رسالة ماركيز


لو شاء الله 

أن يهبني شيئاً من حياة أخرى

 فإنني سوف أستثمرها بكل قواي

ربما لن أقول كل ما أفكر به 

لكنني حتماً سأفكر في كل ما سأقوله

سأمنح الأشياء قيمتها

لا لما تمثله، بل لما تعنيه

سأنام قليلاً، وأحلم كثيراً

 مدركاً أن كل لحظة نغلق فيها أعيننا

تعني خسارة ستين ثانية من النور

سوف أسير فيما يتوقف الآخرون

 وسأصحو فيما الكلّ نيام

لو شاء ربي أن يهبني حياة أخرى

 فسأرتدي ملابس بسيطة 


واستلقي على الأرض

 ليس فقط عاري الجسد 

وإنما عاري الروح أيضاً. 

سأبرهن للناس كم يخطئون 

عندما يعتقدون أنهم لن يكونوا 

عشاقاً متى شاخوا

 دون أن يدروا أنهم يشيخون

إذا توقفوا عن العشق

سـوف أعطي للطفل الأجنحة

 لكنني

 سأدعه يتعلّم التحليق وحده


وللكهول

 سأعلّمهم

 أن الموت لا يأتي مع الشيخوخة

 بل بفعل النسيان


لقد تعلمت منكم الكثيرأيها البشر...

تعلمت

 أن الجميع يريد العيش في قمة الجبل

غير مدركين

 أن سرّ السعادة تكمن في تسلقه. 


تعلّمت أن المولود الجديد 

حين يشد على إصبع أبيه للمرّة الأولى

فذلك يعني انه أمسك بها إلى الأبد


تعلّمت أن الإنسان يحق له

أن ينظر من فوق إلى الآخر

فقط 

حين يجب أن يساعده على الوقوف. 


تعلمت منكم أشياء كثيرة! 

لكن، قلة منها ستفيدني

 لأنها 

عندما ستوضب في حقيبتي

 أكون أودع الحياة


قل دائماً ما تشعر به 

وافعل ما تفكّر فيه


لو كنت أعرف

 أنها المرة الأخيرة التي أراكِ فيها نائمة 

لكنت ضممتك بشدة بين ذراعيّ 

ولتضرعت إلى الله أن يجعلني 

حارساً لروحك


لو كنت أعرف أنها 

الدقائق الأخيرة التي أراك فيها 

لقلت " أحبك"

 ولتجاهلت، بخجل

انك تعرفين ذلك. 


هناك دوماً يوم الغد

والحياة تمنحنا الفرصة لنفعل الأفضل

 لكن لو أنني مخطئ

وهذا هويومي الأخير

أحب أن أقول كم أحبك

وأنني لن أنساك أبداً


لأن الغد ليس مضموناً

 لا للشاب ولا للمسن

 ربما تكون في هذا اليوم

المرة الأخيرة

التي ترى فيها أولئك الذين تحبهم 

 فلا تنتظر أكثر

تصرف اليوم

 لأن الغد قد لا يأتي

 ولا بد أن تندم علىاليوم

الذي لم تجد فيه الوقت

 من 

أجل ابتسامة

 أو عناق

 أو قبلة

 أو أنك كنت مشغولاً

كي ترسل لهم أمنية أخيرة


حافظ بقربك على من تحب 

اهمس في أذنهم أنك بحاجة إليهم

احببهم واعتني بهم

 وخذ ما يكفي من الوقت لتقول لهم عبارات

مثل

أفهمك

 سامحني

من فضلك

 شكراً


وكل كلمات الحب التي تعرفها. 

لن يتذكرك أحد من أجل ما تضمر من أفكار

 فاطلب من الربّ القوة والحكمة للتعبير عنها

وبرهن لأصدقائك ولأحبائك

حبيت أعيد عليكم بطريقة مختلفة 

27 التعليقات:



بدراوى يقول...

الرسالة جميلة اووووى
لكنها مش من ماركيز
لأنه هو اساساً ملحد
ده كلام وضحه ليا شخص دارس اسبانى
و من قراء ماركيز
و الكلام اتكذب وقتها

كل سنة و حضرتك طيبة وبخير وسعادة يارب

بنجاواتى يقول...

ايه ده؟؟ كل ده عشان تقولى كل سنة وانتوا طيبين؟؟؟
ده انا حسيت انى بسمع اوتار الليل او همسات الصباح او بسمع حد من بتوع التنويم المغناطيسى

عموما كل سنة وانتى بألف خير

حفيدة عرابى يقول...

