هذا الرجل أحبه (1)

فى البداية لى رجاء
الا تحملونى مالا أطيق

هذا الرجل أحبه

كلامى عنه لن يكون موضوعيا ولا تاريخيا

لأسباب كثيرة جدا

منها أنى غير مؤهلة للكتابة التاريخية

ومنها أنى أحبه وهل أكبر من الحب عذر

من أحلامى التى أرجو أن يحققها الله لى ولكم أن يرزقنا الله الجنة

ومن أحلامى فى الجنة بأذن الله أن يجمعنى الله بكل من أحبهم

ومنهم عرابى باشا

أريد أن أسمع منه ...أريد أن أرى تعبيرات وجهه عندما يتذكر استعلاء الخديوى عليه فى المقابلة الشهيرة

أريد ان أستمع الى جملتى الاثيرة لقد خلقنا الله أحرارا منه شخصيا

أريده ان يخبرنى ماذا تعلم فى الازهروفى كم عام حفظ القران الكريم

هل سعد عندما صدرت الاوامر بأن يكون هووغيره من أبناء العمد فى الجيش

كيف وصل الى رتبته فى مدة قصيرة

أريد ان أقول له

انفض غبار السنين عن ذاكرتك سيدى وأخبرنى ماذا فعل بك الشركسى

وهل أطمع أن تأخذنى فى زيارة لزملائك

وشريف باشا ياسيدى لماذا اختلف معكم

وماذا صنعت والدتك عندما علمت ان ولدها سيكتب اسمه فى التاريخ كأول مصرى يتولى نظارة الجهادية

أريده أن يحكى لى عن كفر الدوار وكيف أن رجاله هناك غلبوا الاسود فى شجاعتهم

وأذهلوا الانجليز بثباتهم خمسة أسابيع متصلة

ماهى الكلمات التى وجهتها ياسيدى لطلبة عصمت وجعلته يصمد فى كفر الدوار كل هذه المدة

لماذا صدقت ياسيدى ذلك الرجل الفرنسى ؟ هل لأنك صادق دوما تخيلت ان كل البشر يمتلكون صفاتك الحميدة

احك لى سيدى ماذا فعلت عندما فوجئت بالانجليز بالقرب من الاسماعيلية

أريد أن أحضر معه التل الكبير

لأواسيه ..لأخفف عنه عناء الابتلاء والخيانه التى عانى من شرها هناك

أريد ان أحدثه عن سبتمبر وتأثيره عليه وكلها أيام الله ولكن سبتمبر شهد مع عرابى الانتصار والانكسار والوفاة

هل كفرت بالسلطان سيدى عندما أعلن عصيانك ؟ كيف أقنعت بنى وطنك بعدها أنك لست مارقا ولست بأذن الله مطرودا من رحمته

سرنديب

كيف عاش ؟ كيف قضى أيامه ؟ كيف كان يداوى حبه وحنينه لمصر!!؟

البارودى كان شاعرا وسكب فى أبياته دموعا أبكتنا جميعا على الابطال حينما يفرض عليهم النفى والاغتراب

أما أنت ياسيدى

فكيف أعرف منك أنت وأنت فقط ماعانيته هناك

وعند عودتك ..هل حزنت مما قيل فيك ؟ هل بكيت؟

هل أحسست أن ثورتك ووقوفك فى وجه التخاذل والضعف ممثلا فى الخديوى توفيق كان عبثا

هل ندمت ياسيدى؟

أدعو الله سبحانه الا يكون الندم قد تمكن من قلبك

تذكرنى قصة عودتك والاخبار التى يحدثنى قلبى بكذبها عن طلبك العفو وملاينتك للخديوى والانجليز كى تحصل عليه

تذكرنى بمصرى مثلك أغترب عن بلده بالرغم من إراداته وسجلت كتب التاريخ دموعه فى قصة رائعة

هو سنوهى أو سنوحى

هل علمتهم الاسلام ياسيدى فى سرنديب؟ ولماذا شجر المانجو؟ الذى أخترت لتعود به الى مصر

سيدى ...

