حبيبتى

أكتب وهى نائمة
فى ليلة من الليالى التى يستعر فيها جنونى
أخشى عليها شيئا لا أستطيع دفعه عنها
أحبها حبا لا أملك وصفه
صحتها لم تكن على مايرام فى معظم سنين حياتها
ولكن مازاد فى السنوات الاخيرة
هو رعبى الدائم
وبكائى المستمر
والليالى التى أقضيها أراقب قلبها
ذلك القلب الذى حمل عن طيب خاطر هموما ومسئوليات جسيمة على مر السنين
هموما يهرب من بعضها الرجال
وأبت شرايينه فى النهاية الا أن تعلن العصيان كل فترة
الكل يدعو الله أن يطيل فى عمر أمه
وأنا أتضرع اليه أن يرزقها صحة وعمرا طويلا فى طاعته
هى من نعمه الجليلة على
وأخشى بجهلى الا أوفيه الشكر عليها
يامن جعلتها سببا لوجودى
أحفظها لى ومتعنى بقربها ولا تحرمنى من أنفاسها
كم المتنا خطوب
ولجأنا اليك وأنت مولانا
وحفظتنا بفضلك وعدلك وكرمك
يارب
أتمم نعمتك على
تملكتنى معها أمانى كثيرة
تضحك منها هى حين أخبرها عنها
كنت أتمنى أن أصاحبها منذ وجودها فى الدنيا
اتابعها فى كل سنين حياتها
أراقبها على الدوام لعلى أشبع منها
أتعرف على أحبابها
وأبعد عنها شر من تعمدوا ايذائها
يارب
ان عاندت قوانين دنياى فى تحقيق أملى
فحسبى أن يرزقنى ربى جنة أنعم فيها بقربها بلا منغصات
ربى متعنى بقربها
وأبعد عنى شيطانى الذى ملأ قلبى رعبا عليها
ربى الهمنى حسن التوكل عليك
أنت ربى ولن تخذلنى
ولن تحرمنى
الم تعلمنا ربنا أنك سبحانك عند حسن ظن عبيدك
ربى شيطانى تملك من قلبى وأفسد على الكثير من أيامى
وأفقدنى الكثير من بهجة الحياة
ربى انى اتضرع اليك أن تنصرنى عليه
وليكن قلبى متوكلا عليك
متقلبا فى نعمك وراضيا بقضائك
عبادك كثير أما أنا فليس لى رب سواك
اللهم أرحم كل أم جرت عليها المقادير
وألهم أبنائها صبرا وسلوانا حتى اجتماع بلا افتراق
ياأرحم الراحمين

42 التعليقات:



اتمني الشهادة يقول...

بارك الله لك في والدتك فليس كل ما يدور في بالك غير حب وقلق وبر لولدتك بارك الله لها فيكي فنعم البنات انت واطال الله لكي في عمرها ومتعها بحنانك وحبك وجمعكما في عليين باذا الله

مهندس مصري يقول...

ربنا يطول في عمرها و يطمئنك عليها و يكرمكم انتوا الإتنين

حفيدة عرابى يقول...

اتمنى الشهادة
اسم جميل
وامنية أجمل
رزقنا الله جميعا بها
شكرا جزيلا على دعواتك
وعلى كلماتك الجميلة
أهلا بحضرتك فى أول زيارة
اتمنى تتكرر

حفيدة عرابى يقول...

مهندس مصرى
اللهم امين
جزاك الله خيرا ياباشمهندس
ربنا يكرمك ويفرحك دائما
ويطيل عمر والديك

قلم رصاص يقول...

أطال الله في عمرها
وزادك برا بها
وكل يوم وانتم في سعاده
ان شاء الله

أبو حميد يقول...

ربنا يباركلك فيها ويديها الصحة ويجعلها من الصالحين

حفيدة عرابى يقول...

قلم رصاص
اللهم امين
شكرا جزيلا يافندم

تحياتى لحضرتك

حفيدة عرابى يقول...

ابو حميد
جزاك الله خيرا
حضرتك شرفتنى

sony2000 يقول...

يارب وانا بكتب هنا دلوقتي
بدعي للمتك
يارب يخليهالك
ويشفيهالك يارب
اسالك بأسمك الاول الذي اذا سألت به اجبت واذا استنعت به اعنت
يارب يالله ياحافظ ياكريم
يحفظ والداتك ويشفيها ويخليهالك يارب
ويشفي جميع المسلمين ويخليهالك ويخلي للجميع والداتهم
لانهم هم سبب وجودنا واحساسانا بالحب والعطاء
اللهم امين
انا حطيت مدونتك عندي بعد اذنك
تقبلي مروري وتحياتي

غير معرف يقول...