بدراوى
كل سنة وأنت طيب الاول عيد ميلادك والعيد :)
بس أنت متأكد من المعلومتين دول
انها مش كلامه
وانه ملحد
أصلها مشهورة ومنتشرة قوى مع انى أول مرة أشوفها النهاردة وعجبتنى جدا وحاسة انها مفيدة وممتعة قوى
وبعدين هو ينفع واحد ملحد يقول كلام حلو كده ؟
معلش هو سؤالى ساذج أنا عارفة
لكن أنا عنصرية أصلى ومش قادرة أتخيل ان فى بشر يجرؤ على انكار وجود الله سبحانه وتعالى
وكمان يبقى مبدع !!
طب ازاى ده انا بحس انه يبقى عنده غباء روحى كده ومينفعش يطلع منه ابداع

عموما انا بتلخبط من حكاية الالحاد دى
وأتمنى ان كل البشر ربنا يهديهم ليه وخصوصا لو كان فى نفوسهم خير وربنا أعلم بيهم

حفيدة عرابى يقول...

دكتور بنجاواتى
ماهى عجبتنى
يعنى ينفع الاقى حاجة حلوة من وجهة نظرى
ومش اعرف الناس بيها لو مش يعرفوها
انا حاسة انها مجموعة نصائح وخبرات انسانية راقية قوى واتمنى انى انفذها

فى الاول وفى الاخر كل سنة وانت وأحبابك دايما بخير

كــركــبــة دمـــاغ ㋡ يقول...

كل سنه وحضرتك طيبه وبالف خير وصحه وسلاااااااااامة

وربنا يعود عليكي الايام بكل خير وانتي في احسن حال يارب

عيد سعيد على حضرتك وعلى كل اللي بتحبيهم يارب

(f)

ووحشتيني عــ فكرة جداً جداً
واسفه عشان مقصره معاكي جداً جداً جداً

يارب تكوني بخير

well يقول...

وصلت الرسالة ...الملهمة

وكل عام وانتى طيبة وبصحة وسعادة
وعيد مبارك عليكى وعلى الامة الاسلامية


تحياتى

richardCatheart يقول...

كل سنه وانت طيبه يا حفيده جدو

يارب عيد سعيد عليكى وعلى كل الاسره

معايده ماكيزيه مختلفه

كل سنه وانت مختلفه

خواطر شابة يقول...

أضحى سعيد ينعاد عليك بكل صحة وسلامة ان شاء الله
الكلمات جميلة فيها دروس حياتية كثيرة وفيها عصارة خبرات انسانية علنا نستفيد ونفهم اننا ينبغي ان نعيش حاضرنا ونسعد به لا ان نبقى أسرى لاحداث ماضي عشناه او أسرى خوف من مستقبل سنعيشه
دمت بكل الود والمحبة عزيزتي

لـــولا وزهـــراء يقول...

تحفه بجد وانا اقراها تذكرت العديد والعديه من الاقاويل ولكن كانت فى ذاكرتى جمله كنت قراتها منذ فتره طويله
لو وهبنى الله قطعه اخرى من الحياه لكتبت كل احقادى على قطع من الثلج وانتظرت بزوغ الشمس حتى تسيح قطع الثلج ومعها احقادى

اللحظه اللى بتفوت مش بتجرع يبقى المفروض نستغل كل لحظه افضل استغلال لها
يعنى تعلمت ان اودع من احب بطريقه لطيفه لانها ممكن تكون اخر مره تتلاقى الوجوه
تعلمت ان اهدى الى صديقى ورده فى حياته وهى افضل من ان اضع باقة زهور على قبره بعد رحيله
تعملت انى اعبر عن مشاعرى لكل احبابى
تعلمت لما اعتذر انظر فى عيون من اخطئت فى حقه عشان يسمع كلامى ويشوف نظرة الاعتذار بعيونه

كل سنه وانتى بخير وصحه وحب على فكره انا مش يهمنى ان الرساله منقوله من مين المهم المعنى اللى تحتويه

عيد سعيد على كل الاسره

زهراء
ياترى فاكرنى او لا

nigro يقول...

ماشي ماشي
طيب
و ماله
كل سنة و انت طيبة و كده يعني
فين بقى اللحمة ؟؟؟
:)

حفيدة عرابى يقول...