بالله عليك أخبرنى

صورتك عند نفيك

انها لا تشبه رجلا أربعينى أخبرتنى كتب التاريخ عنك انك ولدت فى العام 1841

سيدى

أى هموم تلك التى شيبتك قبل الاوان ؟أى خيانات تلك التى كسرت حماسك الذى رأيته فى وجهك فى سبتمبر من العام 1881

أى أحداث تلك التى أظهرت الهرم على ملامحك بهذا الشكل

احك لى سيدى

وأشف غليلى

هل حزنت عندما هاجمك الشاب مصطفى كامل ؟

من رأى دموعك

عندما قال فيك شوقى صغارا فى الذهاب وفى الاياب

تللك كانت بعض من أسئلتى

التى أرجو أن أسمع اجاباتها منه شخصيا

يتبع .........

56 التعليقات:



بدراوى يقول...

ممكن سؤال بايخ
هو حضرتك ليه بتكتبى البوستات
سطور سطور
ليه متقسميهاش فقرات زيى
عشان تبقى مريحة فى القراية
و متبقاش طويلة

حفيدة عرابى يقول...

ممكن رد مش بايخ
أنا زعلانة منك بجد
براحةعلى شوية
مش كده
انصحنى زى ماانت عايز بس مش بعنف كده
ده حتى فى المدرسة
منعونا نقول أى كلمة تأثر على نفسيةالطلاب وتحبطهم
ماشى ياعم بدراوى
براحتك

بدراوى يقول...

براحتى فى ايه
بالضبط
انا قولت بالراحة كلامى
عموماً مش عارف قصدك ايه
هزار يعنى و غلاسة عليا
و لا ايه
عموماً براحتك
الطريقة اللى تريحك فى الكتابة
!!!

حفيدة عرابى يقول...

لا هو مش هزار ولا غلاسة
كل الموضوع انى اتخضيت من كلامك
لانك ماعلقتش على أى كلمة فى الموضوع وعلقت بس على طريقة الكتابة
حبيت أغلف زعلى بشوية كلام تانى علشان مايطلعش كلامى يزعلك

بدراوى يقول...

اه انا مقرتش الموضوع عشان معنديش وقت
و بحاول اقراه بس بتعب
من الطريقة
اصل البوست طوووويل اوووووى
مش ممكن يعنى
عموماً متزعليش
المفروض اللى يزعل انا مش انتى
اظن ان انا حريص دايماً فى مدونتى على راحتكوه و بحاول انظم المواضيع بشكل مريح ليكو
حتى لما يبقى موضوع طوووويل شوية
بقسمه فقرات بأرقام لسهولة القراية
بس واضح انى عبيط فعلاً
عموماً براحتك
الطريقة اللى تعجبك فى الكتابة
اعمليها

حفيدة عرابى يقول...

استاذ بدراوى
شكرا
وحصل خير

بدراوى يقول...

العفو على ايه
على فكرة انا بحترم افكارك و كلامك و فرحتلك لما شوفت صور عرابى فى البوست اللى فات كويس
بس سألت السؤال لأنى بتعب من الطريقة ديه
سألت سؤال حضرتك زعلتى مش عارف ليه ؟!
كان ممكن توضحيلى و انا حفهم و حعذرك و حقرالك اى ان كان

هو مجرد سؤال ميزعلش يعنى
؟!!!

Wanda يقول...

حلو قوى يا عرابية
بس ما اتمنلكيش تسمعى الاجابة منه شخصيا دلوقتى

بس هى تكون احلى لو لونتى كلامك ليه و كلامك بصيغة المجهول بالوان مختلفة
بس طريقة السرد و الحوار مع النفس حلوة
مستنين البقية

بيطرية ومش بايدى يقول...

على كده بقى
انا التعليق التالت
رسمى فهمى نظمى وصبرى كمان

مش كده ولا ايه

بيطرية ومش بايدى يقول...

انتى عارفة حاجة ؟
انا الصراحة ماصبرتش اخش احجز مكان فى التعليقات انا لقيت العنوان وقريت اول سطور شدنى الموضوع قولت لازم اخلصه للاخر
انا كنت هاكتب كلمة واحدة وهامشى بس طبعا دى مش اصول الرغايين
كنت هاقول
لاتعليق
بجد بوست هايل ياتيمو
بتفركى زي بس انا مش مع عمو عرابى مع ناس تانية عادية يعنى مش مع فحول التاريخ

هادعى بصوت عالى واقول من قلبى
ياااااااااااااااااااااااااااااااااااااااااااااااااااااااااااااااااااااااااااااااااااااااااارب
تشوفيه فى الجنة وتسأليه كل الاسئلةدى وتنولى مرادك واكيد هو هيفتخر بيكى

بس بيتهيألى انتى مش هتبقى فاضية للكلام ده وهو كمان هيبقى نفسكم تقعدوا مع النبى عليه افضل الصلاة والسلام وتشبعوا منه يارب يجعلك من اهل الجنة

اه على فكرة نسيت اقولك انك كنت النهاردة شيك جدا والله
كنت عايزة اقولك بس كنت شايفة الظروف :))

والمفاجأة لسه سارية خلاص هانت
تحياتى وسلامى لك

norahaty يقول...

