9 يوليو



طيب يا شعب الميدان
واضح جدا ان التاريخ جاب الدفاتر والسجلات وقاعد معاكم 
ومش ناوى يكتب كمان
 هيسيبكم انتم اللى تكتبوا 
ربنا يثبتكم وينصركم ويرزقنا من البركات
انتم القوم لايشقى بكم جليسكم 

------ 

بسم الله الرحمن الرحيم 
الاجابة السويس 
وشكلها مش هتتغير الاجابة دى فى المدى القريب 

------

الله ينتقم منك يامبارك انت وأيامك واللى اتربوا على ايديك
واضح ان الثورة دى كانت مفاجأة لكل مستويات السلطة فى مصر 
وفرق السرعات بين الثوار واستجابة السلطة فادح 
لا مبارك كان مستوعب ولا المجلس العسكرى عايز يستوعب 
ولا الشرطة عاملة حسابها انها تتغير 
8يوليو 
بيتقال بعدها انهم هينفذوا طلبات 
كانت ممكن تتعمل بسهولة قوى يوم 12 فبراير الصبح

------

الايام الجاية تحديد مصير 

-----

صمت المجلس العسكرى مريب
 ولازم يبقى أذكى من انه يستخدم أساليبه اياها مع المعتصمين 
المرة دى غير كل مرة يامجلس 
الدنيا كلها كانت شايفة التحرير امبارح 
وكانت سامعة ازاى فئات كتير قوى صوتها بقى عالى
 وهى بتطالب باسقاطك
لو عايز رأيى يعنى ..أنت السبب
والوقت بقى ضيق قدامك ومصداقيتك فى الحضيض 
والشعب اللى هتف الجيش والشعب ايد واحدة 
رجع يقول الجيش المصرى بتاعنا 
والمجلس مش بتاعنا 
أنت فى خطر كبير صدقنى 
ولسه هاقول الكلمة اللى بيعتبرها كتير سذاجة 
ولقيت بلال فضل قالها النهاردة 
اختار مكانك فى التاريخ ...مبارك خلاص عرف مكانه 
لو ماتعلمتش من درس مبارك ...لو مااستوعبتش ان القوة الحقيقية هى الشعب 
يبقى ربنا يستر على البلد دى بجد ويكتب لها كل الخير 

------

ليه كده ياعصام ياشرف ؟؟:(
ماتسيب المجلس صاحب السلطة يتكلم 
يسكت ليه وتتكلم انت مكانه 
لسه دلوقت بتفكر تكلم الداخلية تخلى بالها من الامن 
وتحترم المواطنين 
وايه حكايةإقالة الضباط من غير محاكمة 
وليه ماتمش ايقافهم عن العمل لغاية ماتخلص التحقيقات 
واشمعنى دلوقت 
وايه الضمان ان دى مش حجة علشان الناس تسيب الميدان 
ويرجعوا يوقعونا فى بعض تانى 
لغاية اللحظة دى أنا زعلانة عليك 

----

يامصر ملو قلوبنا الخير 

------

مبارك والعادلى 
نقولها تانى 
الاتنين دول تحديدا والبلد هتبقى هادية اكتر 
والعصابة كلها هتقع بمنتهى السهولة 
والاتنين دول بالذات 
واضح انهم مطمنين على الاخر 
لغاية مانحل الاشكالية دى 
عمر البلد دى ماهيحصل فيها استقرار 
ولا هتمشى فيها عجلة انتاج 

------
الخوف اننا نعمل ثورة 
ونعزل خورشيد 
وفى الاخر نروح نختار محمد على 

--------

الاحباط 
كنت راجعة من التحرير فى منتهى السعادة 
وماشية فى الشارع أهتف فى سرى 
حتى بالهتافات اللى أنا مش موافقة عليها 
لغاية ماصحيت الصبح 
لقيت صديق على فيس بوك خبطنى تعليق أحبطنى بجد 
ليه أنا سهلة الاحباط كده ؟
ليه أسمح لشخص أو لتعليق انه يخنق روحى الطريقة دى 
مش عارفة 
لكن أنا محتاجة فعلا أصالحنى 
واعرفنى انى أغلى حاجة عندى 
ساعتها مش ممكن حد هيلاقينى فرحانة 
ويفكر بس مجرد تفكير انه يحبطنى 

-----
الهواجس والهلاوس 

 كونداليزا 

 صورة للواء صاحب التحية العسكرية للشهداء 
بيشيل قناع وتحته بنلاقى مبارك 

 الجزائر وفلفل حلو 
زى مانبهنى دكتور بنجاواتى

اليقين 

ربنا كبير 
وأمريكا وكل المتآمرين استحالة يعرفوا يصنعوا قدر

-------

ياثوار 
اذكركم ونفسى 
اسقاط النظام مش الدولة 
نعرف ازاى الشعرة اللى بين الاتنين 
مش عارفة بالظبط 
بس بحاول 
على الاقل نقولها لنفسنا كتير 
فربنا يهدينا واحنا بنتحرك ونعرف نفرق بينهم 

5 التعليقات:



norahaty يقول...

من يوم 24فبراير
كتبت عند صديق مدون
انا خايفة :(ساعتها رد
كل اللى علقوا عنده-هو مردش-
ليه دى الدنيا 100فل وعشرة بلاش
التشاؤم دا,لكن بالعقل كدا هل
ممكن حكم وسلطة وخير بلدنا
الحلوة دى يتساب بالسهولة
دى!!ابدا لازم نلاقى كل
شوية متفجرات وفخاخ
ومطبات وأعــوان
مستترين بكذا
صورة وصورة
اٌقولك
ايه ياابلة
العرابية ربنا يستر
ويجيب العواقب سليمة
ومايخيب رجـائنا يارب

حفيدة عرابى يقول...

كنا عايزين نفرح يادكتور
كتير برضه كلمونى على المخاوف المنطقية من 11 فبراير
لكن معنوياتى كانت فى السما وحبيت افرح
وحاسة انى شخصيا ضغطت على نفسى كتير لغاية النهارده
قلق وتوتر وخوف
وكفاية كده بقى بصراحة تعبت
ربنا يستر

لورنس العرب يقول...
أزال المؤلف هذا التعليق.
مهندس مصري يقول...

خير ان شاء الله
الشعب ده طول ما هو متحد محدش حيهزمه أبداً

حفيدة عرابى يقول...

مهندس مصرى
اللهم آمين