تقسيم الحديث باعتبار قائله

يقسم العلماءالحديث باعتبار قائله الى أربعة أقسام
1- الحديث القدسى
2- الحديث المرفوع ,وهو المضاف الى النبى عليه الصلاة والسلام وسمى مرفوعا لرفعة المضاف اليه
3- الحديث الموقوف وهو ما أضيف الى الصحابى
4- الحديث المقطوع وهو ما أضيف الى التابعى
أولا الحديث القدسى
هو ما أضافه الرسول عليه الصلاة والسلام الى الله عز وجل من غير القرآن الكريم
وسمى قدسيا لنسبته الى الذات المقدسة وهو الله تعالى
هل لفظ الحديث القدسى من عند الله تعالى أم من عند الرسول عليه الصلاة والسلام
اتفق العلماء على أن معنى الحديث القدسى من الله تعالى
ولكنهم اختلفوا فى لفظه هل هو من عند الله أم من عند الرسول عليه الصلاة والسلام
الرأى الاول

لفظ الحديث القدسى من عند الله تعالى وأدلتهم فى ذلك

1- أن الحديث القدسى يضاف وينسب الى الله تعالى فيقال فيه حديث إلهى وربانى

ويقال فيه قال الله تعالى أو قال رسول الله فيما يرويه عن ربه

2- اشتملت الاحاديث القدسية على ضمير المتكلم الخاص بالله تعالى

فتكون من كلام الله وان لم تكن الفاظها للاعجاز ولا تعبدنا الله بتلاوتها

الرأى الثانى
ان لفظ الحديث القدسى من كلام النبى وهو رأى المؤلف

1- ليس للحديث القدسى من الحرمة والقداسة ما للقران الكريم
فليس للحديث القدسى أحكام فى مسه فى حالة الحدث مثل القرآن
2- لو كان الحديث القدسى من لفظ الله تعالى لما جاز ان يروى بالمعنى
لأن من لوازم كون لفظه من عند الله تعالى أن يحافظ على اللفظ فلا يروى بالمعنى
3- لم يأمر النبى بكتابته كما أمر بكتابة القران الكريم
فلو كان اللفظ فى كلا منهما لله تعالى لما فرق بينهم النبى فى الأمر بالكتابة
4- القرآن الكريم معجزة النبى عليه الصلاة والسلام الذى تحدى به الانس والجن أن يأتوا بمثله فعجزوا عن ذلك
ومن لوازم هذا التحدى أن يكون لفظه من الله تعالى أما القدسى فليس المراد منه الاعجاز والتحدى
كيف تلقى الرسول عليه الصلاة والسلام الاحاديث القدسية
لا ينحصر تلقيه عليه الصلاة والسلام للاحاديث القدسية بكيفية محددة من الوحى
فيجوز تلقيها كرؤيا المنام أو الالقاء فى الروع ......الخ
صور الاحاديث القدسية
قد يأتى الحديث القدسى مستقلا مثل
عن أبى ذر عن النبى صلى الله عليه وسلم فيما روى عن الله عز وجل
( ياعبادى انى حرمت الظلم على نفسى وجعلته بينكم محرما فلا تظالموا )
أو يأتى الحديث القدسى ضمن حديث نبوى سواء تم النص على ذلك فى الحديث أم لا مثل
عن أبى هريرة رضى الله عنه قال قال رسول الله صلى الله عليه وسلم قال الله تعالى
( كل عمل ابن ادم له الا الصوم فأنه لى وأنا أجزى به)
الفرق بين الحديث القدسى والقرآن
1- القرآن الكريم نقل الينا من أوله الى آخره بأعلى درجات التواتر
أى أن جمع الصحابة تلقوا القرآن عن النبى عليه الصلاة والسلام
ثم تلقى جمع التابعين القرأن عن الصحابة ثم تلقى جمع أتباع التابعين
.وهكذا الى يومنا هذا وصل القران الينا جمع عن جمع عن جمع متواترا
