فضفضة

هل يجوز شرعا (تعليق) المواطن الأمريكى على أعمدة الانارة ؟

تعليقات القراء فى المواقع الاخبارية منتهى الاسفاف والطائفية

أحسب أن أى جريدة تحترم مصداقيتها لابد أن تنأى بنفسها عن نشر هذا العبث

لبنان وكل البلاد العربية هل أناقض نفسى اذا اعترفت بحبى

لم أعش فترة أمجاد ياعرب أمجاد

ولا العروبة فى كل دار وقفت معانا

ولكنهم سامحهم الله علمونى فى صغرى

ان الشرق لن يرفع الرأس اذاماتت لاقدر الله بلدى

ارجو الا تعتبروها كذلك

هل يكون عذرنا اننا فى الهم شرق

أصبحنا تسلية بدر

تخيلت بعد ظهور الرئيس أن دوره قد انتهى وأنه سيتوارى عن الانظار

يستفزنى كل من يتحدث عن البرادعى باعتباره مرشحا مدعوما من أمريكا

لماذا يكون قدرنا أن نتحدث دائما فى البديهيات

عذرا اعزائى ومن يدعم نظامنا؟

حالة سرقة أصابت عددا من زميلاتنا أصابتنا بكآبة شديدة

مستوى الحوار تدنى جدا بداية من ضرورة التفتيش لاشيائنا وحقائبنا الى الوصول الى عدم جدواه

مرورا بضرورة الحلف على المصحف

ثم مناقشة الاراء الفقهية الخاصة بعدم جواز الحلف الابالله

وصولا الى انهم قالوا للحرامى احلف .....الخ

لاتهامنا المباشر للعاملات واستنكار مجرد فكرة ان واحدة منا قد تكون ارتكبت هذا الفعل

انتابتنى وبعض من زميلاتى حالة من الصمت التام استغرب لها البعض

المقربون يعرفون ان صمتى معناه شدة معاناتى لدرجة انى لا أستطيع الانفعال

فى غمرة الذهول والحزن من الموقف وتداعياته

ضحكنا بمرارة شديدة عندما تحدثت المديرة بلهجة كلها غموض

انها أجرت اتصالا تليفونيا بشخصية مهمة ونافذة لن تخبرنا عن اسمها

هذه الشخصية أكدت ان مرتكب السرقة لا يمكن ان تكون طالبة

هى بالطبع مدرسة

انهالت التعليقات من عينة

الله اكبر

أمريكا بتصورنا يابشر

العادلى قال اللى يخاف مايتكلمش

المديرة كلمت سيدنا الخضر

ثم انقلب الحوار لعبارات المواساة وربنا على الظالم والمفترى

قلة تكلمت على استحياء عن ضرورة وجود خطة لمواجهة أزمة كتلك

زادت تلك الجملة من طعم المرارة فى حلقى

لن أرشح نفسى مستقبلا فى أى انتخابات

عيناى تنطق بضجرى الشديد من أى تربيطات

أعلم تماما أنى لا أصلح لها

هل القدرة على الاقناع موهبة فطرية حرمت منها

ام أن لدى بعض الأمل أن أتدرب عسى أن أصل الى مستوى جيد فيها

أدركت مؤخرا أنى فى مواقف مهمة لا أمتلك هذه القدرة

زميلة تحدثت فى موضوع ما بطلاقة شديدة

لدرجة انى فى لحظة ما كدت ان اتعاطف معها

قبل ان تصفعنى حقيقة انها تتحدث عن حالى ووضعى أنا وليس عملها هى

السادة فى هيئة الاعتماد والجودة

أقر انى اكتشفت بمنتهى الاسى أنهم يصدقون أنفسهم

أتحول بمرور الوقت الى شخص لا أرضاه

أرفض كثيرا من الاعمال كنت اعتبرها تدريب جيد لى

لمجرد احساسى بعدم وجود عدل عند توزيع العمل

عندما أعدت قراءة كلماتى

أحسست انها تنضح بالكآبة

لا تقلقوا على

لست مكتئبة

ولكنها أعراض فترة ماقبل الانتهاء من الدراسة

أتمنى ذلك

43 التعليقات:



غير معرف يقول...

