك
كلها ليها معاني جميلة

خامساً بقى
ازيك كدهون ؟؟
يارب تكوني في أحسن حال

:):):)

شمس النهار يقول...

ايه البهججه دي
دي كلمة من الشرق علي كلمة من الغرب

بس كوكتيل لطيف
عامل زي طعم الفخفاخينا
كل شوية طعم حاجة

ابراهيم رزق يقول...

زى ما قالت شمس النهار شوية فرح على شوية شجن
بس كويس دعوة الى البهجة
بهجة؟
بهجة؟
بهجة؟
بهجة؟
بهجة؟
انا الكلمة دى سمعتها قبل كدة
يا ترى سمعتها فين يا ترى سمعتها فين
مش فاكر اصل بقالى كتيير ما سمعتهاش و محستهاش
تحياتى

norahaty يقول...

أيه الـــموضوع
ياابلة العُرابية ؟
يارب يكون خير والف
خير كماااااااااااان

norahaty يقول...

بالمرة بقى أضيف
البيت اللى تغنت
به فيروز:-
كل السيوف قواطع ان جردت
وحسام لحظك قاطع في غمده
ان شئت تقتلني فأنت محكم
منذا يطالب سيدا في عبده؟؟

norahaty يقول...

وكمان طالما الدنيا
هادية واحنا صايمين
أحكيلك عن زميلة لى
كل ما كانت تسمع حليم
فى فاتت جنبنا و
(مش قادر أنسى ضحكتها)
تتحسر اوووووى وتقولى
طب ما احنا فاتحين بردون
(بُقى)على الضرفتين اهوة
محدش سأل فيا ليه؟:):):)

فاتيما يقول...

انا مش لاقية تعليق

عارفة ؟

انا قاعدة على سحابة
فوق جبل المقطم
قبل أدان المغرب بشوية
ببص للدنيا بمحاولة هروب من وجعها
بتنهد وانا بعدى من مقطع للتانى
وجوايا شجن
و قلب عمال يدق يدق يدق
و بدعيلك
ربنا يفرح قلبك
زى ما انتى أبهجتينا .. بهذه التدوينة

بوسات وحضونات
وابتسامات ..
من فوق السحابات

:)

حفيدة عرابى يقول...

كراكيبو
ازيك ياجميلة
كل سنة وانت طيبة
مفيش حاجة اسمها متأخرين ومقصرة فى حقك والحاجات دى :)
القلوب بتسلم على بعضيها عادى ومن بعيد ياحبيبى بسلم :) وكده يعنى
مالها دار العلوم بس يابنتى ده انتم حماة اللغة العربية وحراسها :)
انت اللى ازيك كدهون ونتيجتك طلعت ولا لسه
وعارفة عارفة يعنى لو مشفتكيش فى ابو الريش
انت حرة بقى
سلام ياللى بتقولى على نفسك كركبة دماغ وانت مش كده خالص

حفيدة عرابى يقول...

شمس هانم
هى فعلا كلمة من الشرق وكلمة من الغرب
ومن غير أى ترتيب خالص
انا بس كنت بحاول افتكر ايه مقاطع الاغانى اللى بتعجبنى على الكام بيت شعر اللى داخلين دماغى وبسمعهم لنفسى
ومع ان كتير منهم حزين بس حقيقى بيسعدنى
:)
تحياتى لحضرتك

حفيدة عرابى يقول...

أستاذ ابراهيم
:))
يعنى أنا اللى سمعتها ..بس ادينا بنحاول
كانت دكتورة ستيتة كاتبة زمان فى مدونتها ( السعادة ارادة )
وفعلا هى ارادة
تحياتى لحضرتك

حفيدة عرابى يقول...

دكتور نور
خير يادكتور ان شاء الله :)
بدل ماأفضل أقول مضايقة وزهقانة والحاجات دى بالايحاء انت عارفة
قلت أشارك الناس فى متعة من متعى الخاصة ..يمكن كلمة من أغنية ولا بيت شعر يرسم ابتسامة زى ماحصلى لما قريت الكلام ده

الله ..الله
ده تعليقى على الست فيروز واختيارها واختيارك الحلو


لاتتخيلى يادكتور انا ضحكت اد ايه على كلام زميلتك
صح فعلا عندها حق ...اشمعنى يعنى ولا سعادة البيه عبد الحليم وصحابه بيفرقوا بين الضحكات :))
شرفتينى واسعدتينى يادكتور :)

حفيدة عرابى يقول...

طمطم
يعنى خرجت من المدونة وانت مبسوطة ولا حاجة بعد الشر ضايقتك :)
انا جيت ابص عليهم تانى لقيت كتير منهم حزين
بس هو أنا مزاجى كده وبيسعدونى فعلا
أعمل ايه فى نفسى ؟ :)

أخبار السحابة ايه النهارده ؟
اوعى تطلعى دلوقت الجو حر وصيام ...ابقى اطلعى والجو حلو كده
ولا هى السحابة اصلا بيتاخدك بعيد عن الشمس والحر والناس وكل الحاجات دى :)

اللهم آمين ياحبيبتى ولك مثله

المهاجر يقول...

لقد خلقنا الله أحرارا
أولا رمضان كريم
وكل سنة وأنت طيب
ثانيا أتمنى لو تكون لسه فاكرنى
وثالثا أحب أقول ان البوست جميل جدا

يا مراكبي يقول...

:-)))

أنا في مُنتهى السعادة إني بقرأ البوست ده بعد البوست اللي فات قبلُه على طول، كُنت على وشك الإنتحار خلاص :-)

عموماً مود جميل .. ربنا يديمُه عليكي، حاجة نادرة الأيام دي

حفيدة عرابى يقول...

المهاجر
أهلا وسهلا بحضرتك وحمد لله على السلامة
حضرتك نورت بلوجر من تانى

حفيدة عرابى يقول...

:)))
والله ياباشمهندس أنا استغربت جدا من تعليق حضرتك وخصوصا ان حضرتك مش متعود تستخدم الفاظ فيها مبالغة زى (الانتحار)
وفعلا كنت ناسية خالص البوست اللى فات بيتكلم عن ايه
ولما شفته لقيتنى باقول أعوذ بالله
ايه ده ....كل الغل ده أنا كتبته
كل ده كان جوه ..ياساتر
هو الناس مكن تيجى المدونة وتقرأ ده !!!
طب ليه كده ؟؟؟ ده الناس غلابة أصلا :)

بس هو مجلس العسكر اللى بيضايقنى أعمل ايه :)))


ايوه كده ادع لى ياباشمهندس الله يكرمك :)

حضرتك شرفتنى :)