لذا فهو قطعى الثبوت اما الحديث القدسى فقد نقل الينا بطريق الاحاد فهو ظنى الثبوت
2- القرآن لا يروى بالاسناد أى لا نذكر عند قراءتنا له عمن وصلنا لأنه وصل متواترا
أما الحديث القدسى فيروى بالاسناد مثل الحديث النبوى
3- القرآن الكريم لفظه ومعناه من عند الله تعالى
تلقاه الرسول عليه الصلاة والسلام عن جبريل فى اليقظة وشافهه به
ولا دخل للنبى فيه الا التلقى والتبليغ
أما الحديث القدسى فأن العلماء اختلفوا فى لفظه هل هو من عند الله أم من كلام النبى
4- يحرم أن يروى القران بالمعنى ولا يجوز تبديل حرف مكان حرف
أما الحديث القدسى فتجوز روايته بالمعنى عند من يجوز ذلك بشروط
5- القرآن الكريم متعبد بتلاوته ويثيب الله تعالى قارىء القرآن الثواب العظيم
والحديث القدسى لم يتعبدنا الله بتلاوته وليس الثواب عليه كثواب قراءة القران الكريم
6- لا تصح الصلاة الا بقراءة شىء من القرآن وهذا لغير العاجز
أما الحديث القدسى فلا يجوز الصلاة به
بل تعد باطلةاذا قرىء الحديث القدسى فى الصلاة على أنه بدل من القرآن الكريم
7- اختص القران بتسميته قرآنا وتسمية الجمله منه آيه ومقدار مخصوص من الايات سورة
وهذا بخلاف الحديث القدسى
8- جاحد القرآن كافر سواء جحد به كله أو بآيه منه لأنه قطعى الثبوت
أما جاحد الحديث القدسى فليس بكافر مالم يكن الحديث متواترا
9- اختلاف أحكام المس والقراءة فى حالة الحدث الاصغر والاكبر بين القرآن الكريم والحديث القدسى
الفرق بين الحديث القدسى والحديث النبوى
أولا من حيث اللفظ
اتفق العلماء على أن معنى الحديث القدسى من عند الله ولا يكون الا بوحى
وهذا الوحى قد يكون جليا أو بالمنام أو الالهام
أما الحديث النبوى فقد يكون وحيا أوحى به الله تعالى بمعناه الى رسوله
فعبر عنه صلى الله عليه وسلم بالفاظ من عنده
وقد يكون باجتهاد منه صلى الله عليه وسلم غير أن الله لايقر رسوله على خطأ أبدا
فسكوت الوحى على ما أجتهد فيه الرسول عليه الصلاة والسلام اقرار من الله تعالى لنبيه
ثانيا من حيث الموضوع
الاحاديث القدسية تتعلق بالحق سبحانه وتعالى
بتبيين عظمته أو اظهار رحمته أو التنبيه على سعة ملكه وكثرة عطائه لخلقه وتجاوزه عنهم
وهى تقرب بين العبد وربه وتفتح له باب الرجاء
ولها دخل كبير فى اصلاح النفس وتهذيب السلوك وتطهير القلب
أما الاحاديث النبوية
فهى المبينة والشارحة للقرآن وهى تناولت كل ما يتعلق بالمسلم من أخلاق وأداب ومعاملات وغيرها
تلخيص من كتاب الوجيز فى علوم الحديث
للاستاذ الدكتور الخشوعى محمد الخشوعى
أستاذ الحديث فى جامعة الازهر

25 التعليقات:



بدراوى يقول...

كلام جميل يا استاذة
درسته تقريباً فى حصة الدين
ربنا يجعله ثواب ليكى
اصلى الواحد لو مقراش الكلام المختصر
ده معتقدش حيقراه فى كتب
شكراً ليكى

بخصوص الأحاديث القدسية كان ليا سؤال بخصوص مدى صحة الحديث ده

ياابن ادم لا تخافن من ذي سلطان مادم سلطاني باقي فسلطاني لا ينفذ ابدا .
ياابن ادم لا تطلب غيري وانا لك. فان طلبتني وجدتني وان فتني فتك وفاتك الخير كله.

يابن ادم خلقتك لعبادتي فلا تلعب وقسمت لك رزقك فلا تتعب فان انت رضيت بما قسمته لك ارحت قلبك وبدنك وعقلك وكنت عندي محمودا


،وان لم ترضى بما قسمته لك اتعبت قلبك وبدنك وعقلك وكنت عندي مذموما .....
فوعزتي وجلالي لاسلطن عليك الدنيا تركض فيها ركض الوحوش في البريه ثم لا يكون لك منها الا ماقسمته لك .


الحديث ده بحبه اوووووووووى
بس للأسف قريت انه غير صحيح
؟!!!!!!!

اتمنى تفيدينا فيه

بدراوى يقول...

على فكرة مش ده منطوقة الصحيح

هو بالضبط بيقول

يا ابن ادم لا تخف من ذي سلطان ما دام سلطاني موجود وسلطاني وملكي لا يزول,لا تخف من فوات الرزق ما دامت خزائني مملوءة لا تنفذ وخلقت الاشياء كلها من اجلك وخاقتك من اجلي فسر في طاعتي يطعك كل شىء,لي عليك فريضة ولك علي رزق فان لم تخالفني في فريضتي لم اخالفك في رزقك,وان رضيت بما قسمت لك ارحت قلبك وان لم ترض بما قسمته لك فوعزتي وجلالي لاسلطن عليك الدنيا تركض فيها كركض الوحوش في البرية ولا ينالك منها الا ما قسمته لك وكنت عندي مذموما

سمع هوص (Abo 3li) يقول...

شكرا ليكي... ربنا يكرمك...

well يقول...

الله .. كان نفسى الكلام مايخلص وافضل اقرا للاخر
بالنسبة للحديث القدسى ...وما ينطق عن الهوا
ربنا يكرمك وينور قلبك

تحياتى

أم الخــلـود يقول...

اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

GiGi world يقول...

جزاكم الله خيرا وجعل هذا العمل فى ميزانك


بجد احنا لازم نعرف الحاجات دى


كل ماكنت اقول هقرا الحديث الموضوع اتلبخ وانسى هقراه بعد شويه لانى نفسي اعرف عنه كتير

وبالنسبه للحديث القدسي بحس انه رحمه من ربنا لانه بيبين عظمه الله عزوجل وانه بيده وحده ملكوت السموات والارض



بحبك

حفيدة عرابى يقول...

بدراوى
أهلا بحضرتك
الحديث اللى انت ذكرته كان من أحب الاحاديث القدسية لقلبى
وللاسف انا معنديش كتب اقدر اعرف منها مدى صحته
فعملت بحث سريع على النت
فوجئت ان فى فتوى عنه انه بتظهر عليه علامات الوضع
وانه لم يذكر فى المصنفات الحديثية المشهورة
وفى اخبار غير مسندة انه مروى عن كعب الاحبار وانه وجده فى التوراة
حتى الرواية دى مش متأكدين من نسبتها لكعب الاحبار
يعنى باختصار الحديث الجميل ده
غالبا موضوع

تحياتى لحضرتك

حفيدة عرابى يقول...

ابو على

الشكر لحضرتك



well
شكرا جزيلا على دعواتك


أم الخلود

أكرر اعتذارى عن الاشتراك فى الحملة
جعل الله مجهودك فى ميزان حسناتك


جيجى

الشكر لك ياحبيبتى انك شرفتينى
وأنا كمان:)

بدراوى يقول...

بس انا لسة بحبه الحديث ده
هل ده غلط
حتى لما ببقى مضايق بردده لأنه بيريحنى اووووى و بيدينى رضا و صفاء كبير

هو مين كعب الأحبار
؟!

حفيدة عرابى يقول...

بدراوى
أهلا بحضرتك
بتحبه بس!!؟
الحديث ده مؤثر جدا بالنسبة لى
هو والحديث النبوى الثانى فى رحلة الطائف اللهم انى اشكو اليك ضعف قوتى وقلة حيلتى وهوانى على الناس
ولم يثبت هو الاخر عن الرسول عليه الصلاة والسلام


اللى اقدر اقوله
لو الحديث ضعيف بينظر فى درجة ضعفه
وهل له مايؤيده او يعضده من احاديث اخرى او من الايات القرآنية
وممكن يعمل به فى فضائل الاعمال
والبعض زى الامام احمد بن حنبل بيعمل به فى الاحكام لو ماوجدش غيره فى نفس الباب او الموضوع اللى بيتكلم عنه وبيقدمه على القياس وفتوى الصحابى


لكن ده لو ضعيف
اما لو موضوع الوضع بيختلف
لان الضعيف ممكن ينجبر والراوى سىء الحفظ او حتى الكاذب مش هيكذب فى كل كلامه

الحديث الموضوع
العلماء اتفقوا على عدم الاخذ به وعدم روايته الا على سبيل التنبيه انه موضوع لتحذير الناس منه


كده احنا معندناش حل غير اننا ندور على الايات القرانية عن نفس المعنى
او الاحاديث النبوية


طبعا دى فتوى العالمة الجليلة حفيدة عرابى حسب الكام صفحة اللى ذاكرتهم:)

حفيدة عرابى يقول...

أما كعب الاحبار
فهو كعب بن ماتع الحميرى
من يهود اليمن
قيل انه اسلم فى زمن ابى بكر
أو اسلم فى زمن عمر بن الخطاب
وانه مر على المدينة وعمر عرض عليه الاسلام وتردد فى البداية واسلم فى الشام وقت فتح بيت المقدس وتوفى فى عهد عثمان


الكلام عنه كتير ومتعب
لأن البعض بيشكك فى اسلامه وبيعتبره من اليهود اللى دخلوا الاسلام للكيد له من الداخل ووضعوه فى مكانة واحدة مع عبد الله بن سبأ اليهودى
وبياخدوا عليه كثرة الاسرائيليات اللى رواها وبيعتبروها اشياء دخيلة عن الدين

الشيعة طبعا لانهم بيكرهوا وبيكفروا سيدنا عمر
اتكلموا كتير فى موضوع كعب الاحبار
وازاى ان عمر خلاه مستشاره الدينى والسياسى
طبعا ده كلام مبالغ فيه
وان ابن عباس أخذ عنه كتير فى التفسير
وابى هريرة روى عنه مع ان كعب الاحبار تابعى مش صحابى

الشيعة كانت دى فرصتهم التشكيك فيه للطعن فى عمر وابن عباس وابى هريرة ومعاوية كمان وفى كتب السنة


السلفيين على العكس
بيحترموا جدا كعب الاحبار وبيرفضوا التشكيك فى اسلامه وبيرفضوا ادراج اسمه فى المؤامرة التى أدت الى مقتل سيدنا عمر
ودليلهم ان مفيش دليل على يهوديته او انه ادعى الاسلام
وان عمر وابن عباس وابى هريرة ومعاوية مش ممكن يكون بالسذاجة اللى تسمح لهم بتقبل الخداع منه فى الدين
وهما الحريصين على التثبت من كل الاخبار
وبيقولوا ان فى افراد اخرين دسوا كلام كتير على كعب الاحبار لم يقله هو شخصيا
وان الاسرائيليات اللى رواها عرض بعضها الامامان البخارى ومسلم عرضا

وبصراحة انا مش فاهمة الجزئية دى


وان الاسرائيليات ممكن قبول بعضها اذا كانت لاتخالف العقيدة الاسلامية
بسبب حديث الرسول عليه الصلاة والسلام


(اذا اتاكم عن بنى اسرائيل شىء فلا تصدقوه ولا تكذبوه)

لا تصدقوه
لكثرة مانسب اليهم من الاكاذيب
ولا تكذبوه
لكثرة ماوقع فيهم من الاعاجيب


المستشرقين
شنوا هجوم واسع عليه وقالوا ان رواياته كاذبة
بس حقيقى هما ليهم اهدافهم انهم يطعنوا فى كتب السنة ويشككوا المسلمين فى أئمتهم
فكلامهم مش مرجع
البعض زى الشيخ رشيد رضا
وأحمد أمين وافقوا المستشرقين على رأيهم فيه وفى رواياته