يجوز تعليق الانسان على اعمدة الانارة ولكن لايجوز تعليق المواطن الامريكى .
الرئيس لم ينتهى دوره بعد .. حتى ولو توافه الله
القدرة على الاقناع موهبة ..ويمكن اكتسابها مع الايام
(أجرت اتصالا تليفونيا بشخصية مهمة ونافذة )بركاتك
احساسى بيقولى ان اللى اتسرق 30 جنية او 300 جنية ومدام فيها شخصية مهمة يبقى اللى اتسرق لاب توب
اصحاب المناصب العالية دائما ما يصدقون انفسهم حتى يريحوا ضميرهم
الكأبة ليست فى كتابة ما بداخلنا ..الكأبة فى نظرى هى عدم الضحك ..ورأس تنظر الى اسفل
دائما اميز الكئيب بأنه اكتافه نلة لتحت ..لان الضحك بينتج انزيم بريفع الاكتاف ..مش تخاريف
تحياتى لكى ولكلماتك يا صاحبة الاكتاف العالية

..well

ňįĝŗő يقول...

عاجباني الفكرة دي قوي
انك تفرغ كل محتويات دماغك من هموم و أفكار في الكتابة بدون ترتيب
بتريّح شوية .. مش كده ؟؟

أتمنى ان فترة نهاية العام الدراسي دي بهمومها بخنقتها بزنقتها بسلاطاتها ببابا غنوجها تعدّي بكل خير يا رب
:)

يلللا سلام

حفيدة عرابى يقول...

باشمهندس وليد
المتخفى وراء الغير معرف:)
المواطن الامريكى وقبله البريطانى والفرنساوى والرومانى والبطلمى والفارسى
واللى من دمنا بس مش مننا فرعون وليد الالهة
كل هؤلاء مواطنون ضد التعليق على اعمدة الانارة

ياريت تنصحنى اقنع الناس ازاى


اللى اتسرق حوالى الف ونصف من 8 مدرسات فى حجرة واحدة


شكرا جزيلا على المجاملة
بعد كده هخلى بالى من وضع اكتافى
تحياتى لك

حفيدة عرابى يقول...

نيجرو باشا

يسعدنى ويشرفنى ان ابلغ سيادتكم ان اسلوب الكتابة هذا مستوحى من بوست الكتابة على الوول المؤثر فى بشدة
احنا بنتعلم من سيادتك يافندم

شكرا جزيلا على الدعوات

الله يسلمك

سمع هوص (Abo 3li) يقول...

وانا كمان اتمني نها متكنش اعراض اكتئآب...

تحياتي

حفيدة عرابى يقول...

ابوعلى
شكرا على الامنية الطيبة

لكن انا ارتحت فعلا لما كتبت الكلمات الكئيبة دى:)
تحياتى لحضرتك

رجل تحت الصفر يقول...

ياعندليب
ماتخافش من غنوتك
قول شكوتك
واحك عن بلوتك
الغنوة
مش هتموتك
انما
كتم الغنا
هو اللى هيموتك


ده انتي بتطبقي الكلام بحذافيره ما شاء الله

بس انتي جمعتي الحاجات اللي مطلعة عين الواحد ... حاجات الواحد مش عارف يعبر عنها بكلام

أنا بعد ما قرأت الكلام بتاعك ده مش لاقي كلام أقوله

لو انتي مكاني تعملي ايه ؟


دعواتي

أليس في بلاد العجائب يقول...

ومين مش جواه افكار ألعن من كده

كلهم تقريبا مشتركين في "الظلم"

ربنا يهونها عليكي وعلينا وعلي الناس جميعا ويرضينا باللي قسمه لينا

لورنس العرب يقول...

أولا: المواطن الامريكي له حصانه خاصه في جميع دول العالم لأنه أمريكي، كان اخويا الكبير من 10 سنين في جمهورية التشيك وكان معه واحد من عرب اسرائيل معه الباسبور الاسرائيلي- قالي ان الباسبور بتاعه مكتوب عليه "ممنوع التعرض له" - يعني أي حد مايقدر انه يتعرض له بسبب انه حامل لجواز السفر الاسرائيلي مع انه لا دبلواسي ولا نيله ولكنه كان بيدرس في الجامعه عشان ياخد دكتوراه
قوة المواطن من قوة بلده

ثانيا: البرادعي فعلا مدعوم من امريكا، وأي واحد هاييجي هايكون مدعوم من امريكا، والظريف ان البرادعي الناس رافعين صوره ولكن هو نفسه بيقول انه مش هايرشح نفسه!