أهـ ياحفيدة
عرابى أخذتِنا
فى رحلتك تلك
الى أقــسى جزء
فى قصة حيـاة
الزعيم (فى رأيى)
حيث قسوة الأغتراب اولاً
والمصرى محب لبلده على
الدوام الأ فيما ندر وفيما
أجبر عليه من الغربة لظروف العيش
ثم قسوة المكان المختار للنفى:سرنديب!
لك الله ياعرابى فيما رايت وعايشت
وقاسيت من الأهوال والألام والخيانة
وننتظروووووك على شوق ياحفيدة
الزعيم لتكملىّ لنا القصة.

norahaty يقول...

ايوووووة
على فكرة
كل أجازة
نصف العام
وأنتِ طيبة .

حفيدة عرابى يقول...

استاذ بدراوى
حصل خير فعلا
كل الموضوع انى استنيت تعليقك التانى
اللى هتتكلم فيه عن الموضوع
وبعدين مع تتابع التعليقات
حسيت انى اتضايقت
فقررت أسيب الكمبيوتر خالص
علشان مش ازود الزعل
عموما حصل خير زى ماقلت لك
تحياتى لك

حفيدة عرابى يقول...

واندتى
حلوة قوى كلمة عرابية دى
عجبتنى بجد
احتمال تلاقينى المرة الجاية مسمية نفسى عرابية:)
شكرا جزيلا على النصيحة
بس ياأوختشى
خبراتى فى الكتابة والتنسيق ضئيلة جدا
كل فترة بكتشف حاجة جديدة وأفرح جدا
الاقى الناس بيقولولى
ايه ده؟
انت لسه عارفة دلوقت
أحبطونى يااختى
وش واحدةعاملة نفسها محبطة
وهى مش زعلانة

تحياتى لك
ربنا يرجعك بالسلامة

حفيدة عرابى يقول...

ست الضاكتورة
لا الا صبرى
أنا مقدرش اتكلم
قوانين الوراثة يااوختشى
وتلاقى عمنا مندل بيتقلب فى تربته دلوقت مالوش لازمة

هقولك على حاجات كده
اولا انا مجنونة
ويمكن فراغ:)
بجد نفسى اقابل شخصيات تاريخية كتير
ومفيش قدامى فرصة غير فى الجنة بأذن الله
واحبابى طبعا
حتى فى احداث بعينها نفسى اشوفها
نفسى اشوف مظاهرة عابدين التانية
نفسى اشوف شق البحر لسيدنا موسى
نفسى اشوفه لما ربنا سبحانه وتعالى كلمه عند جبل الطور
نفسى اشوف الرسول عليه الصلاة فى الحديبية تحت الشجرة
بعد مابايع المسلمين
وبايع بنفسه بيعة عثمان

أما التمتع برؤية وصحبة الرسول عليه الصلاة والسلام فى الجنة
انا هاعترف لك بحاجة
انا مش بحب اقول كده
بحس انى مكسوفة من نفسى
وانى مش استاهل انى اشوفه
حاسةانى بطلب طلب كبير قوى
وانا لا استحق ان يلبى لى



شفت الرغى على حق
مش قلت لك قوانين الوراثة
مع ان ماماتنا مش كده:)



شياكة؟!
الله يكرمك ده من ذوقك بس
عموما
دى أقل حاجةعندى:)
ظروفك امبارح كانت فظيعة
تدفعى كام
ومش احكى اللى حصل وأعرف البلوجر كله:)
سلام يا قمر

حفيدة عرابى يقول...

الدكتورة العسولة norahaty
حمدا لله على سلامتك
فعلا عندك حق
دى اكتر المواقف المؤلمة فى حياته
يمكن ده اللى حببنى فيه
اخلاصه
ولحظات السعادة والانتصار القليلة
وبعدين سنوات وسنوات من المعاناة
الحمد لله
اننا مؤمنين
وان جزاءه ان شاء الله فى الجنة
لانه لم يكن من المحظوظين فى الدنيا

حفيدة عرابى يقول...

