رجاء

مطلوب على وجه السرعة مهندس تخصص بلوجر
أنا أعترف بفشلى التام فى التعامل مع السيد بلوجر
رفض تماما التنسيق عملت مدونة تانية بحساب جديد 
ونقلت التدوينات والتعليقات 
التنسيق فى المدونة الجديدة مظبوط عن حبيبتى الاولى 
لكن فى حاجات كتير ملخبطة
العداد مثلا بيدى نفس الزوار فى نفس الوقت
التعليقات مش بتظهر فى المدونة الجديدة 
لذا قررنا نحن حفيدة عرابى باشا 
 لأن الحنين لهذه المدونة طاغى
قررنا البقاء هنا حتى ظهور المنقذ 
أقصد المهندس المذكور أعلاه
وتفضلوا بقبول فائق الاحترام

39 التعليقات:



norahaty يقول...

السلام عليكم ورحمة
الله تعالى وبركاته

norahaty يقول...

ايوووووة كده نكتب
بقلب جامد التعليقات
بتظهر اهوة ياحضرة العرابية
وأن كان على العداد
فهى اللى بردون
واقعة مش بلوجر
لانها عندى بقى لها
3ايام يمكن بنفس
الناس او البلاد
ما تضيقيش ولا تزعليش
ابداً ولو حكمت نجيب بلوجر
على حسابنا (مخصوص يعنى)

MR.PRESIDENT يقول...

بعد السلام والتحية
أما بعد
من رئيس الجمهورية

أنا لسه جديد في التعديلات يعني بدور علي التعديل واحدة واحدة ، وأحيانا جوجل بتكون السبب إن العداد مش مضبوط يعني مثلا تلاقي عدد الردود برا 18 وجوا 25 .
فيه ناس بتفضل إنها تعمل مدونة علي ورد بيريس عشان مشاكل جوجل ..

اتمني لكي التوفيق .

غير معرف يقول...

الابنه المحترمه جداا( حفيدة عرابى باشا )انتى عارفه طبعا انى ماليش ومابفهمش خالص فى موضوع بلوجر ده بس لاحظت امبارح عند ما حبيت اعلق عل موضوع التدريب انى مش عارف اعلق عليه ... كتبت تعليقى فى الموضوع السابق له ... مش عاوز اخد من وقتك كتير لكن التدريب ده بأختصار حياتى كلها كان ولازال من 30 سنه وبجد شئ مخزى ان تكون مسئوله وتلاقيها بدرجةرئيس قسم او مديرادارة بهذا المستوى للاسف كله هيرجع على مستوى التعليم و على اولادنا وبناتنا فى المدارس ربنا معاكم .

على فكره معرفش ليه اخترت حضرتك لاعلن من عندك انى قررت الامتناع عن التعليق نهائى واحتفظ بالاسباب لنفسى رغم انى اللى بعلق عندهم هماأثنان زى اولادى وانتى التالته ربنا يحميكم ويوفقكم لما يحب ويرضى ويجبر بخاطركم جميعا.
ربنا نعمه كتيره جدااا يا حفيده فأنا خلال 9 شهور تحققت لى اشياء حلمت بيها سنين متصله بس خللى بالك هكون متابعكم دايما من بعيد انتم التلاته من بعيد بس بعد ما ارجع من العمره انشاء الله .. هسافر الخميس القادم صباحا دعواتك ان ربنا يتقبلها منى ومستنى منكم انتمالثلاثه الكتابات الرائعه فى بداية رمضان أن شاء الله ويارب انتى بالذات تكونى شاطره زيهم ربنا يكرمكم جميعا يارب ... ويهدى بلوجر عليكى .. دمتم فى أمان الله

حفيدة عرابى يقول...

