خطة

خطة محكمة.....ليست شريرة
أحتاجها بشدة
سأذهب غدا بابتسامة كبيرة
وتألق مقصود
منذ الصباح الباكر سوف أستعد بأحب ملابسى الى
سأتعمد أن أجهز لنفسى كل وسائل راحتها
سورة طه العزيزة على قلبى
دعاء الى الله أن يمكننى من نجاح خطتى
مياهى المثلجة
لاب توبى حبيبى
سأذهب مبكرا عن موعدى
حتى لا يضيع مع التأخير سحر ابتسامتى
فى خطتى اصرار أنها ابتسامة ساحرة
حتى تذعن هى وتصبح ساحرة
وسأعمل فى هدوء
وسينتهى العمل كما أريد
وفى موعده
لن أسمح لأى منهم
بتكدير صفو يومى
لن التفت لأى استفزاز
غدا
البداية الرسمية لخطتى الصغيرة
جعلونى أقضى يوما صعبا
بالرغم من انى لم أكن أحتمل ذلك
ولكن ذلك كان اليوم
أما غدا
فخطة محكمة....ليست شريرة
يجب أن أستمتع بعملى وبأيامى
أنا هو أنا
ولن أسمح لأى منهم
أن يجعلنى أعدد باستمرار
ماكنته أظنه خصالى الحسنة
التى تضمحل بسببهم
سيتعجبون
ويندهشون
ثم
أسجل أنا ايات اندهاشهم بمنتهى السعادة
وأفرح لنجاح خطتى
ستكون تلك عاداتى دوما
حتى تكون الحبكة
هى نسيانى للسبب الذى دفعنى لوضع خطتى المحكمة

21 التعليقات:



سمع هوص (Abo 3li) يقول...

يارب تنجحي في خطتك... مفيش احلي من انك تتجاهلي العابثين بحياتك... وهدؤك النفسي...

تحياتي.. وامنياتي..

Wanda يقول...

:-)
فكرتينى بجملة برددها د ستية
السعادة ارادة

احنا وراكى الى يقلب ابتسامتك لتكشيرة شورلنا بس و احنا نطخك :-)

بس عايزة تسحر مين؟ :-) الدنيا ؟؟

well يقول...

استاذتى العزيزة ..مستنى ان انتى تسجلى اندهاشاتهم علشان افرح فيهم .
وعاوز اقولك انتى بس اكتبيلى اسماؤهم ومالكيش دعوة بالباقى علشان انا تعبتلك ..بس ماتبلغيش عنى علشان انا قررت ارجع مافيا الثانوية العامة بتاعت زمان تانى لو عاوزة تنضمى مفيش مانع ادفعى بس رسوم الاشتراك
وعلى فكرة الشغل ياما بيبقى فيه وفيه
انتى بس اتوكلى على الله ..ابتسمى

..تحياتى ..

حفيدة عرابى يقول...

ابو على
شكرا لك
هى نجحت جدا النهارده على الاقل

تحياتى لحضرتك

حفيدة عرابى يقول...

واندتى
عارفاها الجملة وعاجبانى جدا
الله يخليك ياحبيبتى انا عارفة ان ورايا أسود
الابتسامة تسحر مين؟:)
مش عارفة:)
هما بيقولوا على الابتسامات الحلوة الصافية المشرقة ساحرة انا مالى:)
تصدقى مفكرتش فى الموضوع ده
ولا خطر على بالى ساحرة لمين
لنفسى حتى:)

حفيدة عرابى يقول...

باشمهندس وليد
ايه استاذتى والكلام الكبير ده
انا لسه صغيرة حرام عليك:)
شكرا جزيلا على تضامنك
بس انا عايزة افرحك بحاجة تانية غير الاسماء
وتسجيل اندهاشهم
انا الحمد لله نفذت اغلب الخطة
والاجمل
ان من كانوا سببا فى وضع الخطة
قد اعتذروا اليوم بمنتهى الرقى
أخجلونى جدا من نفسى
فكرنى الخطة الجاية نحط فيها بند
عدم الانغماس فى الحزن وعدم التسرع
و......
تحياتى لحضرتك

حفيدة عرابى يقول...

باشمهندس وليد
ايه رسوم اشتراك مافيا الثانوية
محدش عارف هيحصل ايه بعد كده:)

tarek momen يقول...

برافو

sony2000 يقول...

بجد صح كدا
ربنا معاكي

دندنة قيثارة الوجد يقول...

وفقك الله .. فالتخطيط هو البداية الصحيحة لأي عمل مخلص.

تامر علي يقول...

خطه لوووووز العنب :))))

بس ياريت تستمر لأننا أحياناً نضع الخطط ليوم أو اثنين ثم ننسى :)

تحياتي وأمنياتي بخطة مستمرة ان شاء الله :)

حفيدة عرابى يقول...

استاذ طارق
شكرا جزيلا على التشجيع
وعودا حميدا

حفيدة عرابى يقول...

سونى
شكرا ياجميل
وربنا معاك ويوفقك فى امتحاناتك

حفيدة عرابى يقول...

دندنة قيثارةالوجد
شكرا جزيلا على التشجيع ودعواتك الطيبة

حفيدة عرابى يقول...

استاذ تامر على
أهلا بحضرتك
والله انا اديت نفسى اسبوعين اختبار
لو نجحت فيهم فى أمل استمر
لانهم أصعب ايام السنة امتحانات وكنترول والاستفزاز على أصوله
حتى الان مر يومان
ربنا يستر
لكن اصرارى انى ارتاح نفسيا
عمل فرق كبير الاربعاء والخميس
دعواتكم
علشان مش كل شوية ادخل اشتكى وازهقكم

تحياتى لحضرتك

سبهللة يقول...

ربنا يوفقك
وتغنى لهم
والنبى لنكيد العزال ونقول اللى ماعمره اتقال
:-)

تايه في وسط البلد يقول...

ههههههههههه

والله هايل جدا

بالفعل كما قالت واندا

السعادة ارادة..وتحتاج الي قرار

طيب انا برضه هانتظر التدوين الجاي اللي هيكون علي نتايج الخطة

وان شاء الله خير

ولد تحت الصفر يقول...

ينفع حضرتك تخططيلي خطة رائعة زي دي ؟

:)

حفيدة عرابى يقول...

سبهللة
ههههه
لا مش لازم الاغنية دى
كفاية انى اتعلم ولو بالتدريج
عدم السماح للاخرين ان يفسدوا أيامى
تحياتى لك

حفيدة عرابى يقول...

تايه فى وسط البلد
أهلا بحضرتك
بس كده
هيكون تدوين قريب ان شاء الله عن نتائجها
يارب يكون خير

تحياتى لحضرتك

حفيدة عرابى يقول...

ولد تحت الصفر
مش لما حضرتك تتأكدمن نجاحها أولا:)
تحياتى لحضرتك