الاجازة
الله يكرمك
فعلا هى حاجة تستحق التهئنة
انا بستغرب على كل مسئول كبير بيقول انه مش بياخد أجازة
شىء مش منطقى ومش انسانى
بس انا يااوختشى مقضياها فشل تمام
راحة سلبيةعلى حق
لقيتنى عندى حاجات كتير جدا
قلت لنفسى لا
لما أكون أنا الاول كام يوم كده مش هيحصل حاجة
ونرتب باقى مهامنا وربنا يعين

بس هارجع المدرسةيوم الثلاثاء

يارب يقوينا
تحياتى لك ياعسولة

norahaty يقول...

ليه بنت أخت
كانت بتشتغل
مدرسة أنجليزى
صاحب المدرسة مش
المدير واخده بالك
كان بيستعجب جداًًًًًًًااا
من الناس اللى عايزين
أجازة (ما هو أنا أهوة
ادامكم ما باخدش أجازات خالص!)
تردى عليه تقولى له ايه الاستاذ دهـ؟
بالضبط كده:كلهم كانوا بيسكتوا
ويستحملوه لحد ما يخلص الشحنة
العاطفية والخطابية بتاعته
ويتعطف ويتكرم عليهم ويعطى
لهم أسبوع واحد فقط ولا غير!!

حفيدة عرابى يقول...

ربنا يعينها ويقويها ويقوينا
انا برجع بعد الاجازة
انسانة
وبحس انى نسيت التعب وبحب المدرسة
ووحشونى صحابى والبنات وحتى التحضير
والشغل فى الفصل
وضاع كتير قوى من جوايا
تفاصيل اسباب المشاكل
لكن من غيرها أجارك الله


انا كتبت لك تعليق دلوقت
لو فاضية الله يخليك ردى على

norahaty يقول...

ممكن أبلة المدرسة
أقرأ واعلق لمّا
ارجع من الدورة
التدريبية يعنى
بأذن الله بعد
المغرب أو العشاء
لانى بأرجع مهدودة

حفيدة عرابى يقول...

لا براحتك يادكتورة
هو الموضوع مش مستعجل
ربنا يقويك

اللى موش عارف يتغير يقول...

عرابى باشا
الصقر الجرىء
للاسف فى المدرسة مدرسوش الفترة دى بالتفصيل بل باختصار شديد
وانا بموت فى التاريخ
فيه رموز مصرية اهملوها بشدة
تقبلى مرورى

norahaty يقول...

السلام عليكم ورحمة
الله تعالى وبركاته
(اطلقوا سراحنا بدرى
النهاردة لولولوىىىى)
طبعاً قرأت ما قولتى متطابقان!
جدااااااا لكن من رايى دعى
الملك للمالك يعنى سيبيهم
ولا كأنك عرفت حاجة !
ولو انى بصراحة
انصدمت لأنى
كنت مصدقة
كل كلمة.

norahaty يقول...

نسيت أقولك معلش
حلوة الفرسة اللى
فرستيها للموجهة
طنطنطنطن بقينا
أتـــنين شريرات

norahaty يقول...

وعلى فكرة كمان
انا بحب طريقة
التقطيع والاسطر
يعنى طريقتك لانى
وبصراحة بسرح لما
الكلام اللى ادامى
يطول معلش ياأستاذ
بدراوى وبعد أذنك
(استمرى فى طريقتك
I love it:)ياحضرة
الاستاذة.

حفيدة عرابى يقول...

اللى مش عارف يتغير
أهلا بحضرتك
مش حضرتك بس اللى مش عارف
ربنا يكرمنا كلنا ونتغير

الصقر الجرىء
متهيألى كان فى العربى مش التاريخ
بس ده مكانش أيامى:)
فعلا
فى اهمال كتير فى دراسة شخصيات تاريخية مهمة

حضرتك شرفتنى

حفيدة عرابى يقول...

الدكتورة العسولة
وعليكم السلام ورحمة الله وبركاته

حمدا لله على السلامة
كفارة:)

انا كمان من رأيك
لأسباب كتير
بس محتارة فى الايام الجاية
هل يكون التجاهل هو الاحسن

استاذ بدراوى
ممكن يكون كلامه صح
بس انا زعلت لانى توقعت انه هيبعت تعليق تانى على الكلام مادام علق على الاسلوب
وبعدين لما الوقت طال
مش عارفة أحدد بالظبط
بس انا حسيت انى اتضايقت

عموما حصل خير
وكويس ان الطريقة عجبتك
ادينى بتعلم وبجرب

حفيدة عرابى يقول...