الدكتورة العسولة
وعليكم السلام ورحمة الله وبركاته
شكرا جزيلا على اهتمامك ياحبيبتى
بس اكتشفت ان مش كل الاخطاء كان السيد بلوجر السبب فيها
انا اتصرفت تصرفات لا يمكن وصفها الا بالعبقرية:)
وبناء عليه
انا صلحت شوية حاجات
وهاستنى لغاية ماارسى على بر
اروح هناك ولا اكتب هنا
بس مش هاكدب عليك وانت سبقتينى فى الموضوع ده
صعبان على :)
ايوه صعبان على هنا قوى
مع انى اكراما لحالتى النفسية خليت هناك شبه هنا بالظبط
لكن صعبان على
أحلها ازاى دى

حفيدة عرابى يقول...

السيد رئيس الجمهورية
مابلاش رئيس الجمهورية دى
بحس بتوتر:)
ممكن نقول رئيس الجمهورية الجديد
شكرا جزيلا على اهتمامك
بالنسبة للعدادات والتعليقات اكتشفت انى انا الغلطانة مش بلوجر
والظاهر انى كنت سهرت جامد فبوظت الدنياقوى بدل مااصلحها
مشكلة المدونة هنا حاليا
السطور والكلام مش بيبعد عن بعضه
ودى غايظانى جدا
لو تشوف لنا حل
يبقى هنيالك يافاعل الخير والثواب
ومنجيلكش فى مدونة بتخرف ابدا
تحياتى لحضرتك

حفيدة عرابى يقول...

استاذ مدحت
ان شاء الله ربنا يتقبل العمرة وترجع بالف سلامة
وتدع لنا هناك ربنا يهدينا ويصلح أحوالنا ويرزق أهلنا الصحة والبركة فى العمر
وان ربنا يكتب لنا زيارة قريبة
نغسل بيها نفوسنا
هى كل الظروف والمنطق بيمنع حدوث الزيارة عاجلا
بس انا عارفة ان لما الظروف بتعاند كده
فرج ربنا بييجى بمنتهى البساطة
وأليس بالذات لانى قرأت عندها مواضيع كتير عن العمرة

انا متأكدة ان حضرتك مش هتنسانا بالدعاء
ومتأكدة ان حضرتك لما ترجع بالسلامة
اكيد هنصعب عليك اننا عايزين نطمأن على حضرتك
ونسعد بزياراتك لينا
علشان كده انا واثقة ان قرار عدم التعليق فى المدونات ان شاء الله يكون قرار وقتى وحضرتك تتخلى عنه

حضرتك عرفتنى من هنا
لكن اللى حضرتك مش تعرفه عنى
انى قلقة جدا ودماغى وحشة قوى
ممكن مااتكلمش
بس القلق على الاعزاء بيأكلنى
وحضرتك من الاعزاء
ياوالدنا التدوينى

--------------
التدريب
حاسة قوى بشعور حضرتك
لكن عندنا فى التربية والتعليم
روساء الادارات بيكونوا مش اشتغلوا فى وظيفتهم الادارية من البداية
يعنى ممكن جدا يكون مدرس
او وكيل مدرسة ومفيش مكان ليه فى اى مدرسة
فيترقى رئيس قسم او ادارة ما
لا يفقه عنها شىء
مجرد علاقاته مع زملائه وعدد سنين عمله
طبعا مش الكل
بس مش بيكون شغلهم فى التدريب او غيره
هو حياتهم وانجازهم
ده مجرد وقت بيقضوه لغاية مايطلعوا معاش
-----------
لما حضرتك ترجع بالسلامة ان شاء الله
اذا كنت انا رحت المدونة الجديدة
ثق حضرتك انى هاكون فى انتظار تعليق حضرتك

ولد تحت الصفر يقول...

القااااااااااالب ده هو السبب

اختاري كام قالب كده يعجبوكي من كام موقع واكتبي لي أساميهم و أنا أشوف ايه اللي ممكن يتعمل


و لا مصممة على القالب ده ؟

لو مصممة على القالب ده إرفعي القالب اللي انتي مستخدماه على أي موقع رفع و هاتيه أشوف ايه العيب الخلقي اللي فيه و أحاول أصلحه

ولد تحت الصفر يقول...