ثالثا: مفيش فايده في أي حاجه- الأمل في احفادنا ان شاء الله يعملوا حاجه

وخدي بالك انا قلت احفادنا مقلتش أولادنا

رحله البحث يقول...

مش اكتئاب؟؟؟؟!!!!
حلوه التجميعه والتفريغ بس مش دى اعراض اكتئاب
هوا عموما الاكتئاب بقى سمه عامه
عجبانى فكره الجمع بين اكتر من حاجه بنفكر فيها
وياريت تتبقى تقوليلنا من المسئول المهم دا
تحياتى

AHMED SAMIR يقول...

استغفري ربك
هتساوي المواطن الأمريكي بالمواطن المصري؟!!!!
حاشا و كلا

سبهللة يقول...

لاول مرة اتخنق وانا بقرالك وما اكملش القراية
والسبب
طريقة كتابة الخط والوانه
من خط صغير جدا يتعب العين
لخط كبير جدا يتعب العين برضه
كان نفسى أقرا كل اللى انتى كاتباه يا شوشو
وحشتنيى ووحشنى كلامك

خواطر شابة يقول...

تعرفي الطريقة التي كتبتي بها مريحة تخفف على النفس وقع ما تحس به هي فعلا فضفضة من القلب لذا وصلت الى القلب
سلمت عزيزتي من كل شر
دمت بكل ود

حفيدة عرابى يقول...

بسم الله
الاخوة والاخوات زوار المدونة الكرام
فى شكاوى كتير من الخط فى التدوينات
لما بكبر الفونت بيبان فى كمبيوترات صديقة كبير جدا جدا
ودى انا جربتها بنفسى
ولما بخليه عادى زى ماانا كنت متعودة فى القالب القديم
بيبقى صغير جدا جدا

رجاء تقولوا انتم شايفين ايه
ورجاء كمان تقترحوا الحل ايه
لانى مش عارفة
ولا اراكم الله مكروها فى تنسيق مدونة لديكم

حفيدة عرابى يقول...

رجل تحت الصفر
أهلا بحضرتك
لو انا مكانك مش هعمل حاجة
كتير جدا
مش بلاقى كلام أقوله
المهم وجود حضرتك حتى ولو بدون تعليق شرف لى
تحياتى لحضرتك

حفيدة عرابى يقول...

أليس
ازيك ياجميل


يعنى افكارى الاكتئابية عادية:)

دعواتك جميلة
اللهم امين

حفيدة عرابى يقول...

لورنس العرب
أهلا بحضرتك
حضرتك اختصرت الكلام فى الجملة دى
قوة المواطن من قوة بلده


بالنسبة للبرادعى
هى نقطة مدعوم من امريكا محتاجة نقاش وتوضيح
لانها احيانا تعطى معنى العمالة
واحيانا اخرى تعطى معنى التنسيق والتفاهم
لو البرادعى حريص ينسق ويتفاهم مع الامريكان

دى حاجة بتعملها قوى سياسية كتير
لو مكانش كلها

اما لو معناها العمالة
فدى مش ثابتة حتى الان
حتى لو البرادعى لم يرشح نفسه للرئاسة
انا اتعامل مع موضوعه ببساطة
انا موافقةعلى مبادىء محددة
مثل تغيير الدستور
وليس بضع مواد
وضمان انتخابات نزيهة
واستقلال قضاء
والغاء قانون طوارىء
ومبادىء اخرى غير مختلف عليها
دى مبادئه اللى انا موافقاه عليها

سواء كانت الرئاسة من نصيبه او غيره
مش مشكلة
انا رايى ان بلدنا تفتقر لسياسة المحاسبة
لوالرئيس وأى مسئول ادرك انه هيتعرض لمساءلة
وانه مش خالد فى منصبه
وانه بشر ولا يمتلك صلاحيات مقدسة
ساعتها مش هتفرق مين الرئيس

انا أملى فى جملة قالها سيدنا ابوبكر
هى دستور الحكم

ان احسنت فاعينونى وان أسأت فقومونى
اطيعونى مااطعت الله ورسوله فأن عصيت الله ورسوله فلا طاعةلى عليكم


فى أمل يافندم
انا مقتنعة جدا ان بريطانيا كمثال
لم تخرج من مصر بثورة يوليو
وانما بتجميع عناصر وعوامل ومجهودات كثيرة جدا
تمت طوال فترة الاحتلال
علشان كده لازم نعمل حاجة نساعد بيها فى تمهيد الطريق لاحفادنا المزعومين:)

تحياتى لحضرتك

حفيدة عرابى يقول...