انا كمان نسيت:)
هنيئا لنا
أصبحنا محور الشر:)
قليل من الشر غير مؤذى ياسيدتى
حفاظا على الصحة النفسية

MaNoOoSh يقول...

عجبني قوي كلامك عن عرابي
والحقيقة عرفت منه حاجات لم أكن أعرفها من قبل

norahaty يقول...

التجــاهل
هــو رأيى!

مهندس مصري يقول...

ممكن تعرفي إجاباته الشخصية لو قرأتي مذكراته اللي نشرها تقريباً بعد رجوعه من المنفى بحاجة بسيطة
أنا كنت قاريها في مكتبة جدي الله يرحمه من زمان
بس لما دورت على النت ملقتش نسخة كاملة منها
دوري انتي يمكن تلاقيها
بس كانت مذكرات حلوة بجد و بتكشف جزء مهم من تاريخنا

مهندس مصري يقول...

ملحوظة على جنب
===============
مش شايف بدراوي قال حاجة غلط
و ملاحظته كانت واضحة و صريحة و مهذبة و كان المتوقع إنك تجاوبيها بشرح سبب إستخدامك لطريقة السطور بدلاً من طريقة الفقرات
او تقولي انها مجرد تفضيل شخصي منك و انتي حرة طبعاً في مدونتك

فمش شايف اي عنف منه في التعليق يستدعى رد حضرتك الأول عليه
:)

العجوز والبحر يقول...

حفيدة عرابى
اختيار ممتاز ان تتحدثى عن هذا الزعيم المفترى عليه احمد عرابى كما
سماه د.محمود الخفيف فى 1948 ..فى وقت كان فيه التاريخ يستوحى امجاد الاسره العلويه ولم يتردد فى القاء اللوم على الخديوى توفيق ووصفه بانه مخلب القط فى يد اعداء الوطن بينما قسا الاستاذ الرافعى على زعماء هذه الثوره بل ان احمد لطفى السيد استاذ الجيل اشتد على عرابى بعد وفاته ونعى عليه"خروجه على خديوى هادىء من غير مصلحه عامه للامه
وجهله بالمقارنه بين قوته الحربيه وقوة انجلترا"..وفى اوائل 1881 تقدم احمد عرابى وعبد العال حلمى و
على فهمى (وقد سمى كل منهم بالمصرى)
بشكوى الى رياض باشاوبلا من فحص شكواهم قدموا الى مجلس عسكرى لمحاكمتهم ولنهم كانوا قد احتاطوا لهذا الاحتمال ومكثوا فى ثكنات قصر النيل وحيث عقد المجلس العسكرى برئاسة عثمان رفقى الشركسى فسارت كتائب الجيش واطلقت سراحهم وواصلت طريقها الى عابدين حيث طالبت بعزل عثمان رفقى وتم للجيش ما اراد وتولى وزارة الحربيه محمود سامى البارودى وصديق الضباط الفلاحين وابرزت هذه الحادثه زعامة احمد عرابى التى كانت قوته كامنه فى اخلاصه وجرأته وبلا غته الخطابيه وتدينه وتعبيره عن امال الامهعلى الرغم من من انه وزملائه لم يكونوا
من الثقافه واتساع الافق او من التجربه بحيث يحسنون معالجة امور السياسه العليا ،فانهم وجنودهم كانوا الوحيدين التى كانت غالبيتهم من صميم الشعب..ويشعرون بآلامه ويعبرون عن آماله .وضمن عرابى زعامته للجيش..
اشعر اننى اطلت اكثر من اللازم..
وااسف لها..

حفيدة عرابى يقول...

منووش
أهلا بك فى اول زيارة
شكرا جزيلا على كلامك
تحياتى لك

حفيدة عرابى يقول...

دكتورة norahaty
معاك حق

حفيدة عرابى يقول...

