وتعيشى ياضحكة مصر




الفكرة كلها مرتبطة بالدين اللى فى رقبتى ليه 
كان عندى حلم كبير قوى 
راح هو نام فى الشارع كده 
وحقق لى حلمى 

بس خلاص 

كتبت له كلام كتير 
ومش لاقية حاجة منه تليق بيه 
عايزة بس أقوله 
ان أحلامى اللى فى السما ليه فيها نصيب 
وانى معاه فى كل احواله 
لو هادى هاقوله ربنا يكملك بعقلك 
ثائر.... هاقوله هو ده الكلام 
متهور ..لأ ياحبيبى استنى شوية واسمع 
هتف هتاف مش عاجبنى 
هاهتف معاه علشان صوته يبقى عالى 
وبينى وبينه هاقوله استنى مينفعش 
المهم انى معاه 
ومقدرش غير انى أكون معاه 
وكل ماأشوفه نايم نومته دى 
الاقينى بقول
عرفتى تربى يامصر والله 
تسلم ياخويا فى نومك وصحيانك  من كل شر 
وتعيشى ياضحكة مصر  

6 التعليقات:



موناليزا يقول...

:)
الله عليكِ وعليه

tarek momen يقول...

هو ده الورد اللي فتح في جناين مصر رغم التعطيش و التبوير الذي مورس علينا لمدة تلاتين سنة

حفيدة عرابى يقول...

موناليزا
شرفتنى مدونتى :)
ميرسى على ذوقك بس الله عليه فعلا
هو اللى يستاهلها
نورتينى


أستاذ طارق
ده فاتح نفسى للدنيا قوى
ربنا يحميه هو واللى زيه

لـــولا وزهـــراء يقول...

تعيشي يا ضحكة مصر

لولا

ابراهيم رزق يقول...

ربنا يسهل و يصحى
و يدخل التاريخ من اوسع ابوابه

تحياتى

حفيدة عرابى يقول...

لولا
:)
اللهم آمين


أستاذ ابراهيم
:) لأ ماهو بيرتاح بس شوية من النضال وهيصحى ماتقلقش :)
تحياتى لحضرتك