رحلة البحث
أهلا بحضرتك فى اول زيارة
أتمنى تتكرر

عديها مش اكتئاب:)
ماتحرجنيش:)

أسلوب الكتابة والتجميع والتفريغ الغير مرتب مستوحى من الباشمهندس نيجرو

مبارك لنا عودتك للتدوين
تحياتى لحضرتك

حفيدة عرابى يقول...

استاذ أحمد سمير
أهلا بحضرتك
حاضر يافندم
استغفر الله ان اكون من الظالمين
وان أفرق بين عباده

تحياتى لحضرتك

حفيدة عرابى يقول...

سبهللوتى
اهلا بك
بصى هو موضوع الخط ده انا مش فاهمة
فيه حاجة
انا شايفاه كويس
قوليلى بالتفصيل كده
انت شايفاه ازاى واعمل فيه ايه

المهم انك كويسة ياجميل
وسلامة مدونتك الف سلامة

حفيدة عرابى يقول...

خواطر شابة
أهلا بك
شاكرة لك جدا كلامك الجميل
بالرغم من قلة التعليقات بينا
لكن فى قلبى شوية (نغبشة) من ناحيتك
نغبشة حلوة
دورى بسرعة على معنى نغبشة:)
وخصوصا لما افتكر انك من دولة شقيقة
انا سعيدة جدا بدخولى التدوين
وبالفرص التى رزقنى الله بها لاتعرف على شخصيات جميلة
زى حضرتك
تحياتى لك

خواطر شابة يقول...

نغبشة انا معرفتهاش وكمان سألت مصري ومعرفهاش فخليكي كريمة وقولي لي هيا ايه

حفيدة عرابى يقول...

خواطر شابة
هههههههههه
نغبشة يعنى قلبى بينغبش من ناحيتك
فصيحة انا
بصى باختصار علشان مش اتوهك
انا اقصد بيها انى بحبك
والحب بينغبش
يعنى بيتحرك وعامل حاجات كده مش عارفة اوصفها

فاتيما يقول...

مش أوكئتاب ؟؟
بذمكت يا فيدوووو ؟؟
دا أوكئتاب و نص على راى يسوفة

طب خليها ف سرى عشان رحلة البحث ميخدوش باله

و والله ما عارفة اقولك ايه
بس اسلوب السرد ف البوست خلانى أتخيل الموقف و هو يتدهور تباعا كدا بشكل ميوديش غير على سكة إكتئاب ..دا أقل واجب يعنى

الست صاحب المكالمة دى مش عارفة اقول فيها ايه ؟!!!

بس ربنا بيخلى النوع دا من المخلوقات عشان يعلمنا ازاى نعتز بروحنا و نقدر معنى كلمة كرامة ..مش العكس صدقينى


بالنوسبة لخطورة حخواطر شابة حبيبتى
عب المجيد الصحاح بيقول ان نغبشة ف القلب
يعنى زغزغة ف القلب

يعنى فجأة تلاقى قلبك زى العصفور اللى طالع من البيضة طازة ..بيرفرف و يصيح و هوه بيشوف الدنيا بعد ما كان قادع جوا البيضة محدش سامعله حس

اوعى اكون عقدتها مش شرحتها

م الىخ
ربنا يديم النغبشات دى
و انا معاكى يا فيدو لأن خواطر معرفتها يستحق كل النغبشات الحلوة اللى ف الدنيا

بوسات و حضونات
و ربنا يا حبيبتى يروقلك الاحوال

بدر شكله حاطط ع التعليم نترانزيت لمطرح تانى اكبر .. يجثم بيه على نفسنا و يطلع بيه الباقى من روحنا ..و اتمنى ربنا يخلف ظنونى

اما قصة لبنان فمبكية لدرجة انى مش عارفة اقول فيها أى حاجة خالص

تانى هقولك
ربنا يخفف المك و يذهب همك يا فيدوووووو
و بحبك قوى

لورنس العرب يقول...