تصدقى بالله انا جسمى اشعر ومارضتش اعيط عشان ماما قاعدة فى الاوضة بس هى لو قريته ممكن تحصل عندنا فيضانات











اهم حاجة بقى ياجماعة
ان اى حد ممكن وهو بيتكلم عن مامته ممكن يقول الكلام اطبيعى المعتاد انها قلبها كبير ومحوطة الكل وحنونة وكل الكلام ده بسبب ده لانه ابنها او بنتها

بس حفيدة عرابى ماكتبتش حاجة فى البوست ده على مامتها
وهى مش فيها اقصد ان كل الناس قالوا قبل ما حفيدة عرابى تقول
انها ست عظيمة بكل ما تحتويها الكلمة من معان

وعشان مامتى اختها
فانا يكون لى عظيم الشرف ان الست دى تكون خالتى
او بمعنى اصح ماما التانية
مع ان اللفظ ده مايقالتش لاى حد مهما كان
بس زوزة مش اى حد
ربنا يبارك لنا فى عمرها ويديمها علينا نعمة وجودها معانا واكرمها واكرم اولادها واحد واحد
وارزقها الصحة العافية وارزقها زيارة بيتك المحرم


ياااااااااااااارب

غير معرف يقول...

بصى اللى فى قلبي ليكى انتى عارفاه
بجد اثرت فيا
مش هقولك غير ربنا يخليهالك


وقلبي جواه كلام كتير مش قادر يقولهولك يااحلى حفيده
جيجي والعالم

حفيدة عرابى يقول...

sony 2000
أهلا بحضرتك
اللهم امين
شكرا جزيلا على الدعاء
وده شرف لى يافندم ان مدونتى تكون عندك
تحياتى لك

حفيدة عرابى يقول...

ست الضاكتورة
ازيك ياجميل ياغير معرف
مش هتكلم معاك عنها لانى عارفة هى ايه بالنسبةلك
انا عايزة بس اطمنك ياقمر انها كويسة
وامبارح لما كتبت البوست كانت معدتها تعبانة بس شوية
لكن انا كان الهسهس شغال معايا قوى
وانت عارفة بقى
حاسة بايه ياما ؟
طيب حاسة بحاجة؟
والنبض؟
والضغط؟
وال....
وال....

يعنى حاسة بايه ياماما؟
:)
انت فاهمة حالات الجنان لما تيجى
وصادفت انى كنت فاتحة النت طبيعى
فكتبت الكلمتين دول
ماتقلقيش ياحبيبتى
سلم لى عليكم كلكم
وخصوصا محمدينو

حفيدة عرابى يقول...

جيجى
ازيك ياحبيبتى
انا عارفة والله من غير ماتقولى
ربنا يديم حبنا فى الله
ربنا يخليك لى
وتدعى لها فى الحج دائما:)

كلام على بلاطة يقول...

تكسيرك للمثل والمبادىء والقيم الايجابية و المثالية/
يحولك فى النهاية وباليقين من جانى الى مجنى عليه/
فالمجرم الصغير ينتهى بين انياب مجرم كبير وتتوالى العملية/
لتصفية الحسابات وتسديد الديون لاصحابها مهما كانت مختفية/
وهذه حقيقة كونية ونتيجة منطقية معروفة للجميع وبديهيةو منتهية/
واصلاحنا لما تعوج من تصرفات يصب فى مصلحة الانسانية/
وبما اننا بشر الكل هيستفيد ويعيد البسمة والفرحة للحرية/
وكل منا ياخد مكانه بكل يسر وتنتظم من جديد الابجدية

حفيدة عرابى يقول...

كلام على بلاطة
أهلا بحضرتك
اعذرنى انا مش فاهمة تعليق حضرتك
ومش فاهمة ايه العلاقة بينه وبين كلامى
ولما دخلت مدونة حضرتك
لقيت تعليقك عندى بوست مستقل هناك
ياريت لو عند حضرتك توضيح
تتكرم على بيه

بدراوى يقول...

ربنا يكرمك و تقدرى تسعديها دايماً
و مبروووك التصميم الجديد

حفيدة عرابى يقول...

بدراوى
الله يكرمك
ويفرحك بأحبابك دائما

شكرا على المجاملة لكن القالب المشترك لسه بحبه وشايلاه يمكن ارجع له تانى:)
انا بكرر عرضى تانى
لو فى أى مساعدة انا مش هتأخر
كل الموضوع انى مش مستعدة حاليا للطرق التكنولوجية الحديثة:)

تحياتى لك

Wanda يقول...

