فضفضة 2

عبد الستار تميم ... أحمد الله كثيرا أنك لست أبى

البرادعى... أخشى أن يجىء الوقت الذى أعتبرك فيه صرحا من خيال فهوى

الطبع يغلب النساء مهما ترقين فى المناصب أكره منهن بشدة من تلتقط لى ولغيرى صورة تفصيلية بمجرد الحديث معها
ربى أوزعنى أن أشكر نعمتك على وعلى والدى وتوفنى مسلما والحقنى بالصالحين

البعض يستنكر بشدة أن تكون راضيا عن ابتلاء ما بحياتك ...منذ فترة طويلة توقفت عن محاولة اقناعهم ...وأشعر براحة شديدة لذلك

عندما يكون تحمل المسئولية من أهم شيمك وخصالك ...أخشى أن تندم فى وقت ما عندما تجد كل من حولك يتفانى فى القاء الكثير من الهموم والمسئوليات على عاتقك

انتخابات الشورى لا أعادك الله وأمثالك

شهداء الحرية ...وللحرية الحمراء باب بكل يد مضرجة يدق

المسيحى الراغب فى الزواج الثانى لا أرى لك حلا الا محاولة اقناع كنيستك أن هناك تفسيرات أخرى لما تتمسك به من نصوص

البعض انتهز فرصة الحكم القضائى لتكريس دعاوى انفصال الدين عن الدولة والحياة ...اذا لم أجد الدين فى عقد زواجى فأين أجده!!؟

من البشر من تتخيل ان بعدك عنه فيه خلاصك ولكن الايام تثبت لك كم كنت واهما لأن البعض اللهم عافنا يمتد اذاهم الى مابعد حتى رحيلهم عن الدنيا

علوم القران بحر واسع وممتع لأبعد الحدود لأول مرة أفهم بالتقريب معنى المحكم والمتشابه وأحاول جاهدة أن أفهم قشور عن الناسخ والمنسوخ فى القران
أشعر بتعاطف شديد مع كل محروم من متعة دراسته ... صدقا ستختبر طعما جديدا ورائعا للحياة

دعاء علمتنى اياه صديقة عزيزة ...اللهم قوى ظهرى ولا تخفف حملى

أوباما ......................................ولا بلاش...لكن أين المصفقون والحالمون والواهمون و..و..
ربنا لا تسلط علينا بذنوبنا من لا يخافك ولا يرحمنا

33 التعليقات:



أليس في بلاد العجائب يقول...

السلام عليكم ورحمة الله وبركاته

حمد الله علي سلامة الجهاز :)

الناس عمرها عمرها ما هتبطل تبص و تنم و تمصمص شفايفها و تتعجب و تتأمر و تقرر لغيرها .. عمرها مهما عملتي ما هتقولك برافو دا انتي زي الفل و صح و اون تراك .. عمرها

احمد الله ان عندنا توبة وعفو و غفران وان المذنب والمسيء والعاصي عنده فرص كتيرة يتوب ويرجع لربه .. واحمد الله ان ربنا بيقبله و يتوب عليه ولا يمتد العقاب للابد .. نعمة

هو الدين عامل صداع في دماغ الناس ليه؟
و ليه قلة الدين مش تعباهم؟
وليه قلة الادب مش فارقة معاهم؟
وليه قلة الحياء مش مهتمين بزيادتها؟

حلوة اللي ماشية من غير هدوم .. هي حرة
واللي لابسة ايا كانت لابسةايه منزوعة منها نفس الحرية ؟ زي ما يكونوا بيقولولها لا باه هتبقي زينا يا اما اللي مش عاجبه يترحل !!

:) كنت تايهة امبارح في شارع معرفتش اسمه بس لقيت يافته كبيرة مكتوب عليها "بابا سرور ابناء دائرتك يحبونك"

:) عجبتني بابا سرور دي
انا كنت متعايشة مع ماما سوزان انما بابا سرور دي جديدة اوي

المصري مبدع بردة ..