مصر موقعها استراتيجي في العالم كله
مصر بجانب اسرائيل
ولا يوجد أي تهديد لليهد من أي مكان في العالم سوى عن طريق مصر
واليهود خائفون فقط من مصر
ومن غير المعقول ان يسيطر اليهود على أمريكا وتترك امريكا أعدى اعداء اليهود -وهي مصر- مش تحت اديها كما فعلت في عهد جمال عبد الناصر
وسواء كان البراعي او غيره- صدقيني لازم يسمع الكلام- كلام ماما الكبيره لأنها هي اللي عندها التكنولوجيا وبتصنع السلاح اللي بناخده منها صدقه ومعونه لأننا مش عارفين نعمل الهدوم اللي علينا
انا ارى مبارك ليس عميل لأمريكا
وان ترى مصلحتك ليس عيبا أبدا
لكن انا مشكلتي مع البلد ان الشوارع وسخه- ومفيش وظائف- ومفيش شغل ولا مرتبات- ولا فيه رقابه
وده مش غلط أمريكا حتى لو كان الرئيس عميل وينفذ كلامهم او انه شايف ان المشي في ظل امريكا في العصر الحالي هو المكسب

Wanda يقول...

عرابية شكلك بتعلقى على اخبار داخلية و خارجية
:-) اغلبهم معرفهومش

المهم فضفضى و روقى و ربنا يهون الامتحانات و تعدى على خير

و خلى بالك من نفسك

هبة النيـــــل يقول...

فضفضة قوية جدا ومتنوعة جدا يا فندم

لحد الآن مش مستوعبة عمل ايه المواطن دا عشان يوصل الغل لهذه الدرجة

السرقة انتشرت جدا عندنا كمان

ربنا يعافي عنك أي كآبة

وكويس انك مش مكتئبة الحمدلله

شكلي أنا اللي هكتئب

تامر علي يقول...

لايجوز تعليق من لايجوز تعليقهم في بلادهم ... أما من لاسعر لهم ولا وزن في عقر دارهم فلاعجب من سحلهم خارجها (هذا مع عدم تعاطفي الكامل مع مرتكب الجريمة الوحشية وإن كان مصري أو غيره فمثله يستحق الحرق)

الرئيس دوره معروف ويقوم به على أكمل وجه حتى الآن ...انظري إلى معدلات الفقر بالبلاد

السرقة دائماً صادمة عندما تكون في مجتمع مغلق لأنها تولد الشك في الجميع ... حيلة قديمة ...هانطفي النور واللي اخد الحاجه يرميها في الارض

الكآبة تصيب من لايفكرون .. أما أصحاب الافكار المتدفقة فليس لديهم هذا الترف:)

تحياتي

حفيدة عرابى يقول...

فاتيما عندنا
يامرحبا يامرحبا

مادام يسوفة قال اوكتئاب ونص
يبقى كلامه اوامر:)
أصل هما كذا حاجة مع بعض
السرقة الجماعية
ومنظر الجثةالمعلقة
وبدر وعمايله
والتوتر والضغط اللى احنا فيه
كل ده بيوصل لسكة اكتئاب
بس بسيط والله وعادى خالص
مش من الانواع الخطرة

خواطر شابة
انا وصفت احساسى ساعة ماشفت اسمها
مع انى ماعرفتش اوصلها التعريف الصحيح للنغبشة

بس هى عسولة جدا
خصوصا لما تسأل عن معانى الكلمات ويعنى ايه رنجة
وهل الفسيخ يطهى بعد التجفيف
كانت مالهاش حل الصراحة

ربنا يكرمك على دعواتك الجميلة
وكلامك العسول ده
اللى نور صفحة التعليقات عندى

حفيدة عرابى يقول...

