بدر وإنجلينا وهلال

اللواء أحمد زكى بدر
أقال مستشار الوزارة للشئون المالية
اللواء أصدر أمر الاقالة
وان المستشار يسلم أوراقه للوزارة
من غير ما يدخل مكتبه تانى
المستشار المالى أقيل
وقبله فى كام مستشار استقالوا
بالسلامة
مش مشكلة
لكن مضايقنى أوى
موضوع إقالة مستشار شغله خاص بالاموال
وخصوصا
انه اقيل زى ما قلت بطريقة مهينة
ماهو حاجة من الاتنين
الوزير داخل بقوته يفرض رجاله ويخلص من رجال الجمل
وده عيب مايصحش
لانه كده بيدينى كمواطنة خاضعة لأوامر سيادته
مثال سىء
أعلمه للطلبة بتوعى
أو
المستشار فى كلام مش كويس عن ذمته المالية
ساعتها
لازم تكون فى محاكمة
لكن نقتل الناس معنويا كده
مايصحش
احنا مرة فى الكنترول حصلت مشكلة كبيرة
وواحد من مجموعتنا
كان هو المسئول عنها
واتشال طبعا من الكنترول
بس كان فى كلام وقتها
ان مع أول امتحانات المجموعة كلها هتتغير
وهتيجى ناس تانية مكاننا
وقتها غدة الغباوة عندى
عملت شغل عالى جدا
وقلت لا
لقد خلقنا الله أحرارا
أنا أمشى من الكنترول بأوامر المديرة فى أى وقت وبدون سبب
لكن لما تكون فى حاجة تخص الذمة
أنا مطلعش فى التطهير
المديرة ملزمة
انها فى اجتماع جمعية عمومية
او بأى وسيلة تانية
تبرأ ذمتنا أمام زملائنا
الست كانت محترمة جدا بجد
ومعملتش فينا حاجة
بالعكس كنا زعلانين من الناس اللى بتتكلم من غير فهم
لقيت المديرة قالت كلمة
مش ممكن أنساها
قالت لى السيدة عائشة رضى الله عنها
اتهمت فى شرفها
وقالت
لا أقول الا كما قال يعقوب عليه السلام
فصبر جميل والله المستعان على ماتصفون
بس أنا حسيت وقتها بشعور العفاريت اللى بتتنطط
مستنية حد يلمح بكلمة بس
وانا أتغدى بيه
مش عارفة ياترى أطمع ان المستشار المالى
تصعب عليه نفسه
ويطلب يعرف سبب اقالته ايه
ولا أنا بحلم
اه كمان
انجلينا جولى وبراد بيت انفصلوا
واذ أنا زعلانه
على البت القمر انجلينا وهتتبهدل بالعيال اللى حبت تربط بيهم الواد براد
اذ باليوم السابع تقولى مكانوش متجوزين أصلا
ومستنيين يتجوزوا
لما الشواذ فى امريكا
يكون من حقهم الزواج
كمان
الباشا هانى هلال
وزير التعليم العالى
مصر يطبق ويحترم أحكام القضاء
فيما يخص المنتقبات الوحشين
اللى لسه مصرين يغطوا وشهم
بصرف النظر عن ان النقاب فضل ولا فرض
الباشا بيتكلم عن احترام أحكام القضاء فى مصر
اه والله
مصر
الشهيرة بأم الدنيا سابقا
وأم جمال
حاليا
لكن معلش
لما وزير يسمع خبر اقالته
بعد مااتطعم ياحبيبى
ومستشار يتمنع من دخول مكتبه
وحاجتك هتيجى لغاية عندك
وماتدخلش الوزارة تانى
ووزير بيستعبطنا
ويقولنا
أحكام القضاء
يفرق ايه ده كله
عن
تصرفات انجلينا وبراد
كلها
------------

26 التعليقات:



A.SAMIR يقول...

مستغربة ليه
هو ابن مين يعني؟؟؟؟
دة سيادة الدكتور اللواء الوزير وزير داخلية التعليم

بدراوى يقول...

هى ديه مصر
و لا تعليق

ازى حضرتك اخبارك ايه
ابقى إسألى علينا
---
مع تحياتى

حفيدة عرابى يقول...