ما كنتي تكملي جميلك و تحكي عن اللي فهمتيه في المتشابه والمحكم :) تبرعي اليّ علي الاقل بحاجة حلوة زي دي والاجر والثواب عند الله :)

حلو اوي اوي دعائك صديقتك
اللهم قوي ظهري لا تخفف حملي
ربنا يقوينا جميعا و يلهمنا الصبر والتحمل

:) عاملة دوشة انا عارفة بس قلت اصبح عليكي :)

بدراوى يقول...

ازى حضرتك

كلمات جميلة خاصة موضوع اوباما و البرادعى،وموضوع المسئولية
و انتخابات الشورى
،

و هناك من البشر من تتخيل ان وجوده فى حياتك فيه راحتك و حياتك و لكن تكتشف ان حياتك بتمشى عادى حتى فى عدم وجوده

----
واخذ على خاطرى انا من حضرتك
يعنى كنت متوقع ان حضرتك حتكونى من اوائل اللى يعلقوا عندى بعد رجوعى
على اساس ان حضرتك سألتى عليا اكثر من مرة
؟!!!!!!!!

حفيدة عرابى يقول...

أليس
وعليكم السلام ورحمة الله وبركاته

الله يسلمك:)
بجد انا بتغاظ جدا ن السيدات اللى تكونى بتكلميهم وهما بيصوروكى تمام
وياسلام اللحظة الحاسمة لما تمشى وتحسى بفلاشات الكاميرا لسه متابعاكى مش عارفة ليه


ومتوقعين منك دايما فى اوقات الابتلاء انك تكونى حزينة وبتشتكى
طيب لو انا فعلا ربنا بيرضينى
او انا بتسامى على حالى لغاية ماربنا يكرمنى من عنده بالرضا
استحالة يقتنعوا بكده

وكمان تلاقى ناس دماغها حلوة فى مجالات كتير والدين والحجاب عاملين معاهم ازمة كبيرة جدا مش عارفة ليه


ياخوفى لنعيش ايام ماما خديخة ربنا يستر:)

ناوية ان شاء الله اكتب عن المحكم والمتشابه
ادع لى
عجبنى جدا ان العلماء الفطاحل أجهدوا نفسهم كتير ومش قادرين يوصلوا لاراء قاطعة
كلام الله المعجز فعلا

صاحبتى ادع لها ترجع بالسلامة دعائها ده بحتاجه كتير جدا

ولا عاملة دوشة ولا حاجة:)
صبحى ومسى واعملى اللى انت عايزاه:)

حفيدة عرابى يقول...

بدراوى
ازى حضرتك
حمدا لله على السلامة:)

كلامك انت اللى جميل
فعلا الحياة فى كل الاحوال بتمشى بينا
بس صدقنى طعمها بيتغير
الخبرة نفسها اللى بتكتسبها من معرفتك وفراقك للاشخاص على اد مابتكون مفيدة وبتخليك صلب اكتر لكن بتقتل البراءة جواك
لا كفاية كده علشان الكلام هيقلب على اكتئاب :)


عندك حق طبعا تاخد على خاطرك
بس لو راجعت ردى على اليس فى التدوينة اللى فاتت هتعرف ان الكمبيوتر كان عطلان شوية وفوجئت انك نزلت بوستات حلوة وقرأتها كلها
لكن مكنش عندى تركيز بجد انى اكتب
حاولت اتابع بسرعة بالعين كده كل اللى فاتنى
النهارده ان شاء الله اعوض كل اللى فاتنى
تحياتى لحضرتك:)

غير معرف يقول...

الله يكرمك ويعزك يارب
بجد جميل ان بلدنا فى حد زي حضرتك
وللاسف فى كتيييييييييييييييييييييير زي حضرتك فى امتنا العربيه بس هما فين
وليه كلامهم وفضفضتهم دى بس جواهم فى مدونه وليه مايتكلموش فى كل الدنيا مش ها لامهم احسن من الهايفين اللى بييجوا يحللوا المواقف السياسيه


تحياتى
على فكره اهم حاجه عجبانى هى موضوع البرادعى لان الناس كانت حاسه ان هو صاحب العصا السحريه بس الحمد لله حاسه انهم فاقوا
تحياتى
جيجي والعالم

خواطر شابة يقول...

