نوستالجيا 3

اولى ثانوى  

أنا عند قريبة عزيزة جدا على قلبى 
تليفزيون بيعرض مسلسل عربى وفيه بنوته بتحب شاب زميلها فى الجامعة 
وأهلها استحالة يوافقوا عليه 
بمنتى البراءة عرضت الحل من وجهة نظرى وزى ماشفته فى فيلم قبل كده 
لو كملت واحد وعشرين سنة ممكن تروح القسم وتتجوزه بالبطاقة 
طبعا من حقكم تتخيلوا رد فعل القريبة العزيزة 

بس عدت على خير الحمد لله :) 


-------------------

تانية ثانوى 

حصة العربى ......رواية واإسلاماه 
لازم نحضر الجزء اللى هندرسه ونتكلم عنه باسلوبنا 
كنت دايما بختار الاجزاء اللى تخص قطز وجلنار 
اللى درسوا الرواية دى هيفتكروا الوردة اللى حدفتها جلنار على قطز 
وقطز وجلنار فى سوق الرقيق وفرحتهم لما السيد الدمشقى اشتراهم سوا وهيفتكروا قطز وجلنار فى بيت السيد الدمشقى وابنه اللى باع جلنار للتاجر المصرى
ولما قطز حلم بالرسول عليه الصلاة والسلام بيطلب منه الذهاب لمصر
وقطز لما كان بيكلم شجرة الدر عن مزايا أيبك 
قطز فهم ان بيبرس صديقه اللدود هينجح فى انه يعرض لشجرالدر بطولات أقطاى وشجاعته
قطزاختاريتكلم عن الجانب الانسانى والعاطفى فى شخصية أيبك 
طبعا أنا اخترت دور قطزوبعد ماعرضت كلامه 
قلت للمس ان كلام قطز أخذ بمجامع قلب شجر الدر 
مش فاكرة الجملة دى كانت بالظبط فى الرواية ولا لأ 
بس فاكرة قوى الفصل ومكانى  والسبورة وابتسامة المس وبعدين ضحكتها 
ولما قالت لى حلوة قوى مجامع قلبها دى ..لأ حلوة فعلا


بعدها بشوية غبت للأسف يوم حصة واإسلاماه 
والمِس قالت لى فاتك نص عمرك اتجوزوا امبارح

3 التعليقات:



Ramy يقول...

ههههههههههههههههه

جميلة الذكريات دى

دايماً يارب ذكرياتك تكون جميلة

أنما المُدرسة ليه بتكلم كأنه مسلسل (:

فاتيما يقول...

:)))))

حفيدة عرابى يقول...

استاذ رامى
:)الله يخليك يااستاذ رامى
هى المدرسة دى كانت عسولة قوى واسلوبها كان بيحببنا فى الرواية بزيادة
تحياتى لحضرتك :)



طمطم
:)
طاااايب :)