دكتورأحمد سمير
أهلا بحضرتك
ماهو ده اللى مضايقنى
الراجل داخل طايح فى كل حاجة
وبغشم
ولا عنده فكر ولا رؤية ولا رسالة
ولا أى حاجة من اللى بيحفظوها لينا فى الجودة
وبنحفظها للعيال بعد كده
انما الحكاية بدايتها افترا كده
بايخة اوى
تحياتى لحضرتك

حفيدة عرابى يقول...

استاذ بدراوى
أهلا بحضرتك
عارف كلمة بدون تعليق دى
أنا مسحتها اكتر من مرة
لانه بجد
ماينفعش يتقال غير كده


عندك حق أنا مقصرة جدا
بس انا كنت بطمأن على اخبارك
من تعليقاتك
يارب تكون بخير

تحياتى لك

قلم رصاص يقول...

مولد وصاحبه غايب
الشعب في نومه دايب


ويستمر الحال على ماهو عليه
لحد مايبان النهار

واكيد الأيام دول

وهتتيغر الأوضاع
فدوام الحال من المحال

تقبلي مروري

well يقول...

حمدالله على السلامة يا استاذة ..
فصبر جميل والله المستعان ..
انا حسيت انك متعاطفة جدا مع المستشار ده ...بس يا ترى المستشار ده كان فيه الخير ...الله اعلم ..
مرة تانية حمدالله على السلامة
تحياتى

م/محمود فوزى يقول...

السلام عليكم
جزاكم الله خيرا على الكلام الجميل

طبعا تصرف الوزير مع المستشار غريب
لانه فعلا يااما تحقيق او اقاله بتكريم
انما بالاسلوب ده
بس هو متوقع من احمد زكي بدر الوزير لاننا شفنا منه تصرفات تخلينا نتوقع منه اى حاجه
زي اشتباكاته مع الطلبه وهو معاه حرس الجامعه
وبعدين بأه مسئول عن تعليم ابناء مصر
ولا حول ولا قوه الا بالله
اما هانى هلال فهو زي باقى الحكومه
الحكومه شايفه انها فوق القانون
بتنفذ احكام القضاء على حسب المزاج
ورغم ان النقاب انا مع الراى انه مش فرض
لكن فى الاساس هو حريه شخصيه
وبعدين لما البنات عملوا حل وسط ولبسوا كمامه كبيره شويه
يقوموا يمنعوا الكمامات
ده يبقى ايه ده
يعنى باه الكلام بتاع حمله انفلونزا الخنازير بيضحكوا بيه علينا
يعنى ازاى لما بنات تلبس كمامه يمنعوهم

اما اللى بتقولى عليها دي انجيلينا فانا بصراحه معرفهاش
ولا شفتها قبل كده
بس للاسف ده عادي عندهم وكلمت اجانب قابلتهم قبل كده عن افكار الجواز وكده
للاسف الموضوع ده عندهم فيه خلل
ربنا يصلح الاحوال
ربنا يكرمك ويسعدك

تامر علي يقول...

كانوش متجوزين أصلالالالالا ... ايه الحلاوة دي ؟؟:)
ناس ذوق الحقيقة متعرفيش حضرتك بينجدوا فين ؟:)

المهم ... السيد نجل اللواء طالع لابوه بيتعامل مع الناس من منطلق أمني شخصي بحت :)
والله زعلت على العيال اللي هايتشردوا دول :)

Tears يقول...

البلد كلها نظامها محتاجة اعادة نظر و تنظيم و دستور محترم

norahaty يقول...

انتِ على طول
زعلانة كدا ومزعلانى
معاكى؟مالك ببراد بيت
وانجلينا متجوزين ولا
مش وطحينة خلينا فى
حالنا:)

تايه في وسط البلد يقول...

بالنسبة للبوست الفائت:

الحل في السفر وتغيير الوجوه بالكامل " لا ان نحمل الوجوه معنا"

بالنسبة للحالي

كام مليون واحد بيشتغلوا وتابعين لاي وزارة في مصر هيتمطوحوا يمين لو الوزير قال نجرب يمين

وينحدفوا شمال لو اتغير واللي بعده قال شمال!!

لست وحدك

تحياتي ولدي كام صورة اعتقدهم نادرين لجدك اود ارسالهم اليك

حفيدة عرابى يقول...