كل سنة و هى و انت طيبة ياعرابية

حفيدة عرابى يقول...

واندتى
وانت ومامتك واحبابك طيبين وبخير وسعادة
وترجعى بالف سلامة
وتخليك سواحة هنا وبس:)

أليس في بلاد العجائب يقول...

:) ربنا يباركلها فيكي ويباركلك فيها يارب :)

ونعم الابنة :)

حفيدة عرابى يقول...

أليس
اللهم امين
الله يكرمك ويفرحك دائما
لكن انا مصرة انك واخدة عنى فكرة غلط:)

Tarkieb يقول...

ربنا يخليها ليكي اللي بلا ام حالته تغم

تايه في وسط البلد يقول...

امين امين يا رب العالمين

متعها الله بالصحة والعافية...وهمسة رقيقة في اذنك اذكرك بان الله لا يغدر بأحد مهما كان ظنك بأحد تصاريف قدره...اعلمي ان كل ..كل ما قدره علي البشر رحمة وخير لهم وهو احن عليهم من انفسهم واحن علي والدتك منك

فلا يوجد قدر خير وقدر سيئ..وكله من عند الله خير..يقينك بهذا سيمنعك من البكاء في الليالي فهي دوما في يد الرحمن الأمينة

كل سنة وهي في كامل الصحة واحسن حال باذن الله

حفيدة عرابى يقول...

tarkieb
أهلا بحضرتك
شكرا جزيلا على الدعاء

حفيدة عرابى يقول...

تايه فى وسط البلد

أهلا بحضرتك
كلامك أسعدنى جدا وذكرنى بأشياء غابت عنى فى غمرة خوفى

جزاك الله خيرا

أليس في بلاد العجائب يقول...

ان شاء الله مش غلط

بس انتي خدي بالك منها و طمنيها عليكي :)

ربنا يخليكم لبعض :)

حفيدة عرابى يقول...

أليس
خلاص مادمت مصرة ربنا معاك:)
لكن عجبتنى قوى وطمنيها عليك
حاضر هحاول ان شاء الله:)

norahaty يقول...

ربنا يخليها
ويديها الصحة
والعافية ويطمنك
عليها ويطمنها عليكِ
يــــــــــــــــــــارب

norahaty يقول...

يـارب
يـــــارب
يـــــــــارب
يــــــارب
يـــــارب

شفـقــة و إحســــان يقول...

الله عليكى وعلى جمال كلماتك
كل سنة وكا ام طيبة وبخير يارب

حفيدة عرابى يقول...

الدكتورة العسولة
جزاك الله خيرا على الدعاء
اللهم امين
تحياتى لك

حفيدة عرابى يقول...

شفقة واحسان
اهلا وسهلا
المدونة نورت
شكرا جزيلا على كلامك
ربنا يحفظ كل الامهات
ويرحم اموات المسلمين جميعا
تحياتى لك

هبة النيـــــل يقول...

اللهم آاااامين

ربنا يباركلك في عمرها وأعمار أمهاتنا جميعا

رزقنا الله برهن وأعاننا على أنفسنا

اللهم آمين

GiGi world يقول...

حبيبى انت فين

يارب تكونى فى خير ونعمه يارب


ربنا يعزك وييسرلك كل خير يااااااااااااااارب

لورنس العرب يقول...

انتي رحتي فين؟

norahaty يقول...

حضرة العرابية
الهووومامة أرجو
ان ينصلح حال كومبو
بقى علشان انتى وحشتينا
حاااااااااااااااااالص.

حفيدة عرابى يقول...

هبة النيل
اللهم امين
شكرا جزيلا على الدعاء

حفيدة عرابى يقول...

جيجى
ازيك ياجميل
انا الحمد لله تمام
كنت مشغولة شوية والكمبيوتر عطلان
شكرا على سؤالك ياحبيبتى

حفيدة عرابى يقول...

لورنس العرب
أهلا بحضرتك
انا هنا
هروح فين يعنى:)
بس اللواء وزير التعليم كان شاغلنا شوية
شكرا جزيلا لسؤال حضرتك

حفيدة عرابى يقول...

الدكتورة العسولة
أهلا بك
شكرا على سؤالك
انا خايفة بس
الانفعال فى مدونتك يكون ضايقك منى

norahaty يقول...

بالعكس حبيبتى
بالعكس عمرى ما
ازعل منك او ممن
ينفعل :الانفعال
يساوى شىء حى يتأثر:)