كركبة دماغ
وأنت طيبة وبخير ياللى مش كركبة دماغ خالص :)
أنت كمان وحشتينى قوى
ومش تعتذرى عن حاجة عن حاجة ياعسولة
ربنا يقويك انت فى جامعة بقى ياعم وكده
ربنا يوفقك :)



باشمهندس وليد

كل سنة وأنت طيب وبخير وفى أحسن حال
ناوية فى العيد ان شاء الله آجى ازورك وأطول فى القعدة شوية :)



مارو
كل سنة وانت طيوبة وعسولة واسكندرانية جدعة قوى زى ما أنت



خواطر شابة

وأنت طيبة وبخير وصحة وسلامة
عجبتنى قوى ياخواطر وتعبت وأمتعت دماغى من امبارح ومكنتش عايزة أسيبها ابدا
يارب نستفيد
الحمد لله انها عجبتك



زهراء
وده كلام !!
طبعا فاكراك
هو حد ينسى الرقة وبالحب اتجمعنا
تعليقك جميل قوى يازهرة
وكل فكرة فيه درس لوحدها
الاحقاد
والورد ووقته امتى
والنظرة فى العين
وحشتينى جدا على فكرة وربنا يسهل نتقابل تانى
كل سنة وأنت طيبة وبخير



باشمهندس نيجرو
:$
آه والله
وشى منك فى الارض
عارفة انها العيدية بتاعتك وأنت أول واحد فكرت انى ابعتها له
بس أنا مدرسه انت عارف
ومينفعش يكون عندى علم وأكتمه
من كتر اعجابى بيها أصريت انى لازم اعرف ناس كتير بيها
كل سنة وانت طيب وبخير
واسمح لى
والدلعدى الباشمهندس اخويا الصغنن زى ماأنت :)

MR.PRESIDENT يقول...

كل سنة وانتو طيبين وربنا يعوده عليكم بالخير واليمن والبركات قادر يا كريم

كل سنة واحنا متحررين
كل سنة وحفيدة عرابي أحسن
من السنة اللي قبلها

:)

راجل صعيدى يقول...

بغض النظر عن الكاتب .. انا احييكى على اختيارك ده .. انا بقى والعياذ بالله من كلمة لو .. لكن لو حدث هذا يمكن كان الشئ الوحيد اللى اتغير فى حياتى هو محاولة ان اكون انسان لا افتح قلبى بسهوله سأعيش حياتى اهتم بأسرتى وأولادى وبيتى وبس لن يكون هناك اهتمام بمن لا أعرفه يشغل تفكيرى وانا حتى لا اعرف وجهه لن أتأثر بأى شخص او مشاكله (.. قسوة قلب ..) يمكن ده صحيح يس صدقينى يا عرابيةأنا أكتويت من قسوة القلب هذه و نحن فى هذه الدنيا يكفى الانسان مشاكله وبس ... يمكن اللى خلانى اهتم بالناس انه كان لى صديق توفى على يدى الساعه 12 الا ربع 9قبراير 1981 ومن يومها كلما احس ان امامى انسان بغض النظر عن سنه احس انه طيب اقرب منه بكل كيانى وحياتى واتمنى ان يمنحه الله كل سعادة .
آسف تعليق فيه شوية غم بس هيه الدنيا كده ... التعليق اتكتب ليلة العيد أعمل ايه طيب العرابيه هيه اللى جرتنى لكده وواضح انها بتحب الفلسفه زى التاريخ .
ماحدش يزعل منى .... كل سنه وانتم بخير كنت اتمنى تكونوا قريبين من أسيوط والله كان هيكون لكم نصيب من الاضحيه صحيح ممكن تكونه حته رمزيه لكن اسمها لحمه والسلام ... كل عام وانتوا بخير وصحه وسعاده وأمل فى ان يحقق اللخ كل امنياتكم جميعا .
نصيحه أخيره كانت هتتغيير فى حياتى أوعى فى يوم من الايام تحس بأنسان وتقرب منه كأنه من لحمك ودمك وأنت لم تره ولم تعرف طباعه او يعرف طباعك لازم تعرف الانسان وتعرف كل حاجه عنه ويعرف كل حاجه عنك ويكون عاش معاك وعرفتوا طبع بعض غير كده بلاش أحسن .
عمك مدحت

norahaty يقول...

الكلام جميل
سواء كان لمركيز
او لسواه ولكن للأسف
تسبقه الكلمة المستحيلة:
لو!!!!!!!!!!!!!!

soaad fakoory يقول...

كل سنه وانتى طيبه يااعز حفيده لعرابى .وبلدنا بخير انشاء الله..

sony2000 يقول...

ياااااااعيني
ايييييه الجمال دا
لاا
انا مااقدرشي علي كدا
ههههه
كل سنه وانتي طيبه يارب
وينعاد عليكي بالخير واليمن والبركات

كلمات من نور يقول...

