كلمات

ساعات ساعات أحب عمرىوأعشق الحاجات 
شعورى أثناء وبعد لقاء الاسكندرية

وأحبها وتحبنى ويحب ناقتها بعيرى
 
المنخل اليشكرىوأرق وأبسط تعبير عن الحب

عينى عليه ساعة القضا..
 من غير رفاقه تودعه
يطلع أنينه للفضا..
 يصرخ ولا مين يسمعه 

أحمد فؤاد نجم  فى ذكرى جيفارا

خبأت كلامك فى قلبى لكى لا أخطىءاليك
 
(عيسى عليه السلام )
 عن احساسى بالمرارة من كلام بيشوى

وَإِنّي لَأَستَغشي وَما بِيَ نَعسَةٌ... لَعَلَّ خَيالاً مِنكِ يَلقى خَيالِيا


قيس بن الملوح  ... 

مكنتش أصدق ان البدوى ممكن يجيب العسرى

فى اقالة ابراهيم عيسى 

خلا منك طرفى وامتلا منك خاطرى 
كأنك من عينى نقلت الى قلبى 

أول ماخطر ببالى وتخيلت انه شعور أيمن نور
 لما قرأت خبر الانفصال الرسمى بينه وبين الجميلة جميلة 

حكموك ماحكموك برضه المصرى مصرى والمملوك مملوكى

 أوعى تباتى حزينة ياحرة يازينة

على الزيبق .. لما كان بيكلم حبيبتى

لَقَدْ مَرَرْتُ عَلى دِيَارِهِمُ ...وطلولها بيد البلى نهب
فوقفت حتى ضج من لغب.. نضوي ولج بعذلي الركب
وَتَلَفّتَتْ عَيني، فَمُذْ خَفِيَتْ ..عنها الطلول تلفت القلب


من أجمل ماكتب الشريف الرضى ...لكن محتاج ترجمة

غيرت فينا السنين والنسيم أصبح عواصف 
...........

ارسم على وشك تبسيمة اوعى تلف بجرحك تشحت
العبقرى صلاح جاهين لمايعلمنا

الله لا يخلق الشر ولا يفعله ولا يرضى به , الله كله خير ومحبة.
لكن أرواح الناس كانت تخطىء الطريق فى الأزمنة القديمة حين يظنون أن العقل كافٍ لمعرفة الحقيقة ,من دون خلاص يأتيهم من السماء)



(القس نسطور __عزازيل ) ...

لما أحتار فى حبى لشخصيات لم تعرف الايمان كما أعرفه



قطفـوا الزهرة.. قالت من ورائي برعم سوف يثور
قطعوا البرعم.. قال غيره ينبض في رحــم الجذور
قلعوا الجذر من التربة.. قال إنني من أجل هذا اليوم خبأت البذور
كامن ثأري بأعمـاق الثرى
غداً سوف يرى كل الورى


كيف تأتي صرخة الميلاد من صمت القبور
تبــرد الشمس ولا تبــرد ثارارت الزهور


أحمد مطر.. لما أخاف على روحى من اليأس


يارب ساعدنى أربط الحمار مكان ماأنا عايزة ومفيش مانع لو قدرت أقنع صاحب الحمار انه مربوط مكان ماهو عايز
ويحضرنى هنا سؤال ..مين الحمار؟


شعورى وأمنياتى صباح أول يوم فى الدراسة


تموت الأسد في الغابات جوعاً 

ولحم الضأن تأكله الكلاب

وذو جهل قد ينام على حرير

 وذو علم مفارشه التراب


الامام الشافعى

 

تانى مرة لما أخاف على روحى من اليأس



من يطلب أن يخلص نفسه يهلكها، ومن يهلكها يحييها

 

عيسى عليه السلام ..لنفسى لماتخاف من خوفها


ماذا تـــريــــدُ ؟! فــــإنــا

كـــمـــا ســتـأمـر نـفعل
تريــدُ ســلــمـاً وأرضاُ ؟!
هــذا مـن العـدل أعـدل
تــريــدُ نــسـف بـيوتٍ ؟!