مختارات جميلة تنتقلين بنا من موضوع الى موضوع بحيث ثعطينا رأيك في كلمات جامعة مانعة انه المختصر المفيد حقا
دمت بكل ود

محم\ صلاح يقول...

السلام عليكم ورحمة الله

يا ابلة

انا محمد صاحب مدونة حكاوي محمد لو تفتكريها

عموما انا سبتها عشان شوية حاجات كدا المهم انا حابب اتواصل مع حضرتك

اتفضل ادي ايميلي اهو

mhmd-eagl2009@hotmail.com

mhmd_eag2011@yahoo.com

حفيدة عرابى يقول...

جيجى حبيبتى
شكرا على المجاملة
بالنسبة لموضوع البرادعى ان مش ضده ياحبيبتى
انا فاهمة انه بيسافر لارتباطاته الدولية لمدة سنة
وحكاية مايعرفش حاجة عننا دى
مش مشكلة لان حتى اللى عايش وسطينا محتاج كتير على مايستوعب حجم مشاكلنا


لكن اتأثرت جدا بمقال لحمدى قنديل خوفنى جدا ان الجمعية تلاقى نفس مصير كفاية

بالعكس ياجيجى هو ماقلش ابدا انه صاحب عصا سحرية
احنا اللى بنتلكك ياماما

المهم انك بتختفى كتير الايام دى والموضوع ده مضايقنى
تحياتى لك

حفيدة عرابى يقول...

خواطر شابة
شكرا جزيلا على المجاملة
بس انا مش بتاعة مختصر مفيد
انا رغاية جدا ياماما وتلاقينى اللى اقوله اعيده
المهنة بتحكم احيانا
كويس ان انا قدرت اختصر شوية
تحياتى لك

حفيدة عرابى يقول...

محمد صلاح
ازييييييييييك يامحمد
عامل ايه
مختفى فين ياراجل
يارب تكون بخير
والمذاكرة اخبارها ايه معاك
وبقيت فى سنة كام دلوقت


بص يامحمد
انا سعيدة جدا بتعليقك بعد طول غياب
بس فى حاجة
انا مش هاقدر اتواصل عن طريق الايميل لظروف شخصية
فمعلش ماتزعلش منى
انا حفيدة عرابى ماليش فى الايميلات:)
تحياتى لك

أليس في بلاد العجائب يقول...

تسلمي يارب من كل سوء

بصي انا فكرت حبة في الدعاء "اللهم قوي ظهري ولا تخفف حملي" حسيت انه اولي من لا تخفف حملي ان ربنا سبحانه وتعالي يهون الحمل دا .. يعني يقوينا ويخلينا نتحمل ويهون علينا ثقل الحمل ... علي كل حال .. ربنا يردها سالمة غانمة ان شاء الله

بصي باه انتي قلتي هتكملي عرابي و مكملتيش و مازلنا منتظرين

في موضوع المحكم والمتشابه و اعجاز الله في كتابه الكريم .. ارجو انك متغيبيش كتير .. اهو تكسبي ثواب زكاة عن علم اتعلمتيه :) وتكسبي ثواب دعوة الي الله :) و يضاعف الله لمن يشاء :) و يجعله الله في ميزان حسناتك اضعافا مضاعفة ان شاء الله .. متغيبيش باه :)

عارفة في موضوع اختلاف العلماء .. بحسه فعلا رحمة .. انا ساعات يعجبني رأي ما لاحد المشايخ و امي تقول علي الرأي دا متشدد ولا غلط من وجهة نظرها و من خلفية اللي اتربت عليه واتعلمته و هي طبعا احسن مني مليون مرة .. وساعات يحصل العكس .. فبفتكر ساعتها ان ممكن يكون في اكتر من رأي و اننا لو اطمئن القلب مع الضمير لحكم ما هنكون اكيد اقرب للصح والحق والله اعلم