بالنسبة للعداد في المدونة ... لا زم تعملي عداد جديد

ولد تحت الصفر يقول...

* قصدي للمدونة الجديدة .. اللي حضرتك بشكل مؤقت موجودة فيها إن شاء الله

حفيدة عرابى يقول...

ولد تحت الصفر
يبقى انت الباشمهندس
صح؟:)
انا مش عارفة اشكرك ازاى
بس شكرى ده مش هيمنعنى اقولك
انى مش متمسكة بالقالب ولا حاجة
وادور ان شاء الله على حاجة تانية
العداد انا بعبقريتى الفذة نقلت الكود بتاعه المدونة الجديدة
وبعدين لما لقيت الدنيا اتلخبطت عملت واحد جديد

شوف علشان مش أصدعك
انت شكلك مش باشمهندس
شكلك وأسئلتك كده دكتور:)
تفتكر فى أمل ؟:)

ولد تحت الصفر يقول...

الحالة مستقرة و الأشية معدن

أنا منتظر توقيع حضرتك ... لو نسيت مقص و لا فوطة و لا اي حاجة جوه بطن المدونة أنا مش مسئول ... انتي المسئولة
:)


بلغيني أول ما تختاري قالب

مشكلة القالب ده إنه شكلياً شبه القالب الأصلي في الوردبريس .. لكن مش فعال زيه

أنا صبي بشمهندس مش بشمهندس على فكرة !

و تحت أمرك في أي شئ

خواطر شابة يقول...

ياريت يا عزيزتي كنت اعرف افيدك لكن انا اللي ينطبق عليه المثل جبتك يا عبد المعين تعيني ولقيتك يا عبد المعين تتعان ههه
عجبني جدا قولك منجيلكش في مدونة بتخرف ضحكت من قلبي والله
دمت بكل ود عزيزتي

تايه في وسط البلد يقول...

من طلع من مدونته القديمة...!!

صعب جدا يا فندم تسيبي مدونتك وتعزلي بكل الروابط والاضافات اللي انت عاملاها هنا دي كلها

يمكن الموضوع محتاج حبة تفويق بس

تحياتي

حفيدة عرابى يقول...

ولد تحت الصفر
أهلا بحضرتك
فوطة ولا مقص انت كده هضيع لى المدونة اللى حيلتى
دى فى مقام بنتى حبيبتى
بس انت كده دكتور فعلا:)
اول مااركز كده واختار قالب هاقولك ان شاء الله
مع عميق شكرى:)

حفيدة عرابى يقول...

خواطر شابة
أهلا بسبب النغبشة
كفاية تعاطفك ياحبيبتى
وبرضه مانجلكيش فى مدونة بتخرف:)

حفيدة عرابى يقول...

تايه فى وسط البلد
أهلا بحضرتك
حاضر يافندم ربنا مايجيب طلوع من المدونة

ياريت المشكلة الروابط والاضافات
انا فعلا نقلتهم وكنت حريصة أخلى القالب واحد علشان مش أحس بالغربة
وبعدين لقيتنى مش قادرة أسافر هناك

نشوف موضوع التفويق ده
تحياتى لحضرتك

Wanda يقول...

عرابية
كده برضه اجى الاقى فيه عزال و عفش بيتنقل و ناس بتروح و لترجع و انا مش هنا خالص :-((((

مالها المدونة بس طيبة و بنت حلال
و العداد سيبك منه :-)
انا بتابع من الreader
و العداد مبيقفشنيش هناك :-)))

نقطة كمان تحميل حاجات على الجناب كثيرة بتقلل الاستجابات السريعة

و عليه مانيش رايحة حتة و حفضل هنا :-)))

و التعليقات
اعتقد الجوجل عنده مشاكل

حفيدة عرابى يقول...

واندتى
شكرا جزيلا على سؤالك ياحبيبتى
هى المشكلة الاساسية فى التنسيق مهما بعدت السطور عن بعضها الكلام بيرجع جنب بعضه تانى
اسفة جدا على التأخير فى الرد عليك

Haytham Alsayes يقول...

طيب والله المدونة جميلة ولو عاوزة حاجة ممكن افيدك علي قد ماقدر
علي حسب معرفتي



تحياتي

مسرور يقول...

انا دخلت هنا بالصدفة
واعجبت اولا بإسم حفيدة عرابي
ثانياً اعجبت بالمدونة
الله يوفقك

حفيدة عرابى يقول...

استاذ هيثم
أهلا بحضرتك
شكرا جزيلا لحضرتك
زى ماانت شايف كده هى السطور مش عايزة تبعد عن بعضها مع انى فى مربع كتابة الرسائل ببعدها جدا
لو عند حضرتك يبقى كتر خيرك
لانى غيرت قوالب كتير ومفيش فايدة
حتى جربت فى القوالب الجديدة مسحت العدادات والاكواد قلت يمكن المشكلة فيها
لكن للاسف المشكلة لسه موجوده
تحياتى لحضرتك

حفيدة عرابى يقول...

استاذ مسرور
أهلا بحضرتك فى اول زيارة
شكرا جزيلا لحضرتك على المجاملة
شرفتنى يافندم

ELMOSTAFZ يقول...

مساء الخير...
أول زيارة ليا و من أولها لقيتك ماشية و رجعتي ف كلامك و حاجات غريبة كده حصلت وانا مفهمتش ، بس بلوجر يعني مش محتاج كل ده واحدة واحدة هاتاخدي عليه مانا بردوا كنت مش فاهم حاجة فيه أول ما دخلته ، كمان مكانش لازم تعملي حساب جديد ممكن تعملي الف مدونة علي حساب واحد...
علي كل ربنا يوفقك و بانتظار بوستاتك اللي لسة مشوفتهاش :)
تحياتي...

حفيدة عرابى يقول...

طيب والله انا صعبان عليا اناديك بالاسم ده:)
اهلا بحضرتك فى اول زيارة
يارب تتكرر
هو البلوجر مضايقنى لاسباب كتير
منها انه غير عادته معايا
ماانا بقالى سنة ونصف بكتب هنا
بيغلس عليا ليه ومش بيرضى يفصل السطور عن بعضه
ده كل الموضوع
حضرتك شرفتنى

norahaty يقول...

كل سنة وأنتِ
طيبة حضرة الحفيدة
رمضان كريم والله سبحانه
وتعالى اعلى واكـــــــرم.

حفيدة عرابى يقول...

الدكتورة العسولة
كل سنة وانت طيبة وبخير والى الله أقرب
وعسولة وصديقة بلوجرية عزيزة جدا:)

norahaty يقول...

ياااااااأبلة العرابية
هو ينفع تقفلى الباب
فى تدوينة حلوة زى
دى برضه ولا مثلا
احنا يوقفنا
قفل التعليقات!
فى تدوينة من التدوينات
لألألألألألألأ الحمد لله الباب مفتوح
فى التدوينة اللى قبلها ودايما
مفتوح يارب بوجودك وكلامك الجميل

حفيدة عرابى يقول...

الدكتورة العسولة
منورانى دايما
كل الموضوع انى حسيت ان الكلام فضفضة مباشرة
علشان كده قفلت التعليقات
لكن الاحباب زيك كده بيعرفوا دايما يوصلوا
شكرا جزيلا لك يادكتورة على اهتمامك
وربنا يديم الود بينا

norahaty يقول...

اللهم آمــين
يارب العالمين
ولكِ منى إهداء
وهدية أتفضلى
شوووووووفيها

حفيدة عرابى يقول...

