عرفات

اتفق معه او اختلف كما شئت
ارفعه الى أعلى سماوات الوطنية والبطولة
او إنزل به الى دركات الجحيم
وألصق به صفات الخيانه والعمالة
من حقك أن تبدى اعجابك بذكاءه
أو تبدى احتقارك لسياساته
من حقك أن تهتف كلما تذكرته
بكلماته الاثيرة والشهيرة
ياجبل مايهزك ريح
ومن حقك أن تنسى كل أفعاله
ولا تتذكر له الا قبلاته السمجة لكل من يقابله
ولكنى كلما تذكرته
لا يخطر على بالى الاعدة مشاهد
أغلبها أخيرة
مشهده وهو فى الطائرة يودعنا جميعا
وكأنه على يقين أنها النهاية
جلست يومها أبكى بشدة
بكاء لم أبك مثله يوم وفاته
لا تفارق خيالى يده الملوحة لنا
وابتسامته التى يحتار فى وصفها البشر
عرفات
بماذا كنت تحس وقتها ؟
هل كنت فى وعيك ؟
أم أن السم أفقدك هذا الوعى ؟
أم هى البصيرة ..؟
والحقيقةالالهية التى تهبط على البشر
يوم يقال لهم فبصرك اليوم حديد
أيضا مشهد زهوة وهى تودعه فى المطار
أبكتنى بشدة دموعها
على أب
لم تره بقدر ما سمعت عنه
حرم الموت زهوة من أبيها كما حرمتها منه الدنيا والسياسة
مشهده فى الامم المتحدة وهو يتحث عن البندقية وغصن الزيتون
عرفات
أيا كان حالك معنا
ايا كانت سيرتك فينا
بصرف النظر عن أوسلو التى أكرهها كما لم أكره الاكامب ديفيد قبلها
بغض النظر عن كل ما قيل وما سيقال
لا أجد فى ذكرى رحيلك
الا
صورتك ملوحا لنا بشدة بتحية الوداع
ولا أجد الادموعى التى أذرفها كلما تذكرت هذا المشهد
أنا سامحتك
على كل ما خيل لى أنك ارتكبته فى حقنا
والله أعلم بحالك ونيتك
ودعائى الى الله سبحانه
أن يتغمدك وأمواتنا ونحن أجمعين برحمته

35 التعليقات:



مهندس مصري يقول...

الله يرحمه بقى مطرح ما راح
و ياريت يحاسبوا اللي قتلوه و بعدها قاعدين على عرش السلطة الواهية في رام الله و بيقمعوا شعب الضفة الغربية و بيتعاونوا مع المحتل ضد المقاومة في غزة و في الضفة

لقد خلقنا الله احرارا يقول...

مهندس مصرى
من ضمن الحاجات اللى كان نفسى أقولها
هو ابو مازن وعصابته دول
بنى ادمين كده زينا
ولا هما دول اللى بيقتلوا القتيل وياخدو منه السلطة
عارف لما بشوفهم بفتكر دايما دمه ودم الشهداء اللى اتظلموا من اهلهم قبل مايتظلموا من اسرائيل
كان عمر عبد الكافى بيقول اننا المفروض نحمد ربنا ان ذنوبنا ليست لها رائحة والا فضحنابين الناس
لكن ابو مازن وعصابته
الذنب باين فى الوجوه الكالحة
نعمل ايه بقى فى غضب ربنا
ربنا يعافينا ويسامحنا
شرفتنى

moma1415 يقول...

على فكرة شكله موضوع جامد اوى

وبما انى مهنجة وفاصلة شحن وعايزة اتحط على البوتجاز
هاجاىتانى واعلق
بس بحجز مكان

واللى اقدر اقوله حسبى الله ونعم الوكيل
فى عباس الدزمة اللى سايب الدنيا تضرب تقلب
وبيقول مش هيترشح للرئاسة
ربنا يهديه او يهده

ولنا عودة


اه على فكرة انتى وحشانى موووووووووووت

سلامى لزوزة

والسلام مسك الختام

الشجرة الأم يقول...

الذكرى قد تكون مرة وقد تكون حلوة .. ولكن تبقى مجرد ذكرى.

well يقول...

ابو عمار ..يمكننا ان نرفعه الى السماء لانه يعتبر كل الشعب الفلسطينى ولانه قد حاسرته قوات الاحتلال فى مقره الرئاسى وهو رئيس دولة ..ولانه قد مات واذكروا محاسن موتاكم
كلما تذكرت موت عرفات اسئل نفسى هذا السؤال ..هل كان مكتوب له ان يعيش طول العمر ولكن السم قتله ام ان الموت لا يجىء فى مستشفيات فرنسا ؟
للنظر للأمر مرة اخرى ..
موضوع ممتاز
تحياتى

بدراوى يقول...

بوست جميل
و انا ممن تأثروا برحيل عرفات
و من قبله فى نفس العام
الشيخ ياسين و عبد العزيز الرنتيسى
ربنا يرحمنا جميعاً
---
شكراً ليكى على الكلام الجميل
اللى فى تعليقك على اخر بوست عندى
و اللى هو كلام انا مستحقوش
شكراً بجد

رجل تحت الصفر يقول...

عرفات

لا تعليق


تحياتي ودعواتي

الزنارى يقول...

تحية الى ذلك الرائع ياسر عرفات
رحمة اللة و لعل خليفتة محمود عباس يتعلم منة و مما فعل .
نريد مقاومة فى فلسطين .
أحييك على الموضوع
أحمد الزنارى

واحد من العمال يقول...

رحمه الله
ولكننا يجب أن نتفهم الظروف الصعبه التى عاشها ويكفيه أنه مات أو قتل
لأنه لم يستطع التنازل عن الثوابت
ولأنه لن يستطيع التنازل صدر قرار التخلص منه
لكى يأتى من بعده من يستطيع التنازل
وعموماً ماحدث له نتيجه للضعف العربى العام

ودمتِ بخير حال

لورنس العرب يقول...

الراجل ده الوحيد اللي لما مات أرتاح من كتر اللي شافه خاصة قبل ما يموت
الله يرحمه بعد ما مات بدأ الكلاب ياكلوا في بعض

لقد خلقنا الله احرارا يقول...

ست الدكتورة المتخفية ورا صورة القطة الشقية
افهم من كده
ان سيادتك درست القطة فى الكلية
ربنا يوفقك
حلوة جدا حكاية عباس الدزمة
اقل وصف يليق بيه
شرفتينى يا دكتورة

لقد خلقنا الله احرارا يقول...

الشجرة الام
ذكرى مرة جدا
سايبة فى النفس اثارها
انا بقول لماما ذكرى عرفات كانت النهارده
لقيتها هتعيط وبتقولى فاكرة شكله وهو بيودعنا
ذكرى غير قابلة للنسيان
تحياتى لك

لقد خلقنا الله احرارا يقول...

باشمهندس ويل
تعليقك واسئلتك ممتازة كالعادة
فكرنى
احتفظ بكشكولك لانه مميز فعلا
انا بقاوم كل مرة
انشر تعليقك كبوست مستقل
عجبتنى جدا كلمة
ام ان الموت لا يأتى فى مستشفيات فرنسا
بسيطة وعميقة وبتدى معايا على معانى كتير
ربنا يوفقك ايها الباشمهندس الحكيم

لقد خلقنا الله احرارا يقول...

بدراوى
انا اللى مكسوفة منك والله
دايما جاية فى الاخر
بس المرة دى التهنئة متأخرة غصب عنى
انت تستحق اكتر من كده
بص على صفحة التعليقات عندك
تلاقى الحب باين من السطور
سواء فاتيما
او ابى او دكتور ياسر
او مهندس مصرى
ربنا يكرمك
ويكتب لك الخير
ويوفقك ويوفقنا لطاعته
وعقبال 100 سنة

لقد خلقنا الله احرارا يقول...

رجل تحت الصفر
اهلا بحضرتك
لا تعليق دى قلقتنى
بس هقولك على حاجة
الابتلاء نعمة من ربنا سبحانه وتعالى
للتطهر من الذنوب
وعرفات
من الشخصيات المثيرة للجدل
بس حصلت فى حياته ابتلاءات كتير
احنا مااتبهدلناش زيه
لو غلط فى اوسلو او غيرها
انا لو لى قيمة فانا سامحته
كفاية الحصار
كفاية بنته اللى انشغل بالقضية ونسى يتجوز
ولما ربنا اكرمه بيها
معرفش يتهنى بقربها
ربنا يرحمه ويرحمنا

لقد خلقنا الله احرارا يقول...

الزنارى
فعلا الف تحية لاى مقاوم
هو احنا ينفع نعيش
من غير انفاس المقاومين حوالينا
يدونا احساس
ان الحياة ليها معنى
وان الموت كمان ليه اكبر معنى
تحياتى لحضرتك

لقد خلقنا الله احرارا يقول...

واحد من العمال
اهلا بزيارة حضرتك
انا فاهمة الكلام ده
ومتعاطفة معاه جدا
الكلام كان واضح اوى
ان دوره انتهى وان المسرح كان بيجهز لمرحلة جديدة
التنازلات فيها
مهينة اكتر وبشعة
وهو مكانش هيوافق على كده
ربنا يرحمه ويرحمنا
تحياتى لحضرتك

لقد خلقنا الله احرارا يقول...

لورنس العرب
فعلا ده انطباع عام
ان الموت بالنسبة راحة
ربنا يرحمه
بس الكلاب كلوا فى بعض
لان ابو مازن
موجود اساسا علشان يعمل كده
تحياتى لحضرتك

أليس في بلاد العجائب يقول...

ان شاء الله تكوني بخير

لقد خلقنا الله احرارا يقول...

اليس
الحمد لله أنا بخير
مشغولة بس شوية
أنت عاملة إيه ياحبيبتى
يارب تكونى بخير

well يقول...

الف مبروك لمصر يا استاذة ..والحمد لله

لقد خلقنا الله احرارا يقول...

الله يبارك فيك يا باشمهندس ويل
الف حمد وشكر لك يارب
يارب عقبال كل مرة

م/ الحسيني لزومي يقول...

شاكر مؤازرتكم للمله الشعبيه للقيد بالجداول الانتخابيه

osama44 اسامه 44 يقول...

انا اسف يا مس اتاخرت عن معاد الحصه من تانى

مازلت احترامه ويكفيى اننا لم نر الانقسام بين الفصائل فى عهده

مبروك لمصر ومبروك لشعبنا الغلبان

سماح المرده عشان خاطر مصر

well يقول...

ادعى لمصر وقولى يا رب

تايه في وسط البلد يقول...

السلام عليكم كيفك وكيف حال التعليم في هذا البلد؟

عرفات بالطبع من الشخصيات المحيرة وكم من حوادث كانت افعاله غريبة لا تدري معها ماهية تفكيره)هيكل- المفاوضات السريةج3 عرض لهذا كثيرا

وان كان ثباته في الايام الاخيرة حسن صورته كثيرا خصوصا مع مجمل الخنوع العربي

تحياتي واحترامي

سبهللة يقول...

يكفى اننا عرفنا قيمة هذا المناضل الوطنى بعدما شفنا ابو مازن

لقد خلقنا الله احرارا يقول...

مهندس الحسينى لزومى
لا شكر على واجب يافندم
تحياتى لحضرتك

لقد خلقنا الله احرارا يقول...

اسامة
براحتك ياباشا
تنورنى فى أى وقت
مع انى يشرفنى وجودك دايما
تحيا مصر

لقد خلقنا الله احرارا يقول...

باشمهندس ويل
دعيت والله
ربنا دايما بيكتب لنا الخير
ماتزعلش
تتعوض ان شاء الله

لقد خلقنا الله احرارا يقول...

تايه
اللى مش تايه خالص
نورتنى وشرفتنى
وزودت احراجى منك
التعليم مش هجيب سيرته لان ماما قالت لى مااقولش كلام عيب
عرفات
فى حياته كنت مختلفة معاه بشدة
لكن سنواته الاخيرة كانت غريبة
وايامه الاخيرة
تعبتنى جدا
ربنا يرحمه ويرحمنا
ويغفر له ولنا زلاتنا
الحمد لله اننا مش سياسيين ولا مسئولين عن مصائر بشر
لانها فعلا حمل تقيل اوى

تحياتى لحضرتك

لقد خلقنا الله احرارا يقول...

سبهللة
اهلا بك
ابو مازن!!
متهيألى من حسن حظ عرفات ان خليفته ابو مازن

norahaty يقول...

ربنا يرحمنا جمعياً
امواتاً وأحياءاً
ويسامحنا إذا ما
حانت لحظة الحساب.

لقد خلقنا الله احرارا يقول...

norahaty
اللهم امين
شرفتينى

اقصوصه يقول...

الله يرحم موتى المسلمين