لكن البعض بيرفض اراء احمد امين بالذات
وبيعتبره من أذيال المستشرقين


انت تهت مش كده؟
وانا كمان

بس اللى فى قلبى
ان سيدنا عمر بن الخطاب كان شديد التثبت والاحتياط فى كل مايخص الدين
مش ممكن عقلية عمر تقبل روايات من غير مايكون فى دليل على صحتها



أهم حاجة
انك تكون متأكد وانت بتقرأ الكلام ده
انه برضه فتوى العالمة الجليلة حفيدة عرابى:)
على حسب الشوية اللى ذاكرتهم والبحث السريع جدا اللى عملته على النت


تحياتى لحضرتك

أليس في بلاد العجائب يقول...

السلام عليكم ورحمة الله وبركاته :)

اسعد الله صباحك كما اسعدتي صباحي :)

وقعنا كلنا في حب الحديث القدسي وحزنا لانه طلع غير موضوع

قال ابن الجوزي: ما أحسن قول القائل: إذا رأيت الحديث يباين المعقول، أو يخالف المنقول، أو يناقض الأصول، فاعلم أنه موضوع


يمكن لاننا بنحب الخطاب المباشر لما نلاقي ان ربنا بيكلمنا مباشرة مش من خلال أيه فيها ذكر ووعيد ووعد و ترغيب

يعني زي احب الايات للقلب "ادعوني استجب لكم"
"واذا سالك عبادي عني فاني قريب.."

وزي ما قلتلك الموضوع اصبح صعب .. اد ما بنحاول نقرب ونفهم .. بنلاقي حاجات كتيرة كنا فاكرينها صح وهي ملهاش اصل

امبارح بليل افتكرت كلمة لامي
زمان كانت تقولي لما تخلصي صلاة اتني طرف السجادة علشان الملايكة .. انا مش فاكرة نص الكلام بس حاجة زي الملايكة تعرف اني خلصت صلاة .. الكلام دا وانا صغيرة اوي .. و دلوقتي بقول جابوا الكلام دا منين؟؟ واصله فين ومين اللي ورثهولنا جيل بعد جيل؟

بجد بستغرب اوي

ببص علي الفلاحة اللي لابسة جلابية واسعة فضفاضة و رابطة شعرها بمنديل و رقبتها باينة في معظم الاحوال .. دي اللي مدخلتش عليها مدنية ولا تحضر .. يعني بخيرها.. هو مكانش عندهم اللي يعرفهم ان في حجاب و ان في صلاة؟
ليه ولا فيلم من افلام السينما المصرية العظيمة بين ان كان في واحدة بس بتؤدي فروض ربنا اد ما الدنيا فيها ملغمة بالفجر والمجون و محسسنا انهم كانوا عايشين قبل الاسلام ؟
انا همشي احسن ما ادوشك زيادة .. الاسئلة اللي زي دي مش بتخلص و عمرها ما هاعرفلها اجابة للاسف :(

اسعد الله ايامك بكل خير :)

أليس في بلاد العجائب يقول...

علي فكرة للمعلومية يعني

الحديث القدسي الموضوع دا له بقية بتقول


يا ابن آدم ! خلقت السماوات السبع والأراضي السبع ولم أعي بخلقهن ؛ أيعييني رغيف عيش أسوقه لك بلا تعب ؟

يا ابن آدم ! إنه لم أنس من عصاني ؛ فكيف من أطاعني ، وأنا رب رحيم ، وعلى كل شيء قدير ؟

يا ابن آدم ! لا تسألني رزق غد كما لم أطالبك بعمل غد

يا ابن آدم ! أنا لك محب ؛ فبحقي عليك كن لي محباً

حفيدة عرابى يقول...

وعليكم السلام ورحمة الله وبركاته
قبل ماانسى
انت بنت حلال :)
هى دى المرة الكام اللى اقولك فيها الجملة دى:)
اصل انا قرأت مقولة ابن الجوزى وحاولت أطبقها على الحديث ده
مالقيتش فيه من وجهة نظرى كعلامة طبعا:) صفات الوضع
لكن لما كملت انت الحديث
ماعجبتنيش التكملة زى الجزء الاولانى اللى كلنا بنحبه
وحسيت فعلا زى ماأخدت انه مش كلام ربنا
مش طعمه
وانت زى العادة
ربنا بعتك لى تريحينى:)
بصى بقى لا
انت اللى اسعد الله صباحك كما أسعدتينى:)

موضوع سجادة الصلاة سمعت شبهه
وسمعت كمان ان الاكل لازم يتشال بسرعة
لأن الملائكة بتفضل شايلاه هو والسجادة

بس ماما مصرة
ان مكانش حد بيتكلم فى الدين خالص
او بمعنى اصح فى العبادات
والصلاة كتير قوى مكانوش بيصلوها

بس ماتقوليش الكلام بتاع الفلاحة ده:)
احسن حد يقولنا شوفوا كانوا حشمة ازاى من غير مايستوردوا الحجاب من البدو الوهابيين ال.......


مش دوشة ولا حاجة ياحبيبتى
خلى دماغنا تشتغل شوية حتى لو ماوصلناش لاجابات

ربنا يسعد أيامنا جميعا بكل خير

أليس في بلاد العجائب يقول...

شكلك اجازة :)
ان شاء الله اجازة سعيدة

بصي بخصوص الطعام هقولك حاجة انا عرفتها من فترة قريبة بس بصي علي الاحاديث دي الاول :


حدثنا إسحاق بن منصور أخبرنا روح بن عبادة أخبرنا ابن جريج قال أخبرني عطاء أنه سمع جابر بن عبد الله رضي الله عنهما يقول قال رسول الله صلى الله عليه وسلم "إذا كان جنح الليل أو أمسيتم فكفوا صبيانكم فإن الشياطين تنتشر حينئذ فإذا ذهب ساعة من الليل فحلوهم فأغلقوا الأبواب واذكروا اسم الله فإن الشيطان لا يفتح بابا مغلقا وأوكوا قربكم واذكروا اسم الله وخمروا آنيتكم واذكروا اسم الله ولو أن تعرضوا عليها شيئا وأطفئوا مصابيحكم"


قال ابن القيم رحمه الله في الزاد : ( وهذا مما لا تناله علوم الأطباء ومعارفهم وقد عرفه من عرفه عقلاء الناس بالتجربة ، قال الليث بن سعد أحد رواة الحديث : الأعاجم عندنا يتقون تلك الليلة في السنة في كانون الأول منها .

وصح عنه أنه أمر بتخمير الإناء ولو أن يعرض عليه عودا وفي عرض العود عليه من الحكمة أنه لا ينسى تخميره بل يعتاده حتى بالعود وفيه : أنه ربما أراد الدبيب أن يسقط فيه فيمر على العود فيكون العود جسرا له يمنعه من السقوط فيه
وصح عنه : أنه أمر عند إيكاء الإناء بذكر اسم الله فإن ذكر اسم الله عند تخمير الإناء يطرد عنه الشيطان وإيكاؤه يطرد عنه الهوام ولذلك أمر بذكر اسم الله في هذين الموضعين لهذين المعنيين .. ) أ.هـ

افتحي اللينك دا و اتفرجي علي شرح الشيخ الشعراوي رحمة الله عليه للحديث دا:
http://www.4shared.com/video/Px8lePeq/24_online.html

و في صحيح مسلم قال رسول الله صلي الله عليه وسلم : ( إذا دخل الرجل بيته فذكر الله عند دخوله و عند طعامه، قال الشيطان: لا مبيت لكم و لا عشاء، و إذا دخل فلم يذكر الله عند دخوله، قال الشيطان: أدركتم المبيت، و إذا لم يذكر الله عند طعامه، قال أدركتم المبيت و العشاء)

هي الملائكة مش شايلاه .. بس ذكر اسم الله يحفظه و الاخذ بالاسباب كمان في الحرص علي حفظ الطعام حتي لا يفسد و الحذر مما حذرنا منه الرسول صلي الله عليه وسلم فقد علمه العليم

اما موضوع السجادة دا باه مش نازلي من زور من ساعة ما بقيت بفكر :) ودا نادرا يعني

هو فعلا الناس دي محسساني ان الاسلام اختراع حديث واللي فيه حاجات جديدة مش بقالها 14 قرن و 31 سنة

بس عارفة
علشان الناس مكانوش بيتكلموا في الدين كده .. اتربت العقليات علي كده .. انا عندي في عائلتنا كانت ستات كبار فيهم كل الصفات الكويسة واحسبهم علي خير بس تقولي لحد منهم حجاب تبقي زي اللي قرصتها عقربة و تعتبر دا تطرف و جهل وتقولك ما امي و ام امي كانوا مسلمات و من نسل بيوت محترمة ولا عمرنا اتقالنا الكلام دا
كبيرهم بونية لما يعجزوا :)ربنا يرحمنا ويغفرلنا واياهم

دا من غير ما انطق بخصوص الرجال لان دا باب يستاهل يتسد من كتر الريح الي هتيجي منه

يوم سعيد ان شاء الله

أليس في بلاد العجائب يقول...

معلش فلت مني حرف h

شرح الشيخ الشعراوي للحديث :

http://www.4shared.com/video/Px8lePeq/24_online.html

مهندس مصري يقول...

حلو قوي البوست
و تعليقاتك مع أليس ممتعة
و خصوصاً فتاوي العالمة الجليلة حفيدة عرابى :)
إستفدت بجد والله

حفيدة عرابى يقول...

أليس
أنا أجازة فعلا بس ادع لى الله يكرمك
علشان الامتحانات الاسبوع الجاى

شكرا جزيلا على الاحاديث الجميلة
بس ماعرفتش ابدا افتح لنك الشعراوى
مش عارفة ليه
بس انا كنت اقصد انهم بيأكلوا على طبلية
وبيشيلوا الاكل بسرعة علشان الملائكة شايلاه تكريما لنعمة ربنا ويريحوها شوية
استغفر الله


الناس الكبار
عندنا منهم كتير وفيهم الله يرحمهم من زمان كانوا أخلاق حسنة جدا وصلة رحم
ويؤثرون على أنفسهم
بس مفيش صلاة
وطبعا مفيش حجاب
بس جدتى الله يرحمها مكانتش بتحب تخرج ابدا
وطبعا لما بتخرج بتكون لابسة الطرحة السوداء الشفافة
لما كانت تشوف راجل فى الشارع كانت لازم تغطى وشها بسرعة حياء
لكن حجاب
بمعناه دلوقت استحالة
لحقت هى الله يرحمها الحجاب والصلاة وكانت حزينة جدا ان محدش كان بيقول لهم حاجة
كنت بقعد جنبها وهى بتصلى واستمتع بدعائها لربنا يبعد عنها الهم والغم والكرب العظيم
ودعائها الجميل لولادها
لو حد منهم فى ازمة دلوقت
أطلع انا من بين الصفوف اقوله ربنا هيفرجها عليك
انا سمعت تيتة الله يرحمها بتدعى لك وبتقول كذا


قولى لى بطلى رغى وروحى ذاكرى:)
السلام عليكم ورحمة الله وبركاته

حفيدة عرابى يقول...

مهندس مصرى
ههههههههههههههه
أصل انا لقيت نفسى برد على أسئلة بدراوى وعمالة أقول حديث ينجبر ولا ينجبر
وحديث موضوع
والحاجات دى لسه عارفاها من يومين وفرحانة بنفسى قوى
والكلام ده لا يصدر من حفيدة عرابى عادية أبدا

أهم حاجة التواضع:)

الحمد لله ان البوست عجبك وانك استفدت منه
هو الحديث مع أليس ممتع ومفيد دائما

تحياتى لحضرتك

أليس في بلاد العجائب يقول...