الدكتورة العسولة
القصة الحقيقية اللى حكيتها فى منتهى الجمال
ربنا يكرمنا من عنده ونكون مؤثرين ايجابيا فى حياة انسان لأن ساعتها هنكون فى منتهى السعادة وهننسى ببساطة كل تعبنا
أما اهداءك
فاعذرينى معنديش كلام أشكرك بيه عليه
جزاك الله خيرا
على ذوقك ورقتك وانسانيتك
وحاجات كتير قوى مش عارفة اتكلم عنها
كل سنة وانت حبيبتى:)

Sharm يقول...

ليه متحاوليش تغيري القالب نفسه

عموما انا تحت امرك في اي تعديل تطلبيه

حفيدة عرابى يقول...

sharm
أهلا بحضرتك
انا غيرت قوالب كتير وبرضه المشكلة فضلت موجوده
حتى حذفت العدادات والادوات والصور من القوالب الجديدة قلت يمكن حاجة منها فيها مشكلة لكن النتيجة كانت واحدة
النهارده بالصدفة بالعب شوية لقيتنى بكتب فى محرر رسائل قديم وان فى واحد حديث
جربت الحديث لقيت المشكلة انتهت الحمد لله

شاكرة لحضرتك جدا اهتمامك وعرضك المساعدة
الله يكرمك
شايلين حضرتك لمشكلات بلوجرية اكبر من كده
شكرا جزيلا

احاسيس آيوشه يقول...

اول زيارة للمدونة بس ان شاء الله مش الاخيرة
تقريبا انتى قافلة التعليقات فى البوست الجديد
انا من يوم ما عملت المدونة وانا فكرة انى احذفها كل يوم فى دماغى وكتير حذفتها وقفلتها فعلا
بس كل مرة برجع ليها وبحن ليها
مش عارفة يمكن فعلا علشان فيها شخصيتى الحقيقة كويسة وحشة بكون انا على المدونة مش حد تانى
العالم الافتراضى جميل اوى وعرفنا فيه ناس ماشاء الله احسن اصحاب واصدقاء واخوات فى الدنيا كلها
بس مش كل العالم الافتراضى حلو والناس فيه كويسين
بس التدوين الحمدلله كل الناس اللى فيه ربنا يكرمهم يارب ويسعدهم تحس فعلا انك بين اهلك

حفيدة عرابى يقول...

أحاسيس ايوشة
أهلا بك
بس أنا اعرف مدونتك من زمان:)
لأ انا عمرى ماقررت أقفلها أو احذفها
بالعكس انا كنت زعلانة انى مش عارفة اكتب فيها
صحيح معنديش موضوعات جبارة ودماغى تعبتنى منها ولازم اكتبها بس شعورى ان وسيلتى للفضفضة مش متوافر

حتى هذه اللحظة كل اللى اعرفهم افتراضيا اتشرف بمعرفتهم
سواء لانهم كده فعلا حتى فى الدنيا الحقيقية وده الواضح فى علاقاتهم سوا لما بيتقابلوا
او يمكن الافتراضية فى حد ذاتها بتخلى العلاقة بعيدة عن أى مشكلة حتى ولو بسيطة بتحصل مع الاحتكاك العادى
مش عارفة ايه الرغى ده
الظاهر انا بتلكك علشان اتكلم هنا
شرفتينى يااحاسيس ايوشة:)

مصعب صلاح يقول...

كل عام وانتم جميعا بخير
رمضـــــــــــان كريـــم

أميرة يقول...

:)

حفيدة عرابى يقول...

مصعب صلاح
وانت طيب وبصحة وسلامة والى الله أقرب


أميرة
:))

شهووووده يقول...

ربنا يحفظ مرضانا ومرضى المسلمين..

موضوع قوي ومؤثر بس ياريت حد يقدر..ويرحموا الناس اللي بتتبهدل في المستشفيات دي؟؟ يحسوا انهم بني ادمين ...


تقديري واحترامي لك على هذا الموضوع القيم