الحديث الموضوع

الحديث الموضوع هو الحديث المختلق المدسوس المفترى المنسوب كذبا الى النبى عليه الصلاة والسلام
وذلك بأن يكون فى اسناد الحديث راو ثبت عليه الكذب فى حديثه عن الرسول عليه الصلاة والسلام
ولم يعرف هذا الحديث الا من جهة هذا الكذاب ويكون الحديث مع ذلك مخالفا للقواعد المعلومة من الدين
والاسناد سلسلة الرواة الذين تحملوا الحديث واحدا عن الاخر حتى وصلوا به الى النبى عليه الصلاة والسلام
وذهب جمهور العلماء الى ان الكذب على النبى عليه الصلاة والسلاة من أكبر الكبائر وصاحبها متوعد بالعذاب الاليم ولكنهم لا يكفرونه طالما لم يستحل هذا الكذب
عن أبى هريرة رضى الله عنه قال قال رسول الله صلى الله عليه وسلم
(من كذب على متعمدا فليتبوأ مقعده من النار)
أمابعض الزهاد فقد ذهبواالى جوازوضع الحديث عن النبى فى الترغيب والترهيب
واعترفوا بأنهم وضعوا بعض الاحاديث حسبة لله تعالى و ترغيبا للناس فى الطاعة
لكن جمهور العلماء اعتبروا بطلان هذا الرأى لأن ما ورد من الترغيب والترهيب فى القران والسنة كاف وشاف
يعتقد العلماء ان افة وضع الاحاديث كانت بعد الفتنة التى أدت إلى استشهاد سيدنا عثمان بن عفان ثم ظهور أهل البدع والاهواء
أسباب وضع الحديث
1- تحريف عقيدة المسلمين
2- الانتصار للبدع والاهواء
3- التعصب المذهبى
4- الترغيب فى فعل الطاعات والترهيب من المعاصى
5- التقرب الى الامراء والحكام
6- الرغبة فى الارتزاق والتكسب
7- حب الوضاعين للظهور والشهرة
8- الصراعات السياسية مثل الاحاديث التى وضعها الشيعة اعلاء لسيدنا على بن ابى طالب
وذما فى معاوية بن ابى سفيان وعمرو بن العاص والاحاديث التى وضعها الجهلاء من أهل السنة فى فضائل معاوية
كيف يعرف الحديث الموضوع
وجود راو كذاب فى الاسناد لا يعنى وضع الحديث
لأن العلماء اعتبروا ان الكاذب قد يصدق أحيانا وليس هناك بكذاب مائة فى المائة
ولاحتمال أن يأتى الحديث من طريق اخر غير طريق الراوى الكاذب
لذا وضع العلماء ضوابط لمعرفة الحديث الموضوع وهذه الضوابط ليست للعامة
ومنها
1- اقرار الوضع مثل اقرار راو يدعى ابو عصمة نوح بن ابى مريم انه وضع كثيرا من الاحاديث فى فضل سور القران الكريم
2- وجود قرينة فى كلام الراوى تدل على كذبه وأن روايته لا أصل لها
3-معرفة التراجم للرواة واستخدام التواريخ لمعرفة تواريخ ميلاد الرواة وتواريخ وفاتهم ورحلاتهم لمعرفة هل كان اسناد الحديث متصلا أم لا
4-أن توجد قرينة فى المروى تدل على ان الحديث موضوع وأنه ليس من كلام النبى عليه الصلاة والسلام
ومنها
- ان يكون الحديث مخالفا لصريح القران مخالفة جلية
مثال
( لو أحسن أحدكم ظنه بحجر لنفعه)
يقول ابن القيم ان هذا الحديث من وضع عباد الاوثان لان القران والسنة يحفلان بالنصوص القطعية عن انه لا ضار ولا نافع الا الله سبحانه وتعالى
- أن يكون الحديث مناقضا للسنة المتواترة وللاحاديث الثابتة بحيث لا يمكن الجمع بينهم بوجه من وجوه الجمع
- أن يعد الحديث بثواب عظيم على عمل يسير لا يستوجب هذا الثواب
- أن يحتوى الحديث على وعيد شديد من فعل ذنب من الصغائر لا يستوجب هذا العقاب الشديد
-أن يكون كلام الحديث لا يشبه كلام الانبياء فضلا عن كلام الرسول عليه الصلاة والسلام
-أن يدعى على النبى أنه فعل شيئا بحضور الصحابة ولكنهم اتفقوا على كتمانه ولم ينقلوه
كادعاء الشيعةانه صلى الله عليه وسلم أخذ بيد على بن ابى طالب وهو راجع من حجة الوداع فأقامه بينهم حتى عرفه الجميع ثم قال
( هذا وصيى وأخى والخليفة من بعدى فاسمعوا له وأطيعوا)
- ركاكة لفظ الحديث ومعناه أو ركاكة المعنى فقط
-مخالفة الحديث للمعقول بحيث لا يقبل التأويل
- أن يكون فى الحديث تاريخ يتعلق بالمستقبل مثل قوله اذا كانت سنة كذا وكذا وقع كذا
- أن لا يكون الحديث موجودا فى الكتب بعد تدوين السنة وظهور المصنفات فيها
حكم رواية الحديث الموضوع
تحرم روايته على من تأكد أو ظن وضعه
ولا يروى فى الترغيب والترهيب والفضائل الا على سيبل التنبيه على انها موضوعة ليحذرها الناس ويجتنبوها
بعض الكتب المصنفة فى الاحاديث الموضوعة
الموضوعات للامام الجوزى
اللالىءالمصنوعة فى الاحاديث الموضوعة للامام جلال الدين عبد الرحمن السيوطى
تلخيص من كتاب الوجيز فى علوم الحديث
للاستاذ الدكتور الخشوعى محمد الخشوعى
استاذ الحديث بجامعة الازهر

