البقاء لله فى ابنك محمود يامصر

ابنك مات يامصر
محمود عوض يامصر
ساكتة !!
حزينة ؟
ولا مش فاهمه؟
بقولك محمود عوض000
ده حتى كان بيحبك
نسيتيه؟
كان نفسه يطمن عليك
كان نفسه يشوفك مصر من تانى
كان عايز ينور طريق لولادك
مات لوحده يامصر
لاام تحزن عليه
ولا ابن يشترى كفن
بقولك مات لوحده
بالصدفة عرفوا انه مات
ماحستيش انه وحشك
قلبك ماوجعكيش عليه
كده زى الامهات
ماقلتيش قلبى واكلنى على ابنى اسألوا عليه
هو انت اتعلمت القساوة امتى؟
بس هو كان حنين
فاكرك دايما
اسمك دايما على لسانه
هو كان بار
وانت اللى شلت ذنبه يامصر
اكتر حاجة حسيت انها بتعبر عن اللى جوايا
قصيدة احمد فؤاد نجم
جيفارا مات
ما رأيكم دام عزكم
يا انتيكات
يا غرقانين
فِ المأكولات و الملبوسات
يا دفيانين
و مولعين الدفايات
يا محفلطين
يا ملمّعين يا جيمسنات
يا بتوع نضال آخر زمن
ف العوامات
ما رأيكم دام عزّكم
جيفارا مات
لا طنطنة
و لا شنشنة
و لا إعلامات و استعلامات
عيني عليه ساعة القضا
من غير رفاقه تودّعه
يطلع أنينه للفضا
يزعق و لا مين يسمعه
يمكن صرخ من الألم
من لسعة النار فِ الحشا
يمكن ضحك
أو ابتسم
أو ارتعش
أو انتشى
يمكن لفظ آخر نفس كلمة وداع
لَجل الجياع
يمكن وصية للي حاضنين القضية
بالصراع
صور كتير ملو الخيال
و ألف مليون إحتمال
لكن أكيد و لا جدال
جيفارا مات موتة رجال

36 التعليقات:



سهيل ولى الدين علام يقول...

سيدتى لقد خلقنا الله احرارا
مات عندليب الصحافه.. مات فعلا من غير رفاقه..مات محسورا..مهزوما ..وهو الذى منعت مقالاته من اخبار اليوم..
ولم يتولى منصب قيادى ..ولكنه مات واقفا وتموت الاشجار واقفه..

GiGi world يقول...

يارب ارحمه احسبه على خير وان ربنا اختاره فى هذا الشهر الكريم وفى ايام الرحمه
بسبجد وبعدين يامصر
كل ولادك بيروحوا ومش بيفضل غير اللى
ربنا يرحمنا
شكرا ياعزيزتى على البوست الروعه وعلى الكلمات المؤثره

تامر علي يقول...

محمود عوض ليس لاعب كرة أو ممثل هابط أو رقاص رقيع حتى تتذكره مصر .... حيث ينطق الحثالة والرويبضة ويتكلمون في أمر العامة ويحتفل بهم في المحافل ويأبنون حين مماتهم.

أما جيفارا فهو لايمثل قيمة حقيقية فسيرته توضح أنه كان انتهازياً جباناً ولا يصلح كمثل أعلى ولكنه مناسب لأحمد فؤاد نجم اليساري (مع اعترافي وتقديري لموهبته كشاعر عامي )

وحتى اشعار آخر يبقى الوضع على ما هو عليه

تحياتي وتقديري :)

لقد خلقنا الله احرارا يقول...

استاذ سهيل ولى الدين

هو فعلا مات زى الاشجار
بس الله اعلم
كان حاسس بايه
كان مخنوق اد ايه
انا مش قادرة اتخيل ان البنى ادم الجميل ده
اللى كنت بستمتع جدا بكتاباته مع انى مش متابعاه من فترة
مايكونش فى حد بيسأل عليه
مايكونش بلاش اقارب وبلاش جيران وبلاش بواب
مافيش صحفيين بيزوروه
بيرنوا عليه حتى علشان يوفروا الرصيد
محدش فكر يتعلم منه
يستفيد من خبرته
محدش فكر يقعد معاه يسمع منه وحتى يقلده
5 أيام البنى ادم يموت ومحدش يعرف
ايه اللى احنا فيه ده
ومستغربين من حالنا؟


انا حزينة جدا عليه
وعلينا
لانى أثرت فى جدا مقالاته اللى كنت قرأتها فى مجلة الشباب زمان ايام عبد الوهاب مطاوع الله يرحمه
ربنا يرحمهم جميعا
ويرحمنا

لقد خلقنا الله احرارا يقول...