تصدقي اول ما قلتي ماما خديجة جت في بالي السيدة خديجة رضي الله عنها و سرحت لحظة كده وابتسمت و فوقت علي الواقع الاليم .. افتكرت خديجة مين اللي مقصودة :(
لله الامر من قبل من بعد

ربنا يوفقك ان شاء الله و يرضي عنك ويرضيكي

حفيدة عرابى يقول...

أليس
بص ياحبيبتى انا هحكيلك أصل الموضوع
هى كانت بتشتكى من الاولاد
المذاكرة وشغل البيت وراهم والحاجات دى
وشايفة ان حملها كبير وتقيل
فزوجها الله يكرمه هو اللى قالها الدعاء ده وفهمها انها ماتقولش ان الاولاد حمل لأن ممكن لاقدر الله الحمل يخف فهى تزعل
هى فهمت وفهمتنا الدعاء كده
الحمل التقيل ممكن يكون مش هم هى مسئوليات مطلوبة منها
ولو اختارت هتختار الحمل ده
ربنا يبارك لها فى اولادها
وقالت الشغل كمان حمل
لكن وجوده مفيد منقدرش نستغنى عنه
ودى كانت قصة الدعاء
ده مايمنعش اننا نطلب من ربنا سبحانه وتعالى يهون الحمل علينا


عرابى هيكمل ان شاءالله بس بجد مش عارفة امتى


المحكم والمتشابه
بدأت امبارح كتبت شوية بس حاسة لانى تعبت فى فهمهم :)
انهم مش واضحين وانى محتاجة ابسط الكلام عن كده علشان مايكونش ممل لأى قارىء


اختلاف العلماء طبعا رحمة
بس انا كنت اقصد جمال فكرة الاعجاز
وانهم مع كل الذكاء والبحث والدراسة والمجهود
لكن القران هو الغالب فى النهاية
وهو الباقى على مر الزمن يتحدى الكل يفهموا منه القليل على حسب قدراتهم وظروف عصرهم
لكن مين يعرف يلم بيه

ربنا يرزقنا العلم النافع

السيدة خديجة رضى الله عنها يااااااااه

احنا فين وهى فين..!؟
بس الاسم جميل والله
انا فرحانه قوى بالناس اللى رجعت تسمى ولادها أسماء الصحابة وأمهات المؤمنين


اللهم امين ياحبيبتى على دعواتك الجميلة
ربنا يديم الود والحب فى الله بيننا

تامر علي يقول...

ملاحظات في العمق :)

وإن كان البرادعي لا يعبر عن مشروع أكثر من كونه رمز ليس إلا ولكن الناس عولت عليه بما ليس فيه.

من حق كل انسان ان يلتزم بكليات ديانته ويتمسك بها وإن لم يقتنع (بكلية) من كليات الديانة لاتحتمل الخلاف وليس فيها اجتهاد فهذا يعتبر رفض منه للديانة بالكلية :)

عبدالستار تميم من الظلم ان تتوقعي منه خلاف ذلك (من تظنيه؟؟؟):)

علوم الشريعة كلها تحمل نفس الطعم ومن ذاق عرف:)

تحياتي وتقديري

مهندس مصري يقول...

معلش مستعجل
شوفي الفيديو ده للبرادعي
http://www.youtube.com/watch?v=cSbc8dyQjT4
مهم جداً

well يقول...

الله يا استاذة

عجبنى جدا الدعاء (اللهم قوى ظهرى ولا تخفف حملى )
عجبنى بدايته .. اللهم قوى ظهرى
وتعجبت للجزء الثانى ..ولا تخفف حملى ..بفكر فيها ..فكرى معايا
ليا عودة تانى ان شاء الله ..اصلى دلوقتى فاصل شحن وضهرى وجعنى
تحياتى

Wanda يقول...