السلام عليكم ورحمة الله وبركاته

اللينك اهو بس حطي في اوله //:http

www.4shared.com/video/Px8lePeq/24_on
line.html
دا هتحملي منه الفيديو يعني افتحيه و استني لحد ما يظهرلك لينك تعملي تنزيل .. حلو بجد يارب تعرفي تشوفيه

بخصوص الاكل: هو بلا شك نعمة عظيمة من ربنا و علشان هما كانوا ناس محترمين و بيحترموا النعمة .. كانوا فعلا حاسين بيها و بيحافظوا عليها و حطي تحت محترمين دي مليون خط

المهم انتي خدي بالك من نفسك و مذاكرتك .. ربنا يعز بيكي الاسلام يارب والامة الاسلامية :)

عندي اقتراح كده بما انك هتذاكري معانا :) "عندي امل انك تكملي الكلام الطيب دا"

ممكن كل جزئية يكون ليكي عليها تفسير بلغة بسيطة او تعليق مما درستي او اي كلمة صغيرة تحطيها تحت الكلام .. بيتهيألي هتخلي الموضوع ابسط و اسهل لناس كتير وخصوصا ان اللي بتتكلمي فيه دا "أ ب " للسنة والدين .. يعني تبسيطه هيبقي له مفعول عظيم ان شاء الله

معلش انا بكتبلك كتير ودوشاكي .. بس عاجبني الموضوع وفارج عني نفسيا كتير .. جزاكي الله خيرا و مأجورة بإذن الله :)

حفيدة عرابى يقول...

أليس
شفت الفيديو
جميل قوى فعلا
وأسلوبه الله يرحمه فى منتهى الجمال وخصوصا لما شرح ان الشيطان مش هيروح غير للغافل
تسلم ايديك

اقتراحك طيب جدا
وكنت فكرت فيه
بس خفت أعمل لخبطة للى بيقرأ
عموماعلم وجارى التنفيذ يافندم

جزاك الله خيرا كثيرا
ومفيش دوشة ولا حاجة ياحبيبتى
انا مستمتعة ومستفيدة:)

خواطر شابة يقول...

جزاك الله خيرا على الموضوع وحتى صفحة التعليقات استمتعت بها واستفدت منها
تحياتي وودي لك

Sharm يقول...

اولا انا كنت ابحث عن تلخيص لهذه التقسيمات لازيد علمي بالحديث و سبحان الله اني وجدت ضالتي عندك

ثانيا بحثت كثيرا في مدونتك عن اصل اسمك و هل هذا حب لشخص عرابي ام حقيقة واقعية لذا ارجوا ان تحدثينا عن نفسك اكثر و ارجو ان تكوني اكثر اجتماعية في المدونات حتى تنتشر هذه المدونة الرائعة بين المدونات العربية

حفيدة عرابى يقول...

خواطر شابة
الف حمدلله على السلامة يامحاربة
شكرا جزيلا على الدعاء
متعة صفحة التعليقات يتحملها الضيوف الاعزاء:)
تحياتى لك

حفيدة عرابى يقول...

sharm
أهلا بحضرتك
الحمد لله ان الهدف من التدوينات بدأ يتحقق


أما اسمى
فالاسم الاول كان نفس اسم المدونة لقد خلقنا الله احرارا
وبعدين حسيت انه طويل ومش اسم
وكان ضيف عزيز هو الاستاذ طارق مؤمن
بيقولى ياحفيدة عرابى
الكلمة عجبتنى جدا
وقلت هى شرف لى انى انتسب لعرابى حتى لو صوريا
والاسم اصغر شوية
بس خلاص :)

اما الاجتماعية
فهى للاسف صفة مش موجودة عندى حتى فى الواقع
لكن ده مايمنعش انى بقرأ مدونات كتير جدا جدا بتمعن
بس احيانا مش بلاقى عندى القدرة على التعبير
او بكون مشغولة جدا فمش بقدر اتصفح واكتب تعليق

شكرا جزيلا لحضرتك على الاطراء