جيجى حبيبتى
نورتينى
وفرحت لما شفت اسمك
شكرا على مجاملتك واحساسك الرقيق
ربنا يرحمه ويتجاوز عن سيئاته ويزيد فى احسانه

اللهم امين

لقد خلقنا الله احرارا يقول...

استاذ تامر على
شرفتنى يافندم


تعليق حضرتك بوظ دماغى
اه والله بوظها اكتر ماهى
حضرتك عندك وقت؟
طيب
بسم الله
اولا كلام حضرتك عن اسباب عدم الاهتمام بمحمود عوض
انا موافقه عليه تماما

نيجى لثانيا

اللى هى العقدة والمشكلة

انا مكنتش اقصد اشبه محمود عوض بجيفارا

الاختلاف من اغلب النواحى تقريبا واضح بين الاتنين
مع انى فى قرارة نفسى بحترم الاتنين
يمكن ده عامل مشترك بينهم بالنسبة لى

اناكنت اقصد التشابه بين قدر الوفاة وحيدا اللى عبر عنه نجم



بس الكلمة اللى هزتنى جدا

لما حضرتك قلت انه كان انتهازى جبان
عملت بحث سريع على جوجل
لقيت المواقع حاجة من اتنين فى الاغلب
يااما زى ويكيبيديا
بتسرد حياته
ومالقتش فيها سيرة اى انهزامية ولاجبن
بالعكس لقيت شجاعة
لقيته دخل كوبا مع كاسترو فى مركب
فيه 82 واحد
مفضلش منهم غير 10
لقيته ساب كل المناصب والالقاب اللى خلعها عليه كاسترو
وهام على وجهه
زى مابيقولوا يشجع الشعوب على الثورة والحرية



او مواقع اسلامية

اخدت من سيرته قصة الالحاد
وركزت عليها وحذرت الشباب المراهقين اللى الحمد لله انا عديت مرحلتهم دى من زمان من الافتتان بيه
على اساس عقيدة الولاء والبراء
واننا عندنا نماذج لمجاهدين ينفعوا قدوة
افضل منه الاف المرات

كلام جميل جداومفهوم ومحترم تماما
مع انى لى رأى متواضع فيه
بس هيطول اوى


انما انتهازية وجبن

حاسة انها كتيرعليه


بجملة الرغى بتاعى
فى اراء بتقول ان مش كل يسارى00 ملحد
وان جيفارا نفسه ماكانش ملحد
لكن الاستعمار زى مافهمنا ان عرابى فاشل وهو سبب الاحتلال
وان هتلر وبن لادن وحشين ومش مؤدبين رغم اختلافى الكبير جدا معاهم
هو هو الاستعمار
اللى دايما بيحب يلبس الطاقية ويمسك السبحة ويدعونا للتخلى عن مساندة اعداء الدين
من اليساريين والشيعة و000الخ

مش عارفة انا بعد الرغى ده قدرت اوضح وجهة نظرى ولا لا


يارب يارب
استاذ تامر على يرجع تانى
ويقرأ التعليق ويرد عليه


اسفة على ازعاج حضرتك

د/ أحمد لاشين يقول...

رحل كما يرحل العظماء في زمن ال.....

ربنا يرحمه
كانت كتاباته ومداخلاته مع مني الشاذلي حاجات جميلة
ربنا يحمه بحق الشهر الذي مات فيه

مصعب صلاح يقول...

السلام عليكم
هذه هي مصر تترك كتابها يموتون
رحمه الله
برحمة واسعة

د. ياسر عمر عبد الفتاح يقول...

ربنا يرحمه ..
مات وحيد وعاش مهموم ببلده

tarek momen يقول...