20 التعليقات:



لورنس العرب يقول...

موضوع مهم جدا وخطير أيضا
فيه احاديث انا معرفتش انها موضوعه إلا بعدها بزمان
والغريب ان فيه كثير من الخطباء بيرددوها على المنبر يوم الجمعه لنهم مش بيبحثوا أو بيستسهلوا الحديث وبيستغلوا ان نصف الناس في الجامع بيبقوا نائمين اثناء الخطبه

خواطر شابة يقول...

عزيزتي رجاء مراجعة خط الكتابة مستحيل قراءة الموضوع الخطوط ضخمة ومتداخلة

حفيدة عرابى يقول...

لورنس العرب
أهلا بحضرتك
هو الموضوع محتاج نماذج لأشهر الاحاديث الموضوعة للتنبيه والتحذير
بس أغلب أحاديث خطباء الجمعة ممكن تكون ضعيفة وليست موضوعة
والحديث الضعيف انواعه كتير وممكن يرتقى ويصبح حديث حسن لغيره
وبعض العلماء بيحتج بالاحاديث الضعيفة زى نوع اسمه المرسل
والبعض بيفضل الحديث الضعيف على القياس مثل الامام أحمد بن حنبل


هو موضوع كبير قوى
والخلاصة اننا محرومين مش عارفة ليه من دراسة الجمال ده


لكن هو الموضوع مفهوم؟
يعنى انا علشان لسه مذاكرة جديد
والمعلومات قليلة
خايفة يكون الكلام غامض

والخط كمان
معلش انا مزعجة
ايه اخبار الخط ؟

تحياتى لحضرتك

حفيدة عرابى يقول...

خواطر شابة
أهلا بك
مش عارفة اقولك ايه
وش واحدة محبطة وعايزة تعيط
انا شايفة الخط عادى جدا وكويس
ودى مش اول شكوى اسمعها فى الموضوع ده
ومحبطة لانى مش فاهمة المشكلة فين
الباشمهندس نيجرو الله يكرمه نصحنى مش اكتب فى ملفات وورد الاول
وحصل
كتبت فى البلوجر
لكن المشكلة لسه موجودة
كل اللى لاحظته انى لما بعمل اعادة تحرير للرسالة وبحاول افصل اكتر بين السطور
مفيش تغيير بيحصل


معلش صدعتك
بس لو عندك حل ياريت تبلغينى

تحياتى لك

Wanda يقول...