كـــــل عـــــــ♥ــــام وانتــــــ♥ــــم بخـــــ♥ـــــــير وعيـــــــ♥ـــد سعيــــــ♥ــــد علـــــ♥ــيكم ــــو وعـــــــــ♥ــــلى الامـــــــ♥ــــه الاســــ♥ـــــلاميه واعـــــــ♥ـــــاده اللــــــــ♥ــــــه عليــــــ♥ـــكم بـــــــ♥ــــــاليمن والخـــــــــ♥ــــير تقبل الله منا ومنكم صالح الأعمال

well يقول...

مستنيكى ... هاتى العيدية معاكى

كل عام وانتى بخير وصحة وسعادة وعيد مبارك عليكى وعلى الاهل والاحباب والامة الاسلامية جميعا

تحياتى

حفيدة عرابى يقول...

ريسنا
وحضرتك طيب وبخير
اللهم آمين نشوف نفسنا أحرار
وتبقى كلنا أحسن من السنة اللى قبلها
شكرا لحضرتك :)




استاذ مدحت
أول ماقرأت تعليق حضرتك زعلت وكنت ناوية أناقش حضرتك فيه
لكن أنا متأكدة ان كل الكلام ده من ورا قلب حضرتك وان المشكلة الاخيرة هى السبب فيه
الاهتمام بالغير والشعور بمشاكلهم والتوحد معاهم ده طبع أصيل مينفعش يتغير :)
أنا عندى احساس ان المشكلة اللى حضرتك لمحت ليها هتتحل ان شاء الله بس محتاجة وقت مش اكتر
على اد مابنزعل من اهتمامنا بمشاكل غيرنا وبنزهق كتير ونقول نوفر وقتنا ومشاعرنا واحاسسينا لنفسنا وللاقربون من أهالينا
بس الشعور الانسانى بغيرنا رائع واعتقد اننا مأجورين عليه:)

نفسى حضرتك متكونش زعلان وان شاء الله كل حاجة هتتحل
كل سنة وحضرتك طيب وبخير ومهتم بكل اللى حواليك سواء شفتهم أو لا :)
تحياتى لحضرتك



الدكتورة العسولة
ماركيز كتب الكلام ده وهو حاسس ان أجله قريب وحس انه أدرك أخيرا أسرار الحياة
بالنسبة لنا مفيش مانع نحاول على الاقل فى جزئية اهتمامنا باحبابنا اللى لسه حوالينا ونعبر لهم باستمرار عن حبنا ليهم وازاى حاسين بالامتتنان لوجودهم فى حياتنا
بصراحة بحاول اعملها وربنا يقدرنا
اللى بنحبه نقوله بنحبه ونتعامل معاهم بنفسية المودع
هرجع تانى لكلامى اللى مش قادرة انه صح
(لو)
نغيرها ونخليها ربنا يقدرنا نعمل كده :)
شرفتينى يادكتورة وأنا بحبك فى الله زى ماأنت عارفة :)




العزيزة جدا سعاد
وأنت طيبة وبخير وعزيزة على قلبى من غير ماأشوفك دايما
ويارب بلدنا دايما بكل خير ومانشوفش فيها يوم نحزن عليها فيها
متغيبيش تانى لو سمحت :)
تحياتى لك

حفيدة عرابى يقول...

دكتورة نور
كنت أقصد أقول
(أرجع تانى لكلامك اللى مقدرش أنكر انه صح )



سونى
أهلابك :)
كل سنة وانت طيبة وبخير وفى أحسن حال
ومن غير ماركيز ياستى ولا يهمك :)



كلمات من نور
أهلا بحضرتك
شرفتينى
كل سنة وأنت وأحبابك والدنيا كلها بخير
والسنة الجاية نكون فى الحج ان شاء الله


باشمهندس وليد
جاية ان شاء الله
بس مشغولة شوية فى العيد وبسرق الوقت وبدارى منهم واجى ابص كده واكتب كلمتين :)
انا كنت اقصد انك كتبت كذا موضوع وانا عديت عليهم بسرعة وناوى اركز معاهم ان شاء الله

قل لى عندك حساب على الفيس بوك؟

راجل صعيدى يقول...

العرابية الاصيلة قد تكون عوامل أخرى نفسيه أخرى غير الموضوع الذى أعتقد أنك تعرفينه تدخلت فى ذهنى وأنا أكتب تعليقى حتى أنى لم أفكر فى قرائته مرة أخرى غير الان .. وكم شعرت بالضيق وأنابقول لنفسى الان أيه اللى انا كتبته ده ياااه هل ممكن أن أكون جاحد لهذه الدرجة لما أعطاه لى ربى من نعم ولو أحصيتها لك ستجدين أنها أكثر مما أستحق .
تعرفى يا عرابية بعد ماقريت اللى كتبته استغربت من نفسى جدااا وبالنسبه للموضوع الذى يؤلمنى صدقينى لو أن الايام عادت بى لكنت حاولت أن أبعد عن أى شئ يزعلهاصحيح انا مش عارف ايه اللى زعلها بس برضو كنت هبعد عنه .
أما بالنسبة لك أيتها الانسانه الطيبة القلب الاصيله لا أعرف كيف اوافيك حقك فى تحمل كتابتى التى احيانا تكون سخيفه جداا كما انها ممكن تكون فيها شطحات زيادة عن اللزوم .
نهايته تعرفى بما انك من محبى تاريخ بلدنا الحبيبة اتمنى ان تتمكنى ان تزوريها كما زرتها انا من اسوان لغاية اسكندريه عشان تعرفى طيبة المصرى بحق وحقيقى وعلى الطبيعه .. مره تانيه اعتذر عن تعليقى السابق وامرك لله استحملى شطحات عمو .. اما الموضوع الذى فى عقلك فأرجو أن تنسيه وتدعو لى الله ان أنساه أنا الاخر .
يارب يوفقك ويكرمك بحق هذه الايام العظيمة وأسمع عنك كل خير وعلى فكره سأعود لرحلات العمل المكوكية اعتبارا من الساعه 3 صباح السبت ( دعواتك ).
مع خالص تحياتى وشكرى لك ايتها الانسانه المحترمة مع خالص تقدير لحضرتك .
عمك مدحت

حفيدة عرابى يقول...

أستاذ مدحت
تعليقات حضرتك بتسعدنى جدا ومفيهاش حاجة تزعلنى
انا زعلت فى بداية قراءة التعليق السابق لاحساسى بس ان حضرتك بتكتبه فى لحظة حزن
لكن عادى كلنا الحمد لله حاسين بافضال ربنا علينا اللى احنا بكل المقاييس اكتر من غيرنا فاهمين اننا مانستحقش كرم ربنا الكبير قوى ده
بس طبيعتنا الانسانية بتغلب للحظات وبنرجع تانى الحمد لله
ويارب يقدرنا نرجع بسرعة
انا يهمنى ان حضرتك ماتكونش زعلان
وترجع شغلك صافى الذهن والقلب ومستنية تعليق حضرتك فى الاجازة الجاية ان شاء الله
وحضرتك البيت بيتك ويسعدنى ويشرفنى زيارتك لمدونتى وكتابة كل اللى يخطر على بالك وثق انى هكون سعيدة ومستفيدة بيه ومنه
تحياتى لحضرتك :)

واحد من العمال يقول...

السلام عليكم

معايدتك علينا جديده
وبطريقه جميله ومبتكره ومفيده كمان


كل عام وأنتِ بخير حال

mostafa rayan يقول...

كلام صح جدا لو عملنا بيه اكيد حياتنا هتبقى افضل
كل سنة وانتي طيبة ومتميزة ومختلفة ويارب عيد سعيد عليكي وعلى كل احبابك

حفيدة عرابى يقول...

واحد من العمال
كل عام وحضرتك طيب وبخير
فين حضرتك من زمان ..يارب تكون فى أحسن حال
تحياتى لحضرتك


أستاذ مصطفى
الشاب الثائر
وحضرتك طيب وبخير يافندم عليك وعلى كل أحبابك وخصوصا الوالدة ربنا يرجعها بالسلامة من الحج وتفرح بقربها
هى وصية جميلة فعلا وياريت نعمل بيها
حضرتك شرفتنى

قلم رصاص يقول...

كلمات تكتب بماء العيون

أحييكي على روعة الاختيار
صحيح الكلمات جميله والطريقه مختلفه اللي اختارتي تعيدي بيها علينا لكن العنوان مزعج شويه ..سوري يعني

كل سنه وانتي طيبه
وعييد سيييييييعيد عليكِ وعلى الأسره وكل المسلمين أينما وجدوا

هابي خروف
هابي فته
هابي لحمه

عيشي اللحمه

^^

حفيدة عرابى يقول...

قلم رصاص
كل سنة وحضرتك طيب وبخير
ملاحظة حضرتك فى محلها وجارى تغيير العنوان
بس يمكن علشان المقال اللى قرأت فيه الوصية والمعلومات عن انها وصية ورسالة وداع هو اللى ادانى فكرة العنوان الكئيب ده
شكرا جزيلا لحضرتك على التنبيه