لورنس العرب
اهلا بحضرتك
هو بصراحة انا فاهمة بعض الكلام
والبعض مش عارفة استوعبه
يعنى مبارك مش عميل لامريكا
طيب ايه تعريف العميل من وجهة نظر حضرتك
هو مبارك بيعمل ايه مفيد للبلد
هو بيسمع كلام امريكا ليه
غير انه ليه مصالح شخصية لا تمت لنا بصلة معاها

انا فهمت ان حضرتك تقصد ان امريكا مش غلطانة
كسياسة هى مش غلطانة فعلا
بس الفرق ان أى رئيس لامريكا بيعمل لمصلحة بلده حتى لو السياسة مش على مزاجنا
اما من يحكمونا
بيستغلوا بمنتهى البجاحة كل مقدراتنا لمصالحهم الشخصية
ده كده العمالة للشيطان يافندم
مش لامريكا
وبعدين هو مش جمال مبارك ده
عمل تسويق لنفسه تمام فى امريكا
لا انا مش هجيب سيرته علشان الاكتئاب مايرجعش تانى

تحياتى لحضرتك

حفيدة عرابى يقول...

واندتى
شكرا جزيلا على الدعوات
بس من هذا المكان ياريت توجهى النداءات لفاتيما ترجع الصباحات
وانت هتعرفى ياحبيبتى انا بتكلم عن ايه
ولا اقولك بلاش هم
المهم انت ربنا ييسر حالك وترجعى بالسلامة

حفيدة عرابى يقول...

هبة النيل
بعد الشر عليك من الاكتئاب
اصله معدى
موضوع المواطن ده محيرنى جدا
مش عارفة هل التعبير عن الغضب ممكن يوصل بالانسان انه يمثل بجثة
ولا احنا مش حاسين بالموضوع لان القتل ماحصلش عندنا
ام البنات وهى بتحكى
كنت مستغربة لو انا مكانها ايه ممكن يكون شعورى وحالى
حسيت انى ممكن جدا اتجنن واعمل اكتر مننا
بصى علشان مش اخليك مكتئبة بجد
ربنا يكرمنا بالصبر والثبات عند القضاء
ويلطف بينا وبعقولنا
ويثبتنا على دينه ومايرضاه
ويبعد عنا الشيطان وشره

حفيدة عرابى يقول...

استاذ تامر على
شكرا جزيلا على الرأى الشرعى والسياسى والقانونى والانسانى:)


انا تخيلت بسذاجة ان بدر بيشغلنا شوية
لغاية ماالريس يرجع تانى يفقرنا بنفسه

السرقة والكلام بعدها مهين وجارح
وفيه شكوك وذنوب كتير جدا ربنا يعافينا منها
والكلام الخاص بطفى النور اتقال اكتر منه
لدرجة ان البعض منا امتنع عن الذهاب للمسجد علشان اتقال ياريت الفلوس تترمى الفلوس فى اى مكان حتى المسجد

لا هى التفاصيل بتزعلنى جدا
دى اول مرة تحصل بالبشاعة دى عندنا
بتبقى دايما حالات فردية
والجانى بتكون طالبة
والموضوع عندنا حلول ليه
لكن يكون حد غير الطالبات
كانت جديدة ومهينة ومحبطة وحاجات كتير

انا خايفة اكون من الذين لا يفكرون:)

تحياتى لحضرتك

ňįĝŗő يقول...

شكلي كده جاي متأخر ....

إن لم أكن متأخر فعلا ....

ده أنا متأخر بجد ....

يا لهوي ....

إيه التأخير ده كله ؟؟!!

:)

حضرتك مش بس أخجلتيني
لأ
ده انت نفختيني لحد ما وصلت حد الطرقعة
يعني رد أنا أكيد أقل منه بمراااحل
و كمان صورة بلينك
طب أنا أعمل إيه دلوقت بقى ؟؟
أقولك
أنا هادعيلك ربنا يسعدك - أكتر مما أسعدتيني - سعادة أبدية بلا انتهاء


نقول سلام

يللللا سلام

حفيدة عرابى يقول...