قلم رصاص
أهلا بحضرتك
بمناسبة كلمة لحد مايبان النهار
أحب أقول لحضرتك
عدى النهار
والمغربية جاية
ولا أبطل اكتئاب وأقول لحضرتك
اذا الشعب يوما اراد الحياة لابد ان يستجيب القدر
(اذا اراد )

حفيدة عرابى يقول...

باشمهندس ويل
الله يسلمك
لا أنا مش متعاطفة مع المستشار ولا حاجة
انا عايزة لو برىء
أكون كسبت فيه ثواب لما أحرضه يصر على اظهار براءته
ولو ذمته مش تمام
يتحاكم ونخلص
لكن كده حرام
تحياتى لك

حفيدة عرابى يقول...

م/ محمود فوزى
أهلا بحضرتك
متفقة مع كلام حضرتك تماما
انا حسيت اننا بنشوف تصرفات معينة بس انها حرام
زى تصرفات انجيلينا وبراد
لكن احنا بنعمل اكتر من كده
ولفت نظرى كمان
انها وبراد انجبوا أولاد والاجمل اتبنوا أطفال من جنسيات مختلفة
طيب لما مش متجوزين
لزمتهم ايه العيال
دماغى وجعتنى حرام عليكم
طيب انتم عايزين تعملوا أسرة
وبتعملوا خير
ماتتجوزوا
ورقة الجواز دى تاعباكم فى ايه ؟
حاجة تغيظ بجد
انا حسيت فعلا بخطورة اننا نجاهر بمعاصينا
دى بجاحة بزيادة




تحياتى لحضرتك

حفيدة عرابى يقول...

استاذ تامر على
اه والله
كانوش متجوزين أصلا
واللى يغيظ
حكاية العيال دى
لازمتهم ايه من غير مايتجوزوا
العالم دى استهبلونا
وانا معترضة :)
انا كنت شايفاهم ثنائى رائع
ربنا يسامحهم

حفيدة عرابى يقول...

tears
أهلا وسهلا بحضرتك فى اول زيارة
كلامك صح
البلد دى محتاجة اعادة تنظيم ودستور جديد
تحياتى لحضرتك

حفيدة عرابى يقول...

الدكتورة العسولة
ازاى مالى ومال انجلينا وبراد
حقد يااوختشى
البت كانت قمر
كنت شايفاها رمز أنثوى جميل
لكن اتخم كده
هو انا حنفى ولا ايه ؟:)

ضحكت اوى لما قلت انت على طول زعلانة كده
تصورى
الموضوع ده وراثة عندنا
من أول جدتى الله يرحمها
كانت بيصعب عليها اى حاجة
وبياخدوا كل حاجة على اعصابهم
ربنا يستر :)
تحياتى لك
ا

حفيدة عرابى يقول...

مش تايه أبدا ولا حتى فى وسط البلد
شكرا جوزيلا على نصائحك الغالية
وعلى عرضك الاغلى
صور جدى أنا ؟!
يارب أكون أستاهل ابقى حفيدته
ياريت حضرتك تسعدنى برؤيتها
عموما
ممكن حضرتك تبعتها للميل ده لو تكرمت
amr demo 2000 @yahoo.com
أو

amr demo @hotmail.com
أنا عاجزة عن شكر حضرتك

سبايدرمان spiderman يقول...

هو بيمشي الناس بنفس الطريقه الى جيه بيه
الوزير الى قبله صح الصبح و راح شغله و اطعم كمان
و لما رجع قالوله انت مطرود
فشكله عجبه النظام
فبيطبقه بقي ^_^
ههههههههههه

حفيدة عرابى يقول...

سبايدر مان
أهلا بحضرتك فى أول زيارة
كماتدين تدان
يمكن هو كمان يمشى بنفس الطريقة
محدش عارف
تحياتى لحضرتك

فشكووول يقول...

ازيك يا حفيدة عرابى

انت عارفه انت احسن واحده فى الدنيا عشان انا عرفت خبر انفصال انجلينا جولى من مراب بيت .. ابن الفرطوسى ده اللى كان محتكر انجلينا جولى .. يا ريت كمان البت الحلوه كاترين زيتا جونز هى كمان اصل عمك فشكول منشن عليهم.

على فكره مستشار الوزير مش حيقدر يفتح بقه .. يا بنتى الموضوع مش 1000 ولا 10000 جنيه .. يا بنتى الموضوع فيه ملايين كتيره ودا كان مستشار الوزير للشئون الماليه .. وخلى الطابق مستور ويا دار ما دخلك شر وبارك الله فيما رزق .. انت فاكره الحكايه ايييييييه .. يا بنتى دى نهيبه واللى يقدر ينهب له شويه ينهب .. وخلاص يمشى من الوزاره من غير وجع دماغ وكفى الله المؤمنين القتال.

مين ام جال دى .. ومين جمال ده

رجل تحت الصفر يقول...

حفيدة عرابي


ازي حضرتك عاملة ايه ؟


جاي أباركلك أولاً و أحذرك ثانيا


مبروك لمنتخب مصر و الكرة مش هتكون فرقة بيننا و لا حاجة أهو كله لعب و كلام


مبروك كمان مرة



ثانياً أحذرك لأن عمو أحمد ابن زكي بدر مش بيتفاهم



مش بيتفاهم مع اللي معارضين خططه ، و التعليم ما باظش من شويه ، و علشان يتصلح لازم له سنييييييييييين كتيره

هو مش هيغير مناهج و لا طريقة و لا نيلة


المفروض يغير عقول

يبني جيل



و بعدين ايه يعني يشيل المستشار


ما الدكتور يسري الجمل اتشال بنفس الطريقة

د/ أحمد لاشين يقول...

لو كانوا فعلا احرار ما كانوش تعينوا من الاساس
سواء الوزير او الغفير او وكيل الوزارة والمستشار والحاجات دي
معظمهم بيتم اختيار صفات معينة فيهم قبل تعيينهم
موضوع انجلينا اعتقد دي ثقافة مجتمع
بس عندنا احنا الاسوأ
هو تخلفنا دي مش كارثة
هو حالنا المايل مش كارثة
هي الرشوة والفساد والبلاوي دي كلها مش مصائب اشد من سلوكيات الغرب
الموضوع عندهم عادي ومشاكلهم بسيطة

يعني لفت نظري الموضوعين في وقت واحد في البوست بتاع حضرتك ده
الاول مشهد من عندنا يدل علي الذل والفساد والظلم وما يحطم الامم والحضارات وينعكس علي المجموع
المشهد الثاني من الغرب يدل علي وجود امراض معينة لكنها تنعكس بشكل فردي علي اصحابه وليست كوارث للأمة بدليل انها لازالت حية ومتقدمة

وبالمناسبة المشهد الاول يحتوي علي بعض القبح
المشهد الثاني يحتوي علي بعض الجمال :):):)
طبعا اقصد الشكل وليس التصرف :):):)

حفيدة عرابى يقول...

عمنا الكبير فشكول
أهلا بحضرتك
شرفتنى
انا اسفة فى تأخير الرد على التعليقات
بس الامتحانات
حضرتك عارف
دعواتك
ذوق حضرتك حلو
كاترين وانجلينا:)
المستشار المالى
واضح ان رأى حضرتك صح
الراجل انا زعلانه علشانه
وهو ولا حس ولا خبر
ربنا ياخدهم كلهم
تحياتى لحضرتك

حفيدة عرابى يقول...

رجل تحت الصفر
أهلا بحضرتك
الله يبارك فيك
عقبال الكأس
بدر مش بيتفاهم فعلا
والجمل بالرغم من خطاياه
لكن انا متعاطفة معاه
لطريقة عزله المهينة
لكن بجد انا مش فاهمة موقفك من بدر
عقول ايه اللى هيغيرها

ياريت توضح لى
تحياتى لحضرتك

حفيدة عرابى يقول...

دكتور أحمد لاشين
أهلا بحضرتك
طيب أقول انا ايه دلوقت بعد تحليل حضرتك الوافى
فعلا انا كنت اقصد
ان الغرب عنده فساد واضح
لكن تأثيره على اصحابه وبس وعلى عدد محدود
وفساد الغرب الاخلاقى بيخلينا نثور عليهم
لكن للاسف عندنا احنا مظاهر فساد وظلم أشد
ومش بنديها حجمها من الثورة والاهتمام


جزاك الله خيرا
ونفع بك