مهندس مصرى
أنا فعلا مالقتش نسخةكاملةمنها على النت
كل اللى لقيته فقرات
ادور تانى


انا حملت كتاب ودخلت الخيل الازهر
ولسه ماكملتوش
جزاك الله خيرا
فى منتهى الجمال بصراحة







جزاك الله خيرا كثيرا على نصيحتك
كل الموضوع
انى كنت فاتحة المدونة
وقرأت تعليقه
واستنيت أى تعليق تانى يتكلم فى الموضوع
فحسيت انه نقد وبس
واتضايقت
وبعدين حدةالكلام زادت من الجانبين بعد كده

عموما

أنا هاتصرف ان شاء الله

شكرا جزيلا ياباشمهندس

حفيدة عرابى يقول...

استاذ العجوز والبحر
أهلا وسهلا بحضرتك
شكرا جزيلا على المعلومات القيمة
ومفيش إطالة ولا حاجة
احنا بنستفيد من حضرتك

يمكن من أسباب حبى ليه
الظلم الذى تعرض له
حتى من شخصيات وطنية
حملته مسئولية الاحتلال
بالعكس
هذه الشخصيات ظروفها وقتها
خلتها تختار جانب الخديوى والسلطان

زى مصطفى كامل مثلا
مع ان المنصف يعرف
ان قرار احتلال بريطانيا لمصر قديم
وكان ركن ركينفى السياسة البريطانية


أنا هاتكلم دايما فى التاريخ
كده أضمن زيارةحضرتك :)

حفيدة عرابى يقول...

بدراوى

ياأول تعليق
أنا أسفة
خلاص مش زعلان؟
انا مش عارفةايه اللى حصل بصراحة
انا لقتنى اتضايقت اوى
انا مستنية رد منك يعرفنى انك خلاص مش زعلان

بدراوى يقول...

انا مش زعلان خالص
على فكرة
كفاية ان حضرتك جيتى لحد عندى و اعتذرتى
رغم انى مفيش اى شىء يدعو لده خالص

و بعدين هو مين اللى بيقرا مش احنا
يعنى احنا زباين المدونة

بس واضح ان الزبون ليس دائماً على حق
:-)

صباح الخير

حفيدة عرابى يقول...

أنت جيت يا بدراوى :)

طيب كويس أقوم أشوف ورايا ايه

لا والله المشكلة مش فى النصيحة عن طريقة الكتابة

انا بس كنت مستنياك تكمل تعليقك
حسيت انى اتضايقت
بجد مش عارفة أحدد ليه بالظبط

حصل خير


والشكر الجزيل لمهندس مصرى
لأنى من امبارح

عمالة أقول لنفسى انا غلطانة
لا انا مش غلطانة
كلامه
كنت محتاجة أسمعه

أخدت بالك
انى بكتب سطور وتقطيع برضه:)

لورنس العرب يقول...

عرابي ومصطفى كامل
رجال من التاريخ
بس مفيش حد بيتكلم عنهم
تقريبا أنا اول مرة اسمع حد بيتكلم عن أحمد عرابي لما شفتك هنا!!

حفيدة عرابى يقول...

لورنس العرب
أهلا بحضرتك
محدش بيتكلم عنهم
علشان مفيش فرصة حد يتعرف عليهم
المناهج بتكره الطلاب فيهم وفى نفسهم
لكن أنا كان عندى مدرسين ودكاترة فى الكلية
متهيألى لو كانوا موجودين أيام عرابى
كانوا راحوا معاه قصر عابدين
وكانوا عملوا توكيلات لسعد
لكن على النت
أنا شفت ناس كتير
عندهم معلومات تاريخية قيمة



أنا كنت لسه بقول لنفسى
هو حضرتك مقاطع مدونتى ليه ؟

تايه في وسط البلد يقول...

السلام عليكم

لمن هو في مثل حالتك - حالة سوية طبعا - فلا اجد نصيحة سوي ان تزيدي مصادرك عن الفترة الذي برز فيها نجم عرابي

وأيضا تزوري وتجلسي كثيرا في اماكن الأحداث الأصلية: ساحة عابدين الخ

ساعتئذ ستصلي لسعادة تستحقينها وسبقتك لها في جلوسي امام باب الوداع في القلعة بعدما حفظت تفاصيل واقعة مذبحة القلعة

وسأقترح عليكي اول مصدر وهو كتاب " نشأة الروح القومية المصرية" لمحمد صبري السوربوني والمنشور عام 2009 بمكتبة الأسرة لشرح العلاقة بين

عرابي- الخديوي
عرابي- شريف
فرنسا وانجلترا- شريف
الخ

وتحياتي

well يقول...

