موال النهار

 
يا هل ترى الليل الحزين

أبو النجوم الدبلانين

أبو الغناوي المجروحين

يقدر ينسّيها

الصباح

أبو شمس بترش الحنين؟
 

5 التعليقات:



فاتيما يقول...

إن شاء الله .. لأ

حفيدة عرابى يقول...

:)
ان شاء الله ياطمطم ياوحشانى


أبداً

بلدنا ليل نهار

بتحب موّال النهار

لما يعدّي في الدروب

و يغنّي قدّام كل دار

و الليل يلف ورا السواقي

زي ما يلف الزمان

و على النغم

تحلم بلدنا

بالسنابل و الكيزان

تحلم ببكره

و اللي حيجيبه معاه

تنده عليه في الضلمة

و بتسمع نداه

تصحى له من قبل الأدان

تروح تقابله في الغيطان

في المصانع .. و المعامل

و المدارس .. و الساحات

طالعة له صحبة

جنود

طالعة له رجال ..

أطفال .. بنات

كل الدروب واخدة بلدنا للنهار

و احنا بلدنا ليل نهار

بتحب موال النهار

لما يعدي في الدروب

و يغني قدّام كل دار

MR.PRESIDENT يقول...

لو الإنسان منساش كان اتعذب
النسيان من رحمة ربنا

تامر علي يقول...

جميله الكلمات دي :)
الموال ده بتاع مين ؟

حفيدة عرابى يقول...

أستاذ بسام
:)
لأ فيه حاجات مينفعش ننساها
يعنى ينفع ننسى النكسة ؟ :)

أستاذ تامر
كلمات عبد الرحمن الابنودى
غناء عبد الحليم حافظ
والاسم الحركى ليها عدى النهار :)