عرابية
افادة جميله
و ياريت الشيوخ العصرين لما يروى عن الرسول قصة او حديث يقولوا الاسناد
اصلى لما اسمع حد يهمل ذكر الاسناد مبكملش سمع من الاصل و خصوصا لما يحكوا الحديث بلغة متتناسبش مع مهابة الانبياء

الخط المرة دى شايفاه كويس و مش كبير
:-)))

أليس في بلاد العجائب يقول...

الله يفتح عليكي ويزيدك من فضله :)

الموضوع دا في غاية الخطورة علي المسلمين خصوصا الناس البسيطة اللي معندهاش وسائل معينة لتحري صحة المقولة وكونها حديث نبوي صحيح او لا

رمضان اللي فات.. كان في واحدة ست بسيطة بتصلي التراويح .. اخر يوم رمضان كانت شايلة رزمة ورق ووزعته .. الستات في منهم اللي شكرولها انها علي بساطتها دخلت مكتبة و صورت الورق دا علي حسابها وهي كانت في غني انها تعمل كده .. فقالت انها جاتلها و حبت تكسب ثواب في الناس و تعرفهم بصلاة بطريقة معينة ليها ثواب كبير

مش فاكرة اوي التفاصيل المكتوبة بس لا تعقل فعلا ..
لقيتها بعد ما الناس مشيوا محبطة علشان في اللي زعقتلها وقالتلها اتقي الله في اللي بتوزعيه وحاجات كده

الست غلبانة كانت عايزة تعمل خير بس متعرفش ان دا كلام مش صحيح .. وفي زي دي كتير

انا افتكر اني في المدرسة ولحد الجامعة يمكن مكنتش ادرك ان في احاديث من اللي حافظينها والناس بترددها في منها اللي ضعيف واللي موضوع .. محدش قال .. زي ما دلوقتي محدش بيعرف الا اللي بيدور و بيطلب المعرفة دي ..

ويمكن حتي من فترات قريبة اللي لما بفكر استشهد بحديث بجري وراه الاول اشوفه صحيح فعلا ولا لا و اتقال في موقف ايه علشان ميتأولش تأويل يغير معناه

بيني وبينك كده انا اغبطك علي دراسة العلم دا :)
يمكن في يوم ربنا ييسرهولي ان شاء الله

اشكرك جدا :)

خواطر شابة يقول...

عزيزتي المشكلة انتهت والتدوينة واضحة الان سأقرأ واعود لاعلق

خواطر شابة يقول...

جزاك الله خيرا على هذه المعلومات القيمة واعاذنا الله من ذنب وضع احاديث عن النبي والكذب في ذلك
تحياتي وودي

حفيدة عرابى يقول...

واندتى
ازيك
انا مش فاهمة ياحبيبتى انت تقصدى ايه بالاسناد
أصل فى قاعدة بتقول
من أسند فقد أحالك ومن أرسل فقد تكفل لك
يعنى الشيخ الى يقول سلسلة الرواة ويسكت يبقى بيطلب منى انا ابحث عن مدى صحة الحديث
ودى حاجة صعبة على جدا
لكن لو ارسل
يعنى ذكر الحديث من غير مايقول اسناده
يبقى بيعفينى من البحث وبيضمن لى هو صحة الحديث


ولا انت تقصدى انه لازم يقول حكم الحديث ايه من حيث الصحة

لو ده قصدك فعلا
يبقى عندك حق
لان ده واجبه
وهو ملزم يذكر حالته خاصة لو موضوع بس احيانا بيتعاملوا معانا على اننا دارسين وده مش حاصل
يعنى فى صيغ معينة فى الكلام يفهم منها
الحديث صحيح ولا ضعيف


شفت درس فيزياء عندك
ودرس مصطلح هنا:)
انا عملت لك مذكرة تفسيرية للبوست اللى فات وانت مش جيتى
مااااااااااااشى

حفيدة عرابى يقول...