أهلاً .. وسهلاً ... تفضل
خــذ الصــغــار ضــحــايـا

عــلى مــذابــح هـيـكـل
وإن أردت كـــــــــبــــــاراً

فــكـــل شـــيــخٍ مـبجل
أو رمـــت نـــزع ســـلاحٍ

مــن شـرطةٍ ... فـتوكل



غازى القصيبى عن  نتنياهو


ويلومونى

عنى وعنه ...نصر الله

يارب لك الحمد كما ينبغى لجلال وجهك وعظيم سلطانك

تغمرنى النعم وأخجل من تقصيرى فى شكرك ربى
 

ويـا بـلاداً نـذرت العمر

 زَهرتَه لعزه
دُمتِ... إني حان إبحاري
تـركتُ بـين رمـال الـبيد أغنيتي
وعـند شـاطئكِ المسحورِ.. أسماري
إن سـاءلوكِ فـقولي: لـم أبعْ قلمي
ولـم أدنّـس بـسوق الزيف أفكاري
وإن مـضيتُ.. فـقولي: لم يكن بَطَلاً
وكـان طـفلي.. ومحبوبي.. وقيثارى


غازى القصيبى فى رثاء نفسه



مقتطفات منى على الفيس بوك


فكرة البوست مستوحاة من الباشمهندس نيجرو

هنا 

 

26 التعليقات:



فاتيما يقول...

فيدووووووووو

اخيراً
بوست جديد

حلوة قوى الحاجات دى

شبههك
آه
اختياراتك شبههك
بتعبر عن ذوقك
عن ناس بتقولكلام
عاوزة انتى تقوليه


اغلبه بحبه
بس اكتر حاجة كنت عاوزة
انط عبر الشاشة بقى
و اشاور عليها
و اقول اييييييييييوه ..
انا معاااااااكى

الشعر دا


لَقَدْ مَرَرْتُ عَلى دِيَارِهِمُ ...وطلولها بيد البلى نهب
فوقفت حتى ضج من لغب.. نضوي ولج بعذلي الركب
وَتَلَفّتَتْ عَيني، فَمُذْ خَفِيَتْ ..عنها الطلول تلفت القلب


انا بعشق الوصف اللى ف الآخر
بتاع القلب
ايه روعةالعالم بتاعة زمان دى ؟!!!

اول مرة سمعته
ف محاضرة العربى ف الكلية
كنت تقريباً هعيييييط م التأثر


التعبير كان تحفة
فكرة انك تمشى
و تدى ضهرك
بس قلبك يتلفت جوا ضلوعك
كأنه بنى آدم
عشان يشوف موضع حبيبك
و مكانه
اللى انتا مش عاوز تسيبه

يا لهوتينىىىىىىىىى



بس اغلب ما كتب عجبنى
و هروح
اقرى بوست ابو النجاجير


بس قبل ما امشى
لازم اقول


انتى
وحشتينى
قوى

و يا رب تكونى
بخير دايما

بس خلاث كدا

حفيدة عرابى يقول...

طمطم
الله يخليك ياحبيبتى

هو الفيس بوك مستهلك طاقتى وواخد وقتى
عايزة أخد منه موقف علشان مدونتى حبيبتى مش تزعل منى

بوست ابو النجاجير هيعجبك قوى
فكرة تجميع كلام بيعبر عن حالتك لمدة طويلة وبعدين ترجعى تبصى عليه تانى شدتنى قوى

أحلى حاجة فى تعليقك ياطمطم
تلفت القلب
لان فعلا دى وجعتنى وشدتنى وبرضه خلتنى عايزة أعيط
تشبيه رائع وعبقرى
كل شوية أكلم نفسى عنه وأتخيله لما يجبر عن الرحيل عن الاطلال
بس القلب يتلفت
يااااه
ومن مين
من الشريف الرضى
النسب الشريف والروح العظيمة والشعر السياسى
ومنابذة الخلفاء
وكمان مع ده كله تلفت القلب

أنت كمان ياطمطم وحشتينى جدا جدا
وخلاص أخدت انى أشوفك ومستنية اللقاء الجاى بفارغ الصبر :)

فاتيما يقول...

يوووووووووووه
نسيت

ابقى ابعتيلى ايميلك
عشان عندى صور ليكى من يوم اسكنكرية
و عشان محدش خفيف ينتحل سخصيتك ..ادينى امارة ف الأيميل ..قوليلى مثلاااااا !!!
احنا كنا قاعدين فين ف الميكروباس و احنا راجعين ...هه كدا محدش هيعرف يجاوب غيرك و خالد ...ههههههه

اللقاء الجاى ان شاء
التبرع بالدم
و التفاصيل لما خيخة تقول

بوسات و حضونات يا حبيبة قلبى

well يقول...

جميلة الحجات اللى جواكى ..


تحياتى

Wanda يقول...