لو كان بإيدى كنت اخرجتلك فيلم (عرابى)
عرابى بطل بجد ...رجل والرجال قليل
المرء يحشر مع من احب ..يعنى ممكن تقابليه وتسأليه زى ما انتى عاوزة ..هو هيستغرب شوية ..اعذريه اصل هو ميعرفش ان زمنا قل فيه الابطال بنسبة -5% بس مسيره يعرف
انتى كتبتى يتبع ... فى الانتظار
تحياتى

حفيدة عرابى يقول...

تايه فى وسط البلد
وعليكم السلام ورحمة الله وبركاته
نصائح مهمة فعلا
أنا حاليا أبحث عن مذكراته
لأعرف رأيه الشخصى فيما مر به من أحداث
وفكرة قصر عابدين جميلة جدا

حفيدة عرابى يقول...

باشمهندس ويل
مبروك على الأمنيةالغالية التى تحققت
يارب دايما

وبعدين شد حيلك وورينى اخراج الفيلم

لا أنا واثقة ان الابطال موجوديين
القضاةأصحاب معركة الاستقلال أبطال
يحيى حسين عبد الهادى بطل
شوية كده هافتكر وارجع تانى:)

تامر علي يقول...

كل ده ومش مؤهلة للكتابة التاريخية ؟؟؟؟ أمال لو تأهلتي سيادتك هتكتبي إيه ؟؟ :)

والله كم المعلومات والحقائق اللي في البوست من الجمال لدرجة إني اشتقت لإعادة قراءة تاريخ هذا الرجل الذي أحبه أيضاً :)

تحياتي وتقديري

د/ أحمد لاشين يقول...

ربنا يكرمك فعلا منتظر من فترة
واخيرا بدأتي الكتابة
اتمني ان تستمري في هذه السلسلة
ومن منا لا يحب ويعشق جدو عرابي ابو الوطنية
ومن منا لا ينحاز له بكل جوارحه وعواطفه
وقد رأيت فيك مثالا لمن يستطيع الكتابة والتعبير
وبأي اسلوب منتظرون
فقرات كلمات سطور
اي وضع واي اسلوب
المهم نكتب ونقول ونغني ونعلم ونتعلم وننشر الكلام ده
في انتظار الجديد

مهندس مصري يقول...

الحمد لله إن الواحد أخد ثواب فيكم انتوا الإتنين لإنكم بجد ناس محترمين و بأعزكم

حفيدة عرابى يقول...

استاذ تامر على
شكرا جزيلا على تشجيعك
وعلى حبك لجدى
على اساس انى احتكرته يعنى:)
بس بجد انا فعلا غير مؤهلة لكتابات تاريخية
علشان فى ناس عشمانة فى وانا خايفة أخيب أملهم

حضرتك أنا سبت نفسى للتدريس سنين
بتحصل حاجات غريبة بعد كده
ان مفيش قراءة
المخ بتضمحل قدراته كل شوية
الامانى بينخفض سقفها جدا
وبتوصل لغاية انى منتهى أملى أخلص المنهج

ياريت تستحملونى اد 15 سنة كده
على ماعرف اركز

معلش الرغى من أعراض التدريس برضه :)
تحياتى لحضرتك

حفيدة عرابى يقول...

د/ أحمد لاشين
احنا بنفذ أوامر سيادتك يافندم:)
ربنا يستر
وأكون عند حسن ظن حضرتك

حفيدة عرابى يقول...

مهندس مصرى
حضرتك تستاهل كل خير

Wanda يقول...

:-))) انا مش حعلق على البوست ثانى
بس حازن (رجعت اشوف فين البقية اصل رد التعليق موصلنيش)
عايزين رقم (2)
بعدين لما ترجعى الدراسة مش حنقدر نمسكك :-)))

بس عندى ملحوظة على التعليقات
الاخ بدراوى
قالها بطريقة فيها ابتسامة و غيرة
عايز يقراء موضعك و اتشدله قوى
زيى و لانى حسيت انى فى فقرة توهت بين صيغة المتكام و صيغة المجهول
فطلبت تغيرها بالالوان
يعنى احنا الاثنين
منتظرين الباقية :-)) علشان كده بنطالب :-))

حتة انك زعلتى :-)) عادى انا لو مكانك و حاجة تعبت فيها و مستنية راى الناس حتلسع من الزبادى :-)) شكلها اول بوست كبير ليكى :-))

بدراوى باشا
اعذرنا فنحن النساء لا نحس بالكلمات دائما بالشكل الذى تقصدونه معشر الرجال

عرابية
كملى
براحتك
وواحدة واحدة
حترسى على احسن اسلوب يريحك و تحسى انه حيريحنا و انت مبسوطة ليه كده

خذتى بالك
كلام واندلى :-))))
من واحدة بتكتب بوستتها بكل سرعة و منغير ترتيب و راسها و الف سيف ماهى مراجعه عليه لاتمسحه من اساسه و سايبة باخطائه :-))))))))))))))))))))))))))))))))

يالله مطوليش زى صبرنى :-))

حفيدة عرابى يقول...