أليس
الله يكرمك ويزيدك انت من فضله
ويحقق لك كل احلامك ويرضى عنك وعنا جميعا

أصل انت سبب مباشر فى البوست ده
صحيح هو مش المحكم والمتشابه
بس تصبيرة لغاية ماافضى شويه:)



مادة مصطلح الحديث ممتعة جدا
والموضوعات فيها كنت محتارة الخص ايه ولا ايه
لانى حسيت ان كل موضوع محتاج اننا يكون فكرة سابقة عن المصطلح

كمان الدكاترة فى المعهد ممتازين
عارفة
دكتور السنة اللى فاتت
لسه نبرة صوته فى ودانى
ماشاء الله عليه كان بيسقينا مصطلح

ان شاء الله ربنا يسهل تخلصى الماجستير فى الاول
وبعدين تقدمى فى المعهد
او اكون انا خلصت وننتسب سوا لجامعة الازهر
لانى نفسى فيها جدا
بس ابن زكى بدر مدوخنى فى الدراسة والاجازة:)


انا فوجئت فعلا بكم الاحاديث الضعيفة
والموضوعة المشهورة جدا والمتكررة

لان الناس بتستهل بتاخد من كتب مش موثوقة
او من كتب ذكرت الاسناد من غير ماتوضح حكم الحديث


انا اللى اشكرك جدا:)

حفيدة عرابى يقول...

خواطر شابة
اهلا بك
ربنا يكرمك ياحبيبتى وييسر ك الخير
شكرا جزيلا على اهتمامك ودعواتك
لا
انا اللى تحياتى وودى

well يقول...

حفيدة عرابى ...

اراكى فى نعمة دراسة الجمال كما ذكرتيه او دراسة الايمان ...يارب النعمة دى تدوم .. والحمد لله
(..والخلاصة اننا محرومين مش عارفة ليه من دراسة الجمال ده..)

تحياتى

حفيدة عرابى يقول...

باشمهندس وليد
الحمد لله
ربنا يديمها نعمة ويحفظها من الزوال
ويكتبها لنا جميعا
ونكون من العاملين بما تعلمنا
تحياتى لك

بدراوى يقول...

انا بحيى حضرتك على البوست القيم ده
ربنا يفتح عليكى بجد

عارفة انا فيه احاديث بقراهااسف يعنى لو جابولى الرسول عليه الصلاة والسلام وقاللى صحيحة مش حقتنع
انا بقول كدة قاصداً معظم الأحاديث اللى عن المرأة اللى عقلى مش متقبلها

ربنا يرحمنا

ربنا يوفقك فى العلم ده

أليس في بلاد العجائب يقول...

ربنا يكرمك

فكرتيني بالرسالة الله يعافيني منها يارب :(



فاكرة لما كنا بنتكلم عن الحديث اللي بيقول " اضطروهم الي اضيق الطريق" ؟ علي الذميين واهل الكتاب


هداني الله الصبح اسمع كلام في قناة الرسالة للشيخ حازم ابو اسماعيل بيشرح فيه الحديث دا

هقولك قال ايه في شكل نقط :
- ورد الطريق معرف ب ال
- اضيق : جاءت بمعني ألا تعظم عظيمهم ولا تفخم فيه . عامله كما تعامل ساشر الناس بدون تفخيم
- جاء الطريق معرف ليكون الامر بان تعطيهم الطريق كله .. اي مكنه ان يسير في نفس الطريق بنفس طريقة سيرك انت المسلم


اعتقد دا شرح يوضح حاجة اثارت جدل .. اللهم صلي علي سيدنا محمد .. ما ينطق عن الهوي :) رحمة للعالمين

خدي بالك من نفسك :) وذاكري كويس ربنا يجازيكي عنه خيرا و يزيدك علما :)

اجازة سعيدة باذن الله..

حفيدة عرابى يقول...