اغير انا بقى :-))
من الغرميات الملتهبات الى مشاية فى اسلاك مصر ديه :-)

عرابية
وحشانى قوى
و وحشانى ثورتك

البوست جميل
فيه كذا حاجة بتعبر عن روح الثورة جواكى

بس عايزة ارد علىالسؤال بس
"يارب ساعدنى أربط الحمار مكان ماأنا عايزة ومفيش مانع لو قدرت أقنع صاحب الحمار انه مربوط مكان ماهو عايز
ويحضرنى هنا سؤال ..مين الحمار؟"
:-)))) اعتقد صاحبه :-)))))
كلنا كده
بنحاول نزق الحمار الرذل الى مزرجن و فى ذات الوقت نقنع صاحبه ان ديه فكرته و اختياره و تنتنفس الصعداء لما الموقع يطلع صح و نتاهب للعاصفة لما الموقع يطلع غلط
و لو مات الحمار تقريبا الاسهل ندفن نفسنا معاه :-)) بس روح الثورة و المعافرة بتخلينا نمسك حمار غيره :-)

و بعدين الصور الى رايحه جايه
طبعا محناش فيها بس مش حنصعب عليكم تفرجونا ؟؟
:-))

د. ياسر عمر عبد الفتاح يقول...

إيه الجمال ده
لا بوست جميل بجد

الرسائل والمقتطفات غاية في الروعة والتنوع وبتدل على اطلاع واسع وقراءات متباعدة وثقافة واضحة

تسلم الأنامل

فكرته كمان رائعة
ده أنا ممكن أسرق الفكرة بعد كده وأعمل بوست زيه

الفقيرة إلى الله أم البنات يقول...

رائعه بجد انا كل مرة ااقول هاجى واعلق وانشغل
تسلمى وتسلم ايدك وتسلم تعليقاتك
ماشاء الله عليك
هما كل الاسكندرانيه كده يجننوا وبموت فيهم
ربى يسعدك ويبارك فيك
الفيس بوك مضيع وقتنا كلنا
او يمكن مكان بنهرب فيه مننا نفسنا علشان منواجهش نفسنا بضعفنا

غير معرف يقول...

العرابية الاصيله خالص تحياتى لك بصراحه كده يادوب واصل من نص ساعه وبينى وبينك مشوار السويس / أسيوط مرهق جداا واضح أن البوسست بتاعك عاوز فنجان قهوه وتركيز عشان أعرف أعلق عليه ... حياتى .
عمك مدحت

حفيدة عرابى يقول...

طمطم

الامانة وصلت ...شكرا يامعلمى :)



باشمهندس وليد

لأ ماتقولش كده
الحاجات اللى جواك واللى بتكتبها ايديك أحلى


واندتى
انت كمان وحشتينى قوى ياواندتى
لأ ماتغيريش ولا حاجة
أخطفى رجلك عند طمطم وخدى التعيين براحتك

كويس انك حسيتى بروح الثورة :)
يعنى انا نجحت فى اقناع شعب البلوجر انى ثورية

اجابتك على السؤال جديدة
بس يعنى صاحب الحمار هو بذات نفسه الحمار؛)
نفكر فى الموضوع ده

اما الصور فعلشان انت صعبانة علينا مش هنفرجك عليها
فيهم واحدة أجارك الله:)
احنا بنحبوكى ياشابة وبندوروعلى مصلحتك :)


دكتور ياسر
حضرتك متأكد ان الكلام ده على البوست بتاعى
الله يكرمك
رأيك أسعدنى والله
اتفضل حضرتك الفكرة بر احتك ماهى اصلا مسروقة من الباشمهندس نيجرو :)
تحياتى لحضرتك


الفقيرة الى الله أم البنات
جميلة قوى ( الفقيرة الى الله )
بتفكرنى دايما بسيدنا موسى
( ربى انى لما أنزلت الى من خير فقير )
ربنا يخلى البنات ويبارك فيهم ويفرحك بيهم

شكرا على رأيك
يعنى مش انا بس اللى الفيس مضيع وقتى
بس مقدرش انكر حقيقى انه ممتع وان الاصدقاء هناك صحبتهم حلوة ومشجعة
انا بحس انى بكتشف نفسى وانها بتتطور هناك
بس المدونة هنا حبيبتى وبيتى وحاجات كده كتير
اتشرفت جدا بتعليق حضرتك وزيارتك:)


استاذ مدحت
حمدلله على السلامة
يارب تكون حضرتك بخير
مستنية رأى حضرتك على أقل من مهلك
ترتاح وتنام وتستجم
حمدلله على السلامة

soaad fakoory يقول...

العرابيه
ايه الجمال ده ؟وايه حبات اللؤلؤ اللى بتتساقط فى البوست ..جميله جدا
والاجمل الصوره التعبيريه للحمار صاحب الحمار..!!!
اسعدتيناوشكراا

osama44 اسامه 44 يقول...

اهلا ابله
بجد حاجات جميله وبجد احسن حاجه انى الانسان يرسم نفسه وملامح شخصيته عن طريق تلك الكلمات القليله والتى تبرز الصدق الحقيقى وليس المصطنع

حابب تنورننى فى مدونتى
دومتى بالف خير وسعاده

راجل صعيدى يقول...

العرابيه الاصيلة صباح الورد طبعا عملت فنجان قهوه وعلى أقل من مهلى قريبت البوست بتاعك .. كان عاوز تركيز شويه لانه شامل كل حاجه أيه يا بنتى بياخد كام منك وقت ده عشان يطلع ؟؟؟ كله عجبنى بصفه عامه لكن نبتدى بالروائع (خبأت كلامك فى قلبى لكى لا أخطأ اليك )كم هو تعبير رائع عن حب الانسان سواء لابنه او ابنته او حتى زوجته او اصدقائه بصفه عامه اوحتى حب الحبيب لحبيبه وماعرفش ده من بنات أفكارك ولا فكره مستوحاه وفى كلا الحالتين الرائع انه وصل الينا منك انتى ..حكموك ما حكموك برضه المصرى مصرى والمملوك مملوك على الاقل زى ما كان بيقول يحي الفخرانى فى مسلسل شيخ العرب اختم واكتب اسمى لعاشر جد.. اما حكاية ايمن نور دى سامحينى هختلف معاكى عمره ما اقتنعت بيه ( مع انى عاشق للتاريخ ووالله فى الثانويه العامة النمره النهائيه وقراءاتى المفضله بعد كتاب الله هيه السياسة )مش عارف ليه كنت احس انه ومراته لابسين قناع مش اكتر وان كنت زعلت على دخوله السجن ...اما حديثك يا ابنتى عن اقوال القس قسطور فأنا لى وقفه هنا فكان يمكن الاستعانة بالآية الكريمة ( وما ظلمناهم ولكن كانوا أنفسهم يظلمون )... حديثك عن الزهره ومن يحاول قطفها من جذورها فلن يفلح تعبير مجازى اكثر من رائع ..اما حكاية ربط الحمار فصدقينى يا ابنتى العزيزه هيه منذ بداية حياتى العمليه وانا اسمعها فأنا بدأت حياتى العمليه سنه 1978 وكنت وقتها 21 عاما وهذا المثل كان ولا زال فى حيلتنا العمليه ويحقق ناجاحا باهرا للاسف الشديد ويمكن تجربى بنفسك اى حاجه يقولك عليها مديرك جربى كلمة حاضر وانتى هتشوفى رد الفعل هيكون جميل جداا ليكى ... اما حديث الامام الشافعى فلا أعتقد انه يختلف عليه أثنان فهو متواجد فى حياتنا بقوه .. لا أريد أن أطيل عليكى اكثر من هذا يا عرابيه .
بس عاوز أقولك أن غيابى بسبب الشغل ليس اكثر فمقر عملى الاسكندريه باخد فيها اسبوع واشراف على اعمال لنا فى السويس اسبوع وأثناء تواجدى بالسويس لاتوجد فرصة للاسف للمتابعة لك او لفاتيما او لاليس المهم انى حتى يوم 16 اكتوبر فى اسيوط ثم اعود للسويس اسبوع يعنى لو ربنا سهل هاشوفك تانى يوم 24 اكتوبر بس ان شاء الله طوال هذا الاسبوع ستجيدينى كل شويه اعيد قراءة البوست ... تحياتى لك على مجهودك الرائع.... نسيت ااقولك تعرفى كان نفسى اشاهد المجموعه اللى كانت فى اسكندريه يوم 2 اكتوبر ولو من بعيد بس للاسف سافرت السويس الجمعه 1 اكتوبر بعد صلاة الظهر مباشره آسف للاطالة وارجو ابلاغ فاتيما تحياتى على تعليقاتها الرقيقه خفيفة الظل وشويه كده وهعمل فنجان قهوه عشان حتى أقدر اقرأ البوستات بتاعتها واعلق ولو على اخر بوست ليها...مع خالص تحياتى .
عمك مدحت

tarek momen يقول...

روائع..
تحياتي

حفيدة عرابى يقول...

سعاد
أهلااااااااااااا
وحشتينى جدا
من زمان مش جيت هنا
شكرا جزيلا على ذوقك


أسامة
شكرا جزيلا يااسامة
جاية حاضر ان شاء الله

حفيدة عرابى يقول...

أستاذ مدحت
أهلا بحضرتك وحمدا لله على السلامة

1-خبأت كلامك فى قلبى
دى كلمات عيسى عليه السلام
مع التصريحات الاولى لبيشوى اننا ضيوف كنت عايزة اقوله كلام كتير وبمنع نفسى وبعدين افتكرت انه بالاضافة لاننا مطالبين بعدم التفريق بين الرسل لكن كمان سيدنا عيسى من الانبياء المحبوبين جدا فى بيتنا وتخيلت انى لازم هلاقى فى كلامه حاجة تعبر عنى
وبعد بحث سريع جدا على النت لقيت الجملة دى وعجبتنى قوى

2-ايمن نور
لما قرأت المقال اللى اعلن فيه انفصاله الرسمى عن جميلة اثر فى جدا وحسيت ان ايمن برغم كل عيوبه وحبه للظهور والشهرة لكن زعلان فعلا على فراقها
يمكن لاحساسى ان جميلة فعلا يتزعل عليها
او حزن على البيت وانهياره
فافتكرت شعر الشريف الرضى الرائع ده

3- اما القس نسطور
فانا وقتها كنت باقرأ عزازيل
وهى رواية اسلوبها ممتع جدا وكان فى نقاش بين البطل الراهب هيبا والقس نسطور عن فيتاغورث على ماافتكر يعنى
والفكرة ان البشر فى فترة ماقبل الرسالات كان فيهم خير
صحيح مش مؤمنين لكن هما مش شياطين
وفكرتنى بالاختلاف بين العلماء فى حكم أهل الفترة
واسلوب الكلام كمان جميل
لكن مش فهمت حضرتك ايه الرابط بين كلام نسطور والاية الكريمة اللى حضرتك ذكرتها

4 الزهرة ومحاولات قطفها
ده كلام الرائع أحمد مطر بيضيع اليأس من جوايا


5- موضوع الحمار ذو شجون
ومتهيألى مفيش حد فى البلد محسش بأى نوع من انواع المعاناة مع الحمار ويتربط فين :)


6-الامام الشافعى
ده انا كل مااسمع شعره اقوله أسعدك الله كما أسعدتنى
بحس كتير انه كان عارفنى وكتب شعره لى
وترتيب ربنا سبحانه وتعالى ان الشعر يوصل لى فى اوقات بحتاجها جدا


7- ربنا يقوى حضرتك على الشغل والسفر
وياريت حضرتك تنورنا وتشرفنا مرة فى تجمع للمدونين
الاعمار متنوعة جدا ومش الكل صغير
وحتى لو
وجود حضرتك اضافة كبيرة جدا لليوم اتمنى انها تحصل
اما موضوع تكرار التعليقات فبسيط قوى
فى ثانية بتتمسح التعليقات المكررة
بتحصل كتير علشان التعليق طويل فبياخد وقت قبل نشره وبيتهيألى انه هيضيع
فبضغط بشدة او اكتر من مرة
بسيطة خالص يعنى
حضرتك شرفتنى
تحياتى لحضرتك

حفيدة عرابى يقول...

استاذ طارق
شكرا جزيلا
تحياتى لحضرتك

غير معرف يقول...

العرابيه الاصيله ... بشكرك جدااا على ردك اللى كله ذوق واحساس عال ومتعرفيش اد ايه بكون مبسوط انك بتعلقى على كل كلمه بكتبها واكتر حاجه بتزعلنى فى مشاوير السفر دى انى بقعد أسبوع لا أقراء تعليقات أصدقائك وردك عليهم جميل جدااا الشعور بأنك تحسى بأن صاحب المدونه بيحس بكل كلمه بتكتبيها وبيرد عليكى ... متشكر اووى يا عرابيه وهو لغاية دلوقت مفروض انى هرجع على السويس مش على اسكندريه يلا الحمد لله ماتعرفيشش اد ايه كنت بتمنى نوعية شغل من النوع ده ... ربنا يوفقك ويكرمك بكل اللى بتتمنيه ويفرح قلبك .
عمك مدحت

همس الاحباب يقول...

تسلم الاختيارات
البوست راق وجميل
ومجمع كل العبارات والعبرات كماااان
تسلم الايادى

غير معرف يقول...

شوفى بقى يا عرابيه طول اليوم سواء فى الشغل او لما برجع البيت او فى الجرايد اسمع عن الفيس بوك ده واولادى على طول بيرغوا عليه .... نفسى اتعلمه رد احمد ( 15 سنه ) يا بابا ما ينفعش انته كبرت على الحجات دى تصورى ؟؟؟ يلا جيل فيس بوك بصحيح كفايه عليه مدونتك ومدونة فاتيما والحمد لله على كده .
عمك مدحت

Haytham Alsayes يقول...

تموت الأسد في الغابات جوعاً
ولحم الضأن تأكله الكلاب
وذو جهل قد ينام على حرير
وذو علم مفارشه التراب

الامام الشافعى

عجبتني دي جدا

مقتطفات جميلة

تحياتي وتقديرى

re7ab.sale7 يقول...

صباحات وردية
ازيك يا عسولة , وميرسي علي ردك اللي في البوست اللي فات وانا علي فكرة بمشيئة ربنا هكون في لقاء التبرع بالدم انا وصحباتي يعني اكيد هشوفك ولو انهم قالولي مينفعش اتبرع بدمي ...مع اني نفسي اووي الصراحة اتبرع ...
كلماتك جميلة اوووي اوووي
كل كلمة بتعبر عن حاجة
حالة ...احساس ...بجد كتير لذيذ البوست وكمان بيوضح اد اية انت قراءاتك كتيرة , اتمني لك كل الخير دايما وعلي امل بلقاء قريب

حفيدة عرابى يقول...

استاذ مدحت
حضرتك انوى بس على الفيس بوك وهتستمع بيه ان شاء الله
عندى مجموعة أصدقاء من كل الاعمار من صانعى البهجة والثقافة
وفيهم ناس اكبر من حضرتك سنا بكتير وهما مصدر الحكمة
حتى الاصغر منهم سنا مستفيدة ومستمتعة جدا بالنقاشات معهم
انوى حضرتك وماتشيلش هم


استاذ خالد
أهلا بحضرتك
ده من ذوق حضرتك بس يافندم :)



استاذ هيثم
شعر الامام الشافعى كله حكمة نبيلة
والابيات دى حكاية لوحدها
تصلح للاستشهاد بيها مليون مرة فى زماننا
ربنا يرحمه ويرزقنا صحبته والصالحين



رحاب
لأ معلش انت اللى عسولة :)
شكرا جزيلا على ذوقك انت
ان شاء الله هكون موجودة يوم التبرع بالدم لو ربنا اراد وماحصلتش حاجة تعطلنى
وانا كمان مش هاقدراتبرع
بس ناوية أحس على الاقل انى كنت موجودة فى لحظات جميلة كده
أشوفك على خير ان شاء الله:)

غير معرف يقول...

والله يا عرابيه انتى بنوته ربنا يكرمك وبفرح قلبك انا هرجع لشغلى فى السويس وبعدين اسكندريه وبعدين السويس وهكذا ان شاء الله يوم السبت الصبح هسافر انا كفايه عليه مدونتك ومدومة فتيما ومدونه (ندى الياسمين ) وكمان مدونة كلمات من نور ربنا يحميكم ويبارك فيكم بس الحق اتابعهم ربنا يكرمك ويفرح قلبك .

غير معرف يقول...

مصر في مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع .

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4- العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
لمزيد من التفاصيل أذهب إلى مقالات ثقافة الهزيمة بالرابط التالى

www.ouregypt.us

amira يقول...

السلام عليكم ورحمة الله وبركاته

كل سنة وانتي طيبة واسرتك والمسلمين والناس كلها بخير يارب ان شاء الله

معلش عندي ظروف و ان شاء الله تعدي علي خير .. كنت اتمني يكون حلمك لي حقيقي ربنا يوعدنا جميعا يارب ان شاء الله بس للأسف هي بس ظروف

بالاضافة ان العبقري الاي تي قفل الفيس بوك في الشركة.. انا اقدر افتحه بس خلاص كفاية عليه كده انا اصلا مكنتش بحبه فمتقلقيش من الغياب واسالك الدعاء و عيد سعيد باذن الله كله خير و ربنا يتقبل صالح الاعمال

تسلمي علي سؤالك ودايما سباقة بالخير ان شاء الله :)

حفيدة عرابى يقول...

أميرة
:)
وأنت طيبة وبخير
وربنا يصلح كل الاحوال ويرزقنا الخير ورضاه دايما