رحم الله الأستاذ
وستبقي كلماته من بعده
مثل كلمات العظماء
وهذا افضل كثيرا من غيره من السادة اشباه الكتاب الذي يتحلق حولهم المئات تمسحا بمراكزهم و اذا ماتوا يسير في جنازتهم العشرات نفاقا لمن يتولي السلطة بعدهم و لاتبقي لهم اي كلمات او حتي سيرة طيبة
رحم الله الفقيد

tarek momen يقول...

بالمناسبة انا بحب جيفارا

اسامه 44 يقول...

هكذاالشرفاء يموتون دون ضجيج ولاصخب
نسال الله العظيم انيرحمه رحمة واسعه

اسامه 44 يقول...

هكذاالشرفاء يموتون دون ضجيج ولاصخب
نسال الله العظيم انيرحمه رحمة واسعه

تامر علي يقول...

طبعاً أنا هنا لايعنيني كونه ملحد أو لاء لأننا هنا مش بصدد تقييم معتقدات :)))
وكمان بما أن الموقف تقييمات دنيوية فلازم نحكم عليها بالمعايير الدنيوية وطبعاً أنا ضد الحكم على الأشخاص من منطلق عقيدتي الخاصة طالما نتحدث عن أمور وجوانب حياتية أخرى.

أما ما دعاني للحكم على جيفارا بأنه انتهازي ولايعتبر مناضل فيرجع الى نقطتين :

أولاً : قراءاتي عنه من كتاب محترمين (لأن مصدر المعلومات يجب أن يكون محترم وموضوعي حتى يقبل ووسائل الإعلام العالمية العامة ليست مصدر موثوق به ولا موضوعي للحصول على المعلومات ) وأنا أتذكر أني قرأت مقالات قديمة عنه للأستاذ فهمي هويدي على ما أذكر أفاد فيها بأن جيفارا لم يكن يمثل سوى انتهازية الرغبة للوصول للحكم عن طريق الثورة حتى أنهم حين القبض عليه فزع منهم جداً وقال : أنا جيفارا لاتقتلونني فأنا أفيد لكم حياً مني ميتاً:))

وهو ما يعكس حكمي عليه بالجبن كذلك

طبعاً كلامي هذا يحتاج لتوثيق أكثر حتى تكون له المصداقية المطلوبة لذلك سوف أعود لمصادري وأنقلها بدقة أكثر

وفي النهاية حتى لو اختلفنا في تقييم شخص ما مهما كان ما يستاهلش تبويظ دماغك أبداً :)))
تحياتي وتقديري :))

لقد خلقنا الله احرارا يقول...

دكتور أحمد لاشين
اللهم امين
هوفعلا الله يرحمه
كان من اصحاب العقول
والاسلوب الرائع
لكن دايما العظيم بيعيش فى غير زمانه
انا كل ما احس ان فى بنى ادم عادى جدا حتى توفى من غير ما يلاقى اى ثمرة لجهوده
اقول الحمد لله
اننا مسلمين
وان فى اخرة
فيها الجزاء
ولا عزاءللملحدين

لقد خلقنا الله احرارا يقول...

مصعب صلاح
اللهم امين
كتابها بس اللى بيموتوا يامصعب
ربنا يرحمنا

لقد خلقنا الله احرارا يقول...

دكتور ياسر
اللهم امين
هى الناس دى كده
متهيألى لو عاش اد ايه
وشاف تجاهل اكتر من اللى شافه
اكيد ماكانش هيتغير
ربنا يرحمه ويرحمنا

لقد خلقنا الله احرارا يقول...

استاذ طارق
ايوه كده
حضرتك اللى بتشجعنى فى البلوجر ده
ربنا يرحمه
انا كنت بقرأ مقالاته فى مجلة الشباب
ايام عبد الوهاب مطاوع ربنا يرحمهم جميعا
كان حاجة ماحصلتش
لكن حاليا
انا نادر لما الاقى عمود او مقال رأى
يستاهل اننا نكمله للاخر



انا كمان
بحب جيفارا
واى حد عنده كرامه
وكره اى شكل من اشكال الاستعمار

لقد خلقنا الله احرارا يقول...

اسامة
اللهم امين
كويس انك فكرتنى
يعنى ايه اسامة 44 ؟

لقد خلقنا الله احرارا يقول...

استاذ تامر
اهلا بحضرتك

انا اقصد بدماغى باظت
انى زعلت على نفسى
واخدت الموضوع على اعصابى
ان فى معلومة زى دى وانا مش عارفة عنها حاجة

لانى كنت لغاية تخرجى قارئة جيدة جدا
لكن عدت سنين
حتى اللى قريته نسيته
مش فاكرة منه غير الخطوط العامة
فبحزن على نفسى
ان الناس بتقرأ
وانا معلوماتى اتدهورت



وبعدين الاستاذ فهمى هويدى
من الشخصيات المحترمة
انا كنت بستنى يوم الثلاثاء زمان بفارغ الصبر
علشان اقرأ مقاله فى الاهرام
وانا بثق فى ارائه
بس ياريت لو حضرتك فاكر فى موضوع
جيفارا
تقول لى كتب الكلام ده فين
وايه كانت مصادره واسبابه للكلام ده


موضوع الالحاد ده
كبير جدا
وواجع قلبى
لانى حاسه انه مهما البشر كان فيهم عيوب
لكن لازم تكونى عندهم فطرة تلهمهم بوجود ربنا سبحانه وتعالى

ده حتى الشيطان غوى البشر للطريق ده وماكانش عنده الجرأةانه يعملها

وانا بتمنى

ان جيفارا واى شخصية من اللى بحترمهم
مش يكونوا مجرد مش ملحدين
لكن ياسلام لو كانوا مسلمين طائعين
ياه
ونقعد فى الجنة نحكى
واعرف منهم كل حاجة

علشان كده تلاقينى عماله اقول
مش كل يسارى ملحد

انا بس لما حد بيقول لى
لا المفروض مش تعجبى بالشخصيات دى
ادافع عن نفسى بكلام من عينة
انا ماليش دعوة بعقيدته
انا بتكلم عن جانب محدد فيه

انا كمان
تحياتى وتقديرى لحضرتك

بنجاواتى يقول...

سلام عليكم

كل سنة وانتم طيبين
ويارب تكونوا بخير

ده سلام ع السريع كده معلش بقى


كل سنة وانت بخير

بدراوى يقول...

انا جاى امسى على حضرتك
بس فوجئت
ات تصميم المدونة واحد
ماشى ماشى
حلال عليكى
هههههههههههههه
:-)
لسة مقرتش البوست
بس حقراه
كمان شوية

مصعب صلاح يقول...

السلام عليكم
استاذة اعتذر عن قلة ردودي بس انا برد في مدونات حضارتكم عشان يبقى عدد التعليقات مظبوط
المهم ميل مش هنسكت أهوه
marwa_elsherbiny09@yahoo.com
وما عليكي إلا إنك تكتبي وتبعتي الموضوع ع الميل
تمام
تقبلي مروري

بدراوى يقول...

الله يرحمه
و يرحمنا جميعاً
هو شعر نجم
جيفارا مات
ديه كاملة كلها
و لا انتى كاتبة جزء منها
؟!

لقد خلقنا الله احرارا يقول...

دكتور بنجاواتى
كل سنة وانت طيب
ربنا يوفقك
جزاك الله خيرا
على التهنئة والمرور

لقد خلقنا الله احرارا يقول...

استاذ بداروى
هههههههههههههه
لا والله ده توارد خواطر
انت كده بتهين كرامتى التدوينية
لكن ده مايمنعش انى بعد مااكتشفت ان القالب واحد
حاولت اوصل للقالب المعرب
لكن معرفتش اظبطه


القصيدة مش كاملة
انا نقلت جزء منها بس

شرفتنى فى اول زيارة
يارب ماتكونش الاخيرة

لقد خلقنا الله احرارا يقول...

مصعب صلاح

جزاك الله خيرا

لكن انا مش فاهمة يعنى ايه يبقى عدد التعليقات مظبوط
انا كنت اقصد تناقش تعليقات الناس على موضوعاتك
لان ساعات المناقشة فى التعليقات بتفيد البوست اكتر


شرفتنى يامصعب

tarek momen يقول...

الصديقة حفيدة عرابي
اشكر لك متابعتك
تعليقك ذكرني بشئ مهم
في اي عهد من عهود الدولة الأسلامية تقرر عزل النساء وراء الأسوار في المساجد
معلوماتي البسيطة تقول ان مسجد الرسول في بداية الدولة بالمدينة المنورة كان يشمل صفوف الرجال ثم الصبيان ثم النساء بدون حوائط او ستائر وربما هذا ما كان يمنع الصبيان من الشقاوة لأنهم يصلون امام اعين امهاتهم
اما الان ففي كل المساجد يتم اخفاء النساء عن صفوف الصلاة لماذا لا اعلم وفي اي مذهب لا اعلم واعتمادا علي اي حديث او سنة نبوية لا اعلم
هل تستطيعي القيام ببحث حول هذا الموضوع و اكون لك من الشاكرين
ملحوظة: بلاش سيرة سمير رجب و امثاله اثناء الصيام
اللهم اني صائم

04 سبتمبر, 2009 06:07 ص

هانى زينهم يقول...

بصى بقى .. بصى بقى .. انتى اتكلمتى على واحد كان بالنسبة ليا كان مثل اعلى من ايام ارجوك لا تفهمنى بسرعة بتاعة عبد الحليم . راجل كانت كرامته اهم عنده من اكل عيشه . وغالبا الناس اللى زى دى لازم تموت كدة فى الضل زى ما اختار يعيش فى الضل . بس هو هيفضل شمعة ايدة فى قلوب كل اللى حبوه . الله يرحمك يا عم محمود . وتسلم ايدك على البوست الحلو ده يا زميلة المهنة الواحدة .

بيطرية ومش بايدى يقول...

انت عارفة ان اكتر التعليقات اللى اتبعتت ليا كانت فى البوست بتاعك بتاع عيد ميلادك وشك حلو عليا باقى البوستات متعاداش اكتر من 13

بيطرية ومش بايدى يقول...

وشك على عسل بقولك ايه تيجى اعمل لك عيد ميلاد تانى
ونشوف كده كام تعليق

لقد خلقنا الله احرارا يقول...

استاذ طارق
طلباتك اوامر
انا رديت رد سريع فى مدونة حضرتك

لقد خلقنا الله احرارا يقول...

استاذ هانى
اهلا بحضرتك فى اول زيارة
يارب ماتكونش الاخيرة
انا متابعة حضرتك من فترة
استراحة حضرتك جميلة اوى

محمود عوض
فعلا من الناس المحترمة
اللى كنت بستمتع سواء بقراءة موضوعاتهم
او سماعه شخصيا
بنى ادم راقى ومثقف ومخه حلو
مش عارفة
لما ده ماياخدش مثلا رئيس تحرير
مين ياخدها ؟
العالم اللى خربت الصحافة دلوقت 00 !
ربنا يرحمه ويرحمنا

لقد خلقنا الله احرارا يقول...

بيطرية
كل سنة وانت طيبة وسلامتك الف سلامة


ده انت ياقمر اللى وشك حلو عليا
لكن انا معنديش مانع
تعملى لى عيد ميلاد كل يوم

soaad fakoory يقول...

لقد خلقنا الله احرارا
جميله جدا القطعه الى كتبتيها قبل قصيدة احمد فؤاد نجم..استنكارك لمصر بكلمة هو انتى مش زى الامهات ..ابنك
مات اسمك على لسانه..نوع جديد من الكتابه الصادقه يوضح الشعور الحقيقى ..فعلا كلمات حقيقيه معبره ..
وصدقينى معبره عن "جيفارا مات"..
فعلا مصريه حقيقيه..
ولما مات والد احد المدونين وجدتك كما تصورت ..شهمه وجدعه..
تحياتى..

لقد خلقنا الله احرارا يقول...

سعاد
سعيدة جدا بزيارتك
وبتعليقك الجميل
والاطراء الرقيق
اللى انا واثقة انى لا استحقه
تحياتى لك
وماتغيبيش كتير