عرابية
كل مرة اقراء البوست و اسيبه و ارجعله ثانى
حساه مكتوب بالشفرة
:-) بس شوية بشوية بفهم منه حاجة
اول جملة مفهمتهاش الا لما قرايت الاخبار بعدها بكام يوم:-)

ربنا يرضى عنك و يكرمك يا عربية

حفيدة عرابى يقول...

أستاذ تامر على
أهلا بحضرتك
شكرا جزيلا على التشجيع

البرادعى
الاحداث الاخيرة مع مقالة لحمدى قنديل خوفونى ان الجمعية تلاقى نفس مصير كفاية
ونرجع ندور من تانى على رمز مستعد للمواجهة


حلو موضوع الكليات ده:)
انا ده كان نفس رأيى
بس ماعرفتش اقوله كده:)

عبدالستار تميم لم يسمع كلكم راع وكلكم مسئول عن رعيته


علوم الشريعة
ربنا يكتبنا من الذواقين والذواقات

تحياتى لحضرتك

حفيدة عرابى يقول...

مهندس مصرى
جارى المشاهدة يافندم
وشكرا جزيلا مقدما يامصدر ثقافتنا البلوجرية
تحياتى لحضرتك

حفيدة عرابى يقول...

باشمهندس وليد
أهلا بحضرتك
لا تخفف حملى مش مقصود بيها معناها الظاهر
او بطريقة تانية الحمل فى الدعاء مقصود بيه مسئوليات مرهقة لكننا لانرغب فى التخفف منها
يعنى صديقتى كان حملها اولادها وهى مش عايزة تخلص من الحمل ده
وزوجها حمله والديه بيتحمل هو مسئوليتهم كاملة وبيتمنى لهم العمر الطويل
علشان كده طلع منهم
اللهم قوى ظهرى ولا تخفف حملى
وربنا رب قلوب ياباشمهندس:)

البوست بتاعتك فى مش هنسكت جميل فعلا
تسلم الايادى
تحياتى لك

حفيدة عرابى يقول...

واندتى
انت نبهتينى لنقطة مهمة
بس انا كنت فاكرة ان الاحداث مشهورة
يمكن ده جوه مصر
والبوست مش كله احداث
ده شويه شخصى وشويه عام

بصى ياستى
1
عبد الستار اخد فلوس من هشام طلعت واتنازل عن الحق المدنى فى القضية
يعنى باع البنية اكتر من مرة وهى عايشة
وبعد ماماتت

2
البرادعى
فى مقال لحمدى قنديل من كام يوم كان موجودحتى فى صباحات فاتيما
حسسنى بكم المشاكل الموجود فى الجمعية الوطنية للتغيير وان الموضوع فيه غموض نوايا من البرادعى
انا خفت الجمعية تلاقى نفس مصير حركة كفاية اللى انا كنت بحبها وتأثيرها جدا

3
الناس كتير بتبقى مش عايزة تصدق انك راضية
متوقعين منك دايما انك بتشتكى
وبيعبروا عن رأيهم ده باستنكار شديد لحالتك
ايه ده؟
انت مش معترضة ليه؟
انت ازاى عايشة اصلا
معقولة تكونى راضية وبتحاولى تتكيفى استحالة


4
لما تكونى بتتحملى المسئولية بتلاقى كل اللى حواليك بيحملوك مسئوليات زيادة
طبعك بيخليك سعيدة وحاسة بالصلابة وانك يعتمد عليك
لكن بعد فترة بيبدأ تخلي البعض عن مسئولياته ورميها عليك
فأحيانا بتحسى بالندم
وبترجعى تانى ياماما ...ده طبعك

اه نسيت
السيدات لازم تتصورى وانت بتكلميهم
ولازم تحسى بنظراتك بتشيعك بطريقة بايخة
عن نفسى مش بحب اتصور
باتكعبل حقيقة مش مجاز