نيجرو باشا
لا بعد الشر على حضرتك من الطرقعة
بجد والله وبدون مجاملة
البوست ده كان ليه تأثير كبير جدا
ده انا قلت لك انى حلمت بيه

وبعدين انا عندى بدون مجاملة برضه هاجس كده
انى بعرف مدونات كتير بتعجبنى جدا لدرجة انى غالبا عايشة معاها فى صمت بدون تعليق
منها مدونتك واللينك التانى
لتايه فى وسط البلد

وناس كتير جدا
هتلاقى ان شاء الله لينكات لهم تباعا

حظى الطيب عرفنى على مدوناتهم


فين الهاجس
حاضر هاقول اهوه
انى اقول للناس كلها عليهم
واعرفهم على بعضيهم
ومش عارفةاعمل كده ازاى
اللينك ده فكرة بفكر فيها من زمان
وانت فكرتنى بيها
ده على اساس يعنى ان مدونتى عالمية
بس ادينى بعمل اللى اقدر عليه

انا سعيدة انى اسعدتك
وشكرا جزيلا على دعواتك

غير معرف يقول...

حبيبه قلبى جواكى ده برئ بس الحقيقه حوالينا وفى عالمنا غير كده
الحقيقه اننا كده وان امريكا طبعا امريكا


وحشتيني وجيت اسلم ليكى لانك غاليه قوى وبتسالى عنى دايما ويعنى انا بحبك من شويه
بوسه ياقمر ليكى ولوالدتك
جيجي والعالم

حفيدة عرابى يقول...

جيجى
المهم انك بخير ياحبيبتى
حمدالله على السلامة
وماتطوليش الغيبة تانى:)

تايه في وسط البلد يقول...

ظريفة الفكرة والله..هاغشها منك بما ان احنا في موسم امتحانات!!!ه

لا ادري لم احسست ان كافة الموضوعات علي تباعدها الظاهري يربط بينها خط واحد ممتد وعتيد وهو التخلف الفكري الأصيل

ليس بشكل مباشر بالطبع فلا علاقة بينها وغياب القدرة علي الاقناع مثلا..ولكن تأخرنا يحكم علينا الغرق في المشاكل ثم السفاسف ثم ثم


عموما انت لست مكتئبة..وهذه الكلمات تقويكي

شكرا وتقبلي تحياتي

ولد تحت الصفر يقول...

أنا ببات هنا ساعات

:)


كلامك ده كثيير عليا

و بعدين أنا مش حضرتي ... أنا محمد

و حضرتك عاملة ايه ؟ .. يا رب حضرتك تكوني تمام

منتظر بوست حضرتك الجاي


:)

أنا من الأحرار

norahaty يقول...

حبيبتى مالك !!
أصابك ما أصابنى
فى فترة ما أنا :ما
حلمت وتصورت انى سأحققه
بالعمل والعمل فقط:غلط غلط
بل بالواسطة بالمعارف بالتربيطات
بالمهادنة حتى لو لزم الامر
حتى لا أنقلب من شاهــدة
الى متهمة!الحمد لله :(
مسئُولينا بيعرفوا
ينهوا احلام أى حد

حفيدة عرابى يقول...

تايه فى وسط البلد
أهلا بحضرتك
غش ايه يافندم ده احنا بنتعلم من حضرتك
عموما هى الفكرة مغشوشة فعلا من الباشمهندس نيجرو:)

التخلف الفكرى الاصيل
ده وصف مهذب جدا لواقعنا
المشكلة
ان السفاسف والمشاكل الصغيرة بتشغلنا شئنا أم أبينا


انا مش مكتئبة!
مش دايما بكون واثقة


تحياتى لحضرتك

حفيدة عرابى يقول...

ولد تحت الصفر
بيتك ومطرحك :)
ده يشرفنى حضرتك
وعلشان حضرتك محمد
بقولك حضرتك
لانها مش مرتبطة بسن ابدا
معظم الموجودين هنا انا اكبر منهم بسنوات
وعادى كلهم حضرات
تحياتى لحضرتك:)

حفيدة عرابى يقول...

الدكتورة العسولة
لا انا كويسة الحمد لله
والتربية والتعليم ماشاء الله عليهم
مش محتاجين واسطة وحاجات من دى
هما لوحدهم بيلاقوا حد بيشتغل بيهلكوه
وينتهى بسرعة
والمستهتر بيخافوا يكلفوه بعمل
يمكن يتعود لا سمح الله على الالتزام
وتبقى مشكلة

المهم
روق انت ياجميل
وابقى قوليلى روقتى ازاى:)