بدراوى
أهلا بحضرتك
شكرا جزيلا على الدعاء


فعلا أحيانا بعض التفسيرات للايات والاحاديث بتكون بعيدة جدا عن مراد الله ورسوله
دورنا
اننا نحاول نفهم النص سواء من نصوص تانية تفسره لينا
او ندى فرصة لنفسنا نسمع اراء تانية
وعموما
الحمد لله
مافيش حاجة سمعتها تخص الدين
وكان فى قلبى منها شىء
الا واتأكدت بعد فترة ان احساسى صح
اما ان الحديث نفسه يكون مش صحيح
او اتشرح بصورة تبعده عن المقصد الاساسى منه
ومش احنا اللى هنقعد نتكلم عن الاسلام والمرأة
كفاية قوى نكون متأكدين ان ده دين
منزل من ربنا
علشان نعرف ان اى نصوص شكلها بتظلم المرأة
اما انها مدسوسة
او العيب فينا احنا مش قادرين نفهم مغزاها


يارب نوصل
اننا نكون مؤمنين بعقلنا وقلبنا


وبعدين
الجملة اللى انت اتأسفت فيها
يارتنا كنا عشنا فى زمن الرسول عليه والسلام
وساعتها اكيد اى حاجة كنت هتسمعها منه كنت هتقتنع بيها على طول
مكنتش هتقدر تقول مش مقتنع

عارف
انت عايز تعبر عن فكرة جميلة
ان جواك اقتناع شديد وعقيدة قوية
ان الرسول عليه الصلاة والسلام لا ينطق عن الهوى
ومش ممكن يصدر منه كلام زى اللى بيقولوه
وانك مش ممكن تصدق ان الدين يكون فيه احكام بالطريقة دى
بس كتبت جملتك بانفعال


طيب ماتدور على أصل الاحاديث دى
وتشوف وضعها ايه
وتحاول تعرف بيتكلموا فيها على اى اساس
يمكن يكون ليها معنى بعيد احنا مش فاهمينه وربنا يفتح علينا فيه

شكرا جزيلا على تعليقك ودعواتك وأمنياتك الطيبة

حفيدة عرابى يقول...

أليس
أولا الله يكرمك :)
ثانيا
لا الكلام ده ماينفعش خلصينا من الرسالة دى بسرعة
اكيد والله هتفرحى قوى بانتهائها اخيرا
علشان تشجعينى انا كمان اعمل زيك

ثالثا
حازم ابو اسماعيل
من اكتر الشيوخ القريبين جدا جدا لقلبى
هادىء ماشاء الله وغزير العلم
وبيحقق المعادلة اللى انا بحبها
الدين مرتبط تماما بكل حاجة فى حياتنا
وماينفعش اكون رجل دين
عندى مهمة الامر بالمعروف والنهى عن المنكر وأرفض أتكلم عن فساد سياسى مالوش نهاية وأشغل نفسى بكلام تانى وأسيب أصل المشكلة
ان شرع ربنا مش مجرد طقوس وعبادات
لكن كمان معاهم كلمة حق تقال امام سلطان جائر


على فكرة حازم صلاح ابو اسماعيل
من الرجال الذين أحبهم:)
مش عرابى بس :)


رابعا
انا مش فاهمة الجزء الخاص بأضيق وايه علاقته بعدم تعظيم كبرائهم

بس فى العموم
انا من غير حاجة قلت ده من قبل اى نقاش
نشوف الاول مدى صحة نسب الكلام للرسول عليه الصلاة والسلام ولو صح
يبقى احنا مش فاهمين المعنى الحقيقى للنص

او فى ظروف أدت للكلام ده
يعنى انا فاكرة مثلا وقتها
ان فى لينك من اللينكات اللى بعتيهالى
كان فى تفسير البعض
ان الحديث ده كان ايام غزوة بنى قريظة وان الرسول عليه الصلاة والسلام كان متعمد يبلغ اليهود ان فى مشكلة كبيرة بينهم وبين المسلمين
وان الحرب وشيكة جدا لان الغزوة كانت بعد الاحزاب مباشرة

فى كل الاحوال
الرسول عليه الصلاة والسلام لا ينطق عن الهوى
لو كلامه وصل لنا بأمانة ومش فاهمينه