5
شهداء الحرية
طبعا شهداء اسطول الحرية
الكلام اللى بعده
بيت شعر لشوقى كنا خدناه فى ثانوى عن الثورة السورية
بيمدح فى الحرية التى تنال بالدماء
وللحرية الحمراء باب بكل يد مضرجة يدق


6
المسيحى والزواج التانى
حكم قضائى اخير بيلزم الكنيسة تمنح تصاريح زواج
والكنيسة رافضة
وانا معاها حقيقى فى رفضها لان فى امور العقيدة ماينفعش انفذ حكم قضائى لمجرد انه حكم وهو بيخالف عقيدتى
كمان الزواج عند المسيحيين سر من اسرار الكنيسة لازم يعقد بيد الكاهن
ازاى يكون فيه اجبار للكاهن على حاجة هو مش معتقد انها حلال


البعض زى واحد اسمه خالد منتصر بدأ استعباطه وزعلان قوى على الدولة المدنية
وعايز الحكم يتنفذ
انا خفت بصراحة بعد كده
يصدر حكم قضائى ان الصيام يكون فى يناير من كل عام تخفيفا على المسلمين
انت عارفة مفيش حاجة بعيدة:)

7
واحد اعرفه
تم عن طريقه ايذاء اشخاص كتير
ومات
تخيلنا انه خلاص ماتجوزش عليه الا الرحمه
لكن مين ياماما
نتائج افعاله لسه عايشة فى الدنيا
بتكمل مشوار الاذى
ربنا يستر


8
بدأت اذاكر لامتحانات المعهد
كمان اسبوعين
فعجبتنى قوى الموضوعات فى علوم القران
تحسى ان فى دنيا جميلة غير اللى عايشين فيها
وبتحسى ان كلام ربنا اللى حتى حفظتيه وتخيلت انك فهمت معناه
لسه جواه من الجمال والاحكام والاسرار
كتير قوى

9
الدعاء انا شرحته قبل كده
ومش قادرة اقوله تانى:)

10
اوباما
انت عارفة السنة اللى فاتت فى نفس الميعاد تقريبا زار مصر
والناس كانت فرحانة قوى بيه
وعمل فيها اوباما الطيب المتدين

وبعدين زى العادة مايفرقش حاجة عن اى رئيس أمريكى
اخر حاجة لما وصف اللى حصل لاسطول الحرية انه عمل مأساوى
وان اسرائيل عندها مخاوف أمنية



كان هذا شرحا تفصيليا للبوست المكتوب بالشفرة


والله ياواندا لو ماجيتى قرأتى الكلام ده
انت حرة:)
ايوه تهديد:)

norahaty يقول...

السلام عليكم
ورحمة الله تعالى
وبركاااااااااته

norahaty يقول...

حلوة فــضفضتك
ياابلة العرابية
وحو كلامك وحلــوة
مدونتك وكل حاجة
فيكِ

norahaty يقول...

وما تؤاخذينى
عبد الستار يبقى
ابو سوزان:يعنى هو
اللى ربى وكبر على مبادئه!
ادت فى النهاية ل....
يعنى مش غريبة ولا عيب
عنده:زرع شوك وحصد مرار:(

norahaty يقول...

وتعليقا على التدوينة
السابقة(مكرونةبالبشاميل)
(أما البنى أدم
المحب للأذى لمجرد
الأذى فله امثال
واشباة كتير عندنا
فى الشغل(اجيبلك
اتنين بسعر واحد:)
بس معلش ايه علاقة
المكرونة بالموقف دا؟!
عايزة شرح باللحمة المفرومة:)
قصدى شرح بالتفصيل معلش اتلخبطت:)

norahaty يقول...

(والناس كانت فرحانة قوى بيه
وعمل فيها اوباما الطيب المتدين)
مش غلطة اوباما ولا خطئه
لكن غلطة من يظن أن امريكا
يحكمها فرد او شخص(زى حال بلاد نعرفها)وانها حتغير سياستها لمجىء شخص وذهاب أخر تؤ تؤ تؤ تؤ!

norahaty يقول...

اما البرادعى فأنا
مش متابعة الصراحة
لكن بأخذ الموجز من اختى
الكبيرة وهى على بقها كلمة
واحدة :الراجل ما نطقش كلمة
انا عايز اترشح للرئاسة!!

غير معرف يقول...

على فكره انا ضد البرادعى ومش عارفه المعارضه كعاه ليه

لسه مفتنعه انه كان سبب للى حصل فى العراق
كان اكرمله بستقبل ولا انه يبقى موجود والعراق تضيع

وغير كده هو ماينفعش دستوريا طيب داخل ليه مشاكل وبس ومنظر وبطل شغبي عيحل مشاكلنا وياكلنا لحمه

يلا مش عارقه بلدنا رايحه على فين
جيجي

حفيدة عرابى يقول...

الدكتورة العسولة
وعليكم السلام ورحمة الله وبركاته

نورت المدونة

حفيدة عرابى يقول...

ايه ده انت بتعاكسينى انا والمدونة
انا هقول لماما:)


انا خلاص مش هجيب سيرة عبدالستار تميم تانى
بس افعاله بشعة جدا
البنت وهى عايشة كانت فاهمة تمام انه باعها
لكن بعد القتل تعمل ايه الفلوس
اعوذ بالله



اوباما

اكيد لاننا عمرنا ماشفنا دولة المؤسسات دى
فننسى بسرعة لما بيكلمونا عنها


البرادعى

حكايته حكاية

لكن انا بقول لنفسى حتى لو هو مش موجود
المطالب المعروضة فى الجمعية
بسيطة جدا وانسانية جدا
واقل كمان من اللى بلدنا تستحقه
نعمل بلد مؤسسات احنا كمان
ولا مش اد المقام



المكرونة بالباشاميل
دى حبيبتى
وبشسبب اخوناا المؤذى كان الكنترول كله هيروح فى سين وجيم
ونيابة
يبقى اكيد فى عيش وحلاوة
وبما انى ماليش فيهم قوى
اقترحت انه لو حصل بعد الشر الموقف ده تانى
سيدات التدوين يزورونى بصوانى المكرونة بدل العيش والحلاوة
يعنى الواحد يبقى محبوس وماياكلش الحاجة اللى بيحبها كمان:)


ربنا مايحرمنى منك ولامن تعليقاتك
وطلتك الحلوة فى مدونتى

حفيدة عرابى يقول...

جيجى
ازيك ياجميل
موضوع العراق
مش هاكدب عليك انا جوايا شوية منه
بس هو محتاج دراسة شوية فمعلش نأجله

اما انه دستوريا لا يصلح للرئاسة
هو اهم مطالبه تغيير الدستور
وده طلب عادل
بدل الدستور الفاشل اللى مالوش اول من اخر


محدش هيأكلنا لحمه
لكن الرئيس اللى هييجى بانتخابات نزيهة
هيفهم انه هيتحاسب على اعماله
وهيوفر لينا بيئة عمل مناسبة
ويهتم بكل احوال البلد
وهيكون كل همه رضانا
لاننا السبب فى وجوده
ساعتها هنشتغل فعلا ونوصل للحمة ببساطة


انت متنرفزة ليه ياحبيبتى:)

well يقول...

ربنا رب قلوب


..

أم الخــلـود يقول...

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي كركر .. ويكتبون فوقها ..

(حملة الجـسد الواحـد)

رابط المدونة

http://krkr111.blogspot.com

جعله الله في ميزان حسانتكم .. آمين

حفيدة عرابى يقول...

باشمهندس وليد
ونعم بالله
تحياتى:)





أم الخلود
أهلا بحضرتك
انا اسفة بعتذر لحضرتك انى مش هقدر أشارك فى الحملة دى
جزاك الله خيرا على مجهودك
تحياتى لك