واندتى

ايه الحكم اللى هلت على المدونة دى:)
من أول هتروحى المدرسة ومش هنعرف نمسكك:)
واقعية جدا

حتى خلاصة الحكمة فى بدراوى باشا
اعذرنا فنحن النساء لانحس بالكلمات دائما بالشكل الذى تقصدونه أنتم معشر الرجال


تصدقى انا من ساعة ماصحيت وأنا عمالة أقلب الجملة فى دماغى
وأقول الله
ايه الجمال ده
وده بيحصل فعلا كتير

وبجد انا مش قادرة احدد بدقة انا اتضايقت ليه وقتها
انا على فكر ة الاحساس اللى كان جوايا وقتها
العكننة
عارفاه ده
وحش قوى
مع انى مكنتش مضايقة قبلها ابدا
بس انا شفت التعليق فى حاجات غريبة حصلت فى دماغى


ممكن نعتبر جملتك خلاصة الحكمة فى الحكاية دى




بالنسبة للتكملة
انا كتبت جزء تانى وتالت
بس انا عندى مشاكل
زوار المدونة مثقفين قوى يااوختشى
وبيعملوا حاجات غريبة كده وبيحبوا القراءة
وبيقترحوا على كتب مش عارفة اقرأ ايه ولا ايه
شوية أحس انهم بيشجعونى
وشوية أحس بالاحباط

لان كلامى من سنين مع طلبة فى تالتة اعدادى بالكتير
وايه انا خريجة كلية البنات وبتيه فخرا على زملائى خريجيين تربية
بالا ستاذة المحترمين اللى كان من حظى انهم يدرسولى
فانا بالنسبة لهم عندى معلومات كتير ومخمومين فى
المأساة الحقيقية هنا
باختصار خايفة


بوستاتك واسلوبك
بقى بصمة خلاص
دى واندا

متهيألى محدش يعرف يكتب زيك كده ياقمر
انا ساعات بتوه
بس زى ماانت قلت
بعد فترة
احنا مع بعض هنوصل للاسلوب المريح لينا ولزوارنا



ايه أخر أخبار البوتات والثلوج


وصبرنى كملت القصة بتاعها
اتبسطتى
اهم العيال سابوا بعض

Wanda يقول...

عرابية
:-)

عايزانى اقولك اضايقتى ليه
خليها بوست عندى قريب انشاء الله
بس احفطسكم ساعتها من الضحك عننا احنا الستات :-))

اكتبى
و انشرى
و تقبلى بصدر رحب
حد يقولك معلومة تضيف تصصح تعدل من الى قولتيه
قولى مصادرك اخر البوست
و المهم متخافيش قولى الى عندك
لو استنتى علشان متقوليش لحد يعرف احسن لا حتقولى و لا حتعرفى من يعرف اقل او احسن منك و اديييييييينا
كلنا بنتعلم من بعضنا :-))

البوتات قلعناها رجعنا للجزم الثقيلة لان الحرارة نزلت -7
و القصة و الله برئ يا بيه حتى اسالى صبرنى :-))

اما بوستاتى معلش :-)) هى كده :-)) ممكن لما تكبر تعقل :-))

حفيدة عرابى يقول...

واندتى
لا ياحبيبتى
بوستاتك عسولة
انا اقصد انها لها شخصية ونكهة مميزة
دى واندا
بقت ماركة مسجلة
فى الاول كنت مش بفهم قوى بتقصدى ايه
بس بعد شوية
جميل قوى ان حد يكون ليه شخصية كده
لو كتب تعليق مثلا بغير معرف
يتعرف على طول:)


حاضر
انا هنفذ نصيحتك فى اقرب فرصة ان شاء الله


ربنا يعينك على الغربة ودرجات الحرارة الغريبة دى