ندعى ربنا ينور قلوبنا ويهدى عقولنا للصح
وتكون الحاجات اللى بنحس بيها لما نسمع الكلام ده
فطرة نقية وغيرة على ديننا ان أى حد يتكلم فيه بجهل
يارب


خامسا انت بنت حلال
لأنى الموضوع ده خطر على بالى قريب
ولأنك كنت حريصة تنقلى اللى سمعتيه
بس حاولى تانى تفهمينى لان الجزء اللى قلت عليه مش واصل قوى


حاضر هخلى بالى من نفسى:)

وشكرا جزيلا على دعواتك وماتحرمنميش منها:)

أليس في بلاد العجائب يقول...

بصي يا ستي

هو اللي قاله بالظبط زي اللي كتبته

اللي فهمته التساوي بين الناس .. و ان العظمة لله وحده .. وان لو حد كبير مقاما منهم معدي .. المسلم مش المفروض يعظم فيه و يفخمه علي غيره من الناس ويمشي في طريق تاني.. يعني تاني هنرجع للمساواة بين الناس لا يفرق وزير من غفير ..

و هنقلك اللي لقيته في بحث من اول وجديد علشان نوصل لحاجة تريح القلب و تطمئنه :)

أما كلام العلماء بخصوص عبارة : " وَإِذَا لَقِيتُمْ أَحَدَهُمْ فِي الطَّرِيقِ فَاضْطَرُّوهُمْ إِلَى أَضْيَقِهِ ‏" .

1 - قال الترمذي تعليقا على معنى الحديث :
‏وَمَعْنَى هَذَا الْحَدِيثِ لَا تَبْدَءُوا ‏ ‏الْيَهُودَ ‏ ‏وَالنَّصَارَى .‏
‏قَالَ بَعْضُ أَهْلِ الْعِلْمِ إِنَّمَا مَعْنَى الْكَرَاهِيَةِ لِأَنَّهُ يَكُونُ تَعْظِيمًا لَهُمْ وَإِنَّمَا أُمِرَ الْمُسْلِمُونَ بِتَذْلِيلِهِمْ وَكَذَلِكَ إِذَا لَقِيَ أَحَدَهُمْ فِي الطَّرِيقِ فَلَا يَتْرُكْ الطَّرِيقَ عَلَيْهِ لِأَنَّ فِيهِ تَعْظِيمًا لَهُمْ .ا.هـ


- نقل الحافظ ابن حجر في الفتح عن القرطبي ما نصه :
قال القرطبي في قوله " وإذا لقيتموهم في طريق فاضطروهم إلى أضيقه " معناه لا تتنحوا لهم عن الطريق الضيق إكراما لهم واحتراما ، وعلى هذا فتكون هذه الجملة مناسبة للجملة الأولى في المعنى ، وليس المعنى إذا لقيتموهم في طريق واسع فألجئوهم إلى حرفه حتى يضيق عليهم لأن ذلك أذى لهم وقد نهينا عن أذاهم بغير سبب .ا.هـ


فكرتيني ان اصل الكلام كان علشان اللي القيتي عليه السلام ومردش و قلتلك الحديث الا تسلمي سلام المسلمين علي غير المسلمين :)

وان معجبش ناس الكلام دا .. بس دا نقطة في بحر اوامر و نواهي للرسول صلي الله عليه و سلم .. لو تتطبق بما يرضي الله بالعدل والحكمة بين الناس .. مش هنحتاس و ندور علي كبير يلمنا تحت جناحه .. عندنا الاصل .. ندور علي صور بهتانة ليه ؟؟

كفاية رغي باه نروح نكمل شغل :)

حفيدة عرابى يقول...

ده رغى ده!!!
ده كلام فى منتهى الجمال
لا خلاص
انا فهمت كده
ودماغى مبسوطة
وقلبى فرحان ومطلع ابتسامة كبيرة قوى على وشى


جزاك الله خيرا
يامثقفانى
روحى كملى شغل :)
ربنا معاك

أم الخــلـود يقول...

الله يعطيك العافية .. تحياتي لك.

اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين