مبلغ العلم فيه أنه بشر وأنه خير خلق الله كلهم

ليه بندرس سيرة ؟
لأسباب كتير
دراسة السيرة بتختلف عن أى دراسة تاريخية أخرى
لان الدارس للسيرة مش بيكون كل همه مجرد تجميع وسرد لاحداث ووقائع ومعارك
لكن الغرض الاساسى منها ان المسلم بدراسته لسيرة النبى صلى الله عليه وسلم
يتصور الاسلام كله مجسد فى حياته عليه أفضل الصلاة والسلام
يعنى ممكن نقول السيرة عبارة عن عمل تطبيقى يفهم من دراسته
شخصية النبى صلى الله عليه وسلم من خلال حياته وظروفه
للتأكد من حقيقة مهمة جدا
وهى
أن النبى صلى الله عليه وسلم لم يكن مجرد عبقرى سمت به عبقريته بين قومه
ولكنه قبل ذلك رسول أيده الله بوحى من عنده
بندرس السيرةعلشان نوصل لمثل أعلى فى كل شأن من شئون الحياةالفاضلة
لانه اكيد المثل الاعلى هو الرسول عليه الصلاة والسلام
قال تعالى
(لقد كان لكم فى رسول الله اسوة حسنة)
السيرة بتدينى فرصة أفهم كتاب الله تعالى وأتذوق روحه ومقاصده
السيرة بتجمع لى أكبر قدر من المعارف الا سلامية الصحيحة
السيرة نموذج من طرق التربية والتعليم لاى معلم مسلم
بيتلمس من دراسته للسيرة انسب الطرق للدعوة
طيب نبدأ دراسة السيرة منين
اولا لازم نستجلى الحكمة الالهية من اختيار الجزيرة العربية مهد لنشأة الاسلام
العالم وقتها كان فيه دولتين كبار جدا بيتنافسوا ويتصارعوا على السيادة
فارس(ايران) والروم
ومن وراء الدولتين
فى دولتين كمان
اليونان والهند
العقل المجرد بيقول
إن دعوة سماوية زى الاسلام لازم تكون فى مكان متمدن
ولناس عندها قدر من العلم والحضارة يؤهلها لاستيعاب الافكار والاوامر والعقائد التى أتى بها الاسلام
لكن قبل مانقرر نمشى وراء العقل المجرد ولا نتخلى عنه
لازم ندرس طبيعة الدول دى
فارس
كانت حقلا لوساوس فلسفية دينية متصارعة
مثلا
كان فيها الزرادشتية والمزدكية
وهما عبارة عن فلسفات تقوم على حل النساء والاموال وجعل الناس شركة فيها كاشتراكهم فى الماء والنار والكلأ
الرومان
كانوا على العكس تماما
بتسيطر عليهم نزعة مادية استعمارية
وكانوا منهمكين فى خلاف دينى عميق
وكانوا بيتلاعبوا بالمسيحية لتحقيق اطماعهم فى السيادة
وماكانوش اقل انحلالا من الفرس
كانت بتسود دولتهم
حياة التبذل والانحطاط والظلم الاقتصادى
من جراء كثرة الاتاوات والضرائب
اليونان
كانت غارقة فى الخرافات والاساطير الكلامية
الهند
بالرغم من عظمة حضارتها
لكن وقتها كانت بتعيش فى فتر ةمن أحط أدوارها
طيب ايه السبب اللى افسد الشعوب والدول دى
يقال
انه الاعتماد على الحضارةاللى بتقوم على اساس القيم المادية فقط
ونسى هؤلاء القوم ان الحضارة بمختلف اسبابها ومقوماتها ماهى الاوسيلة وسبب للسعادة فى الدنيا والاخرة
وليست غاية فى حد ذاتها
لكن الجزيرة العربية
كانت
هادئة
بعيدة
منعزلة تقريباعن مظاهر هذه الاضطرابات
أهل الجزيرةلم يكن لديهم من الترف والمدنية الفارسية
ما يجعلهم يتفننون فى خلق وسائل الانحلال والاباحية والانحطاط الخلقى
ولم يكن لديهم من الطغيان العسكرى الرومانى
ما يتسلطون به على جيرانهم
ولا من الفلسفة والجدل اليونانى
مايصبحون به فريسة للاساطير والخرافات
طبائع أهل ا لجزيرة كانت أشبه بالمادة الخام
كانت بتظهر فيها الفطرة السليمة
والنزعة القوية للاتجاهات الانسانية الحميدة
زى الوفاء والنجدة والعفة
لكن
كانت بتنقص العرب المعرفة اللى بتكشف الطريق
كانوا بيعيشوا فى ظلمة من الجهالة البسيطة
فكانوا أحيانا بيضلوا الطريق
فبيقتلوا الاولاد من أجل الشرف
ويتلفوا الاموال الضرورية من أجل الكرم
وهى دى الحالة اللى ربنا سبحانه وتعالى عبر عنها فى قوله
(وان كنتم من قبله لمن الضالين) سورة البقرة
كمان من مميزات الجزيرة العربية فى الوقت ده
ان رقعتها الجغرافية
كانت هى نقطة الوسط تقريبا بين الحضارات السابق ذكرها
هى بتقع فى الوسط بين حضارتين جانحتين
حضارة الغرب المادية وحضارة الشرق الروحية
فى نقطة هنا بيركز عليها كتير من المؤرخين
وهى ان البعض بيظن خطأ ان أصحاب الحضارات بيكونوا أسهل فى تقبل الافكار الجديدة
لكن طبعا الحضارات القائمة على الاهواء وتغليب المصالح
مش ممكن تستجيب لعقيدة جديدة تحرمهم من مميزات الفساد اللى خلقوه واستفادوا من وجوده
البيئة كمان فى الجزيرة العربية كانت امية
وده بتوضحه الاية الكريمة
(هو الذى بعث فى الاميين رسولا منهم يتلو عليهم أياته ويزكيهم ويعلمهم الكتاب والحكمةوإن كانوا من قبل لفى ضلال مبين)
ممكن نقول كمان
ان ربنا سبحانه وتعالى جعل البيت الحرام مثابة للناس وأمنا
وحقق سبحانه وتعالى فى ذلك الوادى دعوة سيدنا ابراهيم عليه السلام
فكان من لوازم الامران تكون هذه البقعة الطاهرةمهدا للدعوة الاسلاميةالتى هى ملة أبينا ابراهيم عليه السلام
اقتضت حكمة الله سبحانه وتعالى
ان اللغة العربية تنال شرف نزول القران بها
ولو عقدنا مقارنة بين اللغات هنجد العربية بتمتاز بخصائص يعز وجودها فى اللغات الاخرى
ده تلخيص سريع لاهمية الجزيرة العربية كموطن للدعوة الاسلامية
الموضوع ده منقول بتصرف بسيط منى من كتاب
فقه السيرة النبوية
للدكتور محمد سعيد رمضان البوطى
أنااول مرة الخص
ومحتاجة رأيكم جدا
اكمل ؟
ولو كملت استمر بنفس الاسلوب ولا أغيره؟
انا مستنية اقتراحات وتعليقات كتير
ماتخيبوش ظنى

16 التعليقات:



لورنس العرب يقول...

كملي طبعا وبنفس الطريقه
بس واضح اوي ان التاريخ هو كل حاجه عندك
باين عليكي كنتي شاطره اوي فيه
انتي شكلك عايش في التاريخ ومتعمقه فيه بشكل غير طبيعي
صحيح
الصنعه تحكم

د. ياسر عمر عبد الفتاح يقول...

حضرتك بتسألي؟
طبعاً لازم تكملي
أنا متابع إن شاء الله

ربنا يكرمك

لقد خلقنا الله احرارا يقول...

لورنس العرب
جارى التنفيذ يافندم
بالنسبة للتاريخ
انا فعلا بحبه جدا من اول مرة اخدته فيها وانا فى رابعة ابتدائى
وكان حظى حلو انه درس لى فى الكلية
دكاترة اللى هما دكاترة
الناس بتاعة زمان
اللى لاكانت بتدور على اعارةولا فلوس مذكرات وكتب
ربنا يجازيهم عنا كل خير ويجعله فى ميزان حسناتهم

لقد خلقنا الله احرارا يقول...

دكتور ياسر
علم يافندم وجارى التنفيذ
بس يافندم عايزة اقتراحات

مصعب صلاح يقول...

السلام عليكم
تحليل رائع للاحداث
تقبلي مروري

GiGi world يقول...

الحبيبه انا بجد بحبك قوى حقيقى يارب يخليكى ويبارك فى عمرك يارب
افتكرينى دايما بالدعاء
وطبعا مستنيين الحمال ده وسيره النبيى صلى الله عليه وسلم وطبعا احنا بنتكلم عن خير الخلق بالتالى ياحبيبى لازم كل جدث تقولى مصدره انا بس بذكرك لما تببجى الاحداث الكبيره فى السيره
ربنا يكرمك ويهدينا واياكى الى مافيه صلاحنا وصلاح المسلمين
احبك فى الله ياحد غالى قوى

العجوز والبحر يقول...

سيدتى لقد خلقنا الله احرارا
قالوا ان الاختلاف يثرى الموضوع.
اعلم
-انكى دارسه محبه للتاريخ.
-ان عقلك نابض مفكر دائما.
-انكى رغم عاطفيتك فى كثير من الامور،الا انكى موضوعيه فى الاغلب.
السيره وبماذا تختلف عن التاريخوماهو التفسير العلمى للسيره،هل هى تاريخ شخص ؟او دراسة مكونات شخصية ما .وقد كان العقاد يقول ان كل شخصيه يملك عبقريه ما وفىعبقريتاه كان يظهر الصفات المميزه للشخصيه ويقول انها مفتاح شخصيته..
وتعريفك ((السيره هى العمل التطبيقى لفهم دراسة الشخصيه .. ))
او هى تجميع لاكبر قدر من المعارف الاسلاميه او هى نموزج من طرق التربيه والتعليم ..هل هذه تعريفات علميه ؟؟
نأتى لموضوع اختيار الجزيره العربيه !!
انكى اختزلتى الحضارات العظيمه المحيطه بالجزيره العربيه..
-ان حضارة الفرس تقوم على على حل النساء والاموال للجميع.
-ان حضارة الروم تقوم على الاستعمار
وتحقيق الاطماع .
حضارة الاغريق التى اتت باعظم فلسفات العالم خرافات واساطير.
الهند.............
اما الجزيره فالهدوء والانعزال واللغه العربيه هم اسباب الترشيح والاختيار!!
يا سيدتى ارجعى لكتب ما يسمى بالسيره لتعرفى كيف كان الجتمع فى مكه قبل البعثه .. ارجعى لابن كثير !وكيف كان البغاء منتشرا فى هذه البقعه من الارض وكيف كان البغايا يطفن عرايا حول الكعبه !!وزواج الاستبضاع وهو ان تذهب الزوجه بموافقة زوجها لتحمل !!
وان ام الصحابى عمرو بن العاص نام معها اربعه من كبار وجهاء قريش فى يوم واحد ابى سفيان بن حرب والعاص بن وائل وآخريين فنسبت عمرو للعاص لانه اغنى واكرم!! فلم تكن الجزيره بمنأى عن الانحلال!! الذى تدعيه فى حضارة الفرس..
سيدتى انتى التى طلبتى تعليقات واقتراحات القراء فلاتحزنى!!
ومنى دوام التواصل.............

لورنس العرب يقول...

اصل اللي انا استغربت له اني قليل اوي اللي احب الماده اللي دارسها او الكليه اللي كان فيها لأن تقريبا معظم الناس اجبروا على دخول الكليات اللي كانوا فيها ومنهم انا
بس انا الحقيقه حبيت الكيمياء بعد ما اشتغلت وليس بسبب كلية العلوم اللي انا خارج منها
وطبعا لم اقصد الشغل -اللي انا فيه حاليا- ولكن مشروعي الخاص
بس حلو ولله ان كان عندك دكاتره بيراعوا ربنا ومش بيفكروا في التدريس بالخارج
من المفترض ان يكون هناك اللي يقدرهم في الداخل

مش كده ولا ايه؟؟؟

لقد خلقنا الله احرارا يقول...

العجوز والبحر

يافندم انا مش قادرة استوعب حضرتك معترض على ايه ؟
على انى مثلا لم اذكر تعريف علمى للسيرة
طيب هقول لحضرتك تانى
انا مش مؤرخ
ومش بكتب تاريخ
انا لخصت معلومات من كتاب سهل وبسيط
حبيت معلوماته توصل لناس كتير
وبصراحه مش لاقية كلامى غلط
راجعته مرة واتنين مش شايفة الغلط فين


اه يافندم سيرة النبى صلى الله عليه وسلم مختلفة عن دراسة اى شخصية تاريخية تانية
واهداف دراسة السيرة مختلفة عن هدفى من دراسة حياة هتلر مثلا
اكيد وانا بدرس سيرة النبى عليه الصلاة والسلام
هدفى اتعرف على الاسلام مجسد فى احداث السيرة
هو لمااعرف النبى هاجر
النبى حج
النبى حارب
النبى قال0000 الخ
هو انا مش كده بتعرف على الاسلام
هى السيرة كده مش عمل تطبيقى بفهم منه الاسلام
لما نقول السيرة تجميع لاكبر قدر من المعارف الاسلامية ده غلط؟
فى احكام كتير أخذت فى الاساس من السنه

بلاش دى
لما السيدة عائشة مثلا تحكى لنا عن صلاة النبى
دى مش معارف اسلامية ؟
لما اعرف ان النبى امر المسلمين بعد غزوة الاحزاب بالاسراع نحو منازل بنى قريظة
وقال لهم لايصلين احد العصر الا فى بنى قريظة
والمسلمين اختلفوا منهم من صلى العصر فى الطريق ومنهم من صلى هناك والنبى عليه الصلاة والسلام لم يعنف احدا منهم
كده يافندم انا ماستفدتش معارف اسلامية


انا كمدرسة بتعلم من السيرة ازاى النبى صلى الله عليه وسلم كان بيربى اصحابه
بتعلم من صبره

يارب اتعلم من صبره

حضرتك عارف حديث الاعرابى الذى تبول فى المسجد
هو الحديث ده مش مفيد لى كمدرسه
اتعامل مع الناس ازاى
بتعلم حبه ليهم وانهم مهما كانوا اجلاف
لكن قلبه كان حزين عليهم وبيتمنى لهم الهداية

مش ربنا سبحانه وتعالى قا ل فيما معناه
فلعلك باخع نفسك على اثارهم ان لم يؤمنوا بهذا الحديث اسفا

انا لما ازهق من الطلبة واحس انهم اغبياء وانى بحرث فى بحر
افتكر ان النبى كان بيتمنى ايمان الناس
احاول اغير من نفسى واصبر واحبب نفسى فيهم يمكن الحب ده يصبرنى عليهم


ثانيا
موضوع شبه الجزيرة
اكيد أنا مش ممكن اختزل الحضارات الموجودة وقتها فى الكلمتين المكتوبين

لكن حضرتك تعرف اكتر منى
ان الحضارات بتمر بأطوار زى البشر

من النمو للقوة للضعف والانهيار
انا بتكلم يافندم على الفترة اللى ظهر فيها الاسلام
الحضارات دى كانت فى مراحل انهيارها
ودى سنة الحياة
علشان تقوم حضارات تانية مكانها
طيب حضرتك تفسر بأيه عدم الصمود اللى اعترى الحضارات دى وازاى انهاروا بسهوله امام الفتوحات الاسلامية
اكيد كانوا فى مرحلة ضعف


يافندم انا ماقولتش ان اهل الجزيرة كانوا ملائكة
انا قلت ان فطرتهم كانت نقية
وان اصحاب الفطرة النقية سهل اعتناقهم لافكار وعقائد جديدة عن غيرهم

كانوا بيطوفوا عرايا بس ده فعل عدد قليل منهم
ولو حضرتك دققت فى الموضوع هتلاقى ان ده بيثبت كلامى
علشان فطرتهم نقية ومحتاجين توجيه ينفض الغبار عن الفطرة دى ويزيل منها اثار الشيطان
علشان كده كانوا يطوفون حول الكعبة عرايا علشان مايطوفوش بثياب عصوا الله فيها
وجهة نظر برده بالرغم من اختلافنا معاها
وجهة نظر بتوضح انهم عارفين ربنا وعارفين يعنى ايه معصية
ومحتاجين اللى يطهر وجهة النظر دى من الغباء اللى ران عليها


البغاء كان موجود
بس كان مستنكر
هند بنت عتبة فى بيعة النساء
استنكرت انها تبايع على عدم الزنى وقالت اوتزنى الحرة يارسول الله

وهى هند اللى اصرت على الطلاق من زوجهافى الجاهلية لما شك فيها وثبتت براءتها


قصة ام عمرو بن العاص
معرفهاش بصراحة
بس لو هى صحيحة اكيد عمرو كان هيعير بيها فى الجاهلية

وحتى لو كانت صحيحة وانا اشك فى كده
ده ماينفيش عنهم اعلائهم لقيمة الشرف

ابن كثير المظلوم ابدا

اولا ماكانتش الدراسات التاريخية متطورة جدا فى عهده
وكان بيجمع كل الروايات ولوثبت ضعف بعضها ليه
كان بيقول انها ضعيفة وانها من الاسرائيليات غير المقبولة
او بيتركها للمحدثين من بعده يثبتوا ضعفها او صحتها

نقطة كمان علشان انا فعلا عاطفية ومش موضوعية بالمرة على عكس مجاملة حضرتك

ابن كثير كلامه مش قران
كلامه فيه الصواب وفيه الخطأ الغير المقصود بأذن الله

بس المشكلة


ان عين الرضا عن كل عيب كليلة
وعين السخط لاتبدى الا المساويا

انا الحمد لله بتمتع بعين الرضا دى




انا عندى اسئلة كتير لحضرتك
بس على غير عادتى هصبر
لغاية ماحضرتك تجاوب عليها ان شاء الله
وحضرتك بحكمتك الواضحة قريتنى بسهولة
فأكيد استنتجت
حتى الاسئلة اللى انا ماسألتهاش


لو حضرتك كان عندك الصبر تكمل التعليق ده للاخر

انا اسفة زى العادة على الاطالة
ومش بزعل من الاقتراحات

لقد خلقنا الله احرارا يقول...

لورنس العرب
كلام حضرتك مظبوط
كتير جدا دخلوا كليات على غير رغبتهم
وماكانوش بيحبوها
انا مثلا عيطت لما عرفت نتيجة التنسيق وصعب على نفسى جداانى اشتغل مدرسة
بس السر
فى رب العباد اذا وهب
مش عارفة انا الحمد لله عودت نفسى طول عمرى انى ارضى
ازعل شوية بس ارضى بعد كده
علشان كده على اد ماعيطت فى الاول انى هشتغل مدرسه
كنت هموت علشان اوصل لسنه تالته
علشان فيها هنخرج تدريب فى المدارس
واصريت انى اروح الكلية اول يوم فى الدراسة علشان انقل الجدول
ورجعت فرحانه جدا
وكل مااشوف حد اقوله
انا هدرس يونانى ورومانى
انا هدرس تاريخ شرق ادنى قديم

مش عارفة ايه الهبل ده
بس كنت فرحانه
ربنا يرضينا دايما

لقد خلقنا الله احرارا يقول...

لورنس العرب
معلش الزهايمر المبكر
الدكاترة بتوعنا
طبعا محش بيقدرهم فى بلدنا
بس هنعمل ايه
الحمد لله اننا مسلمين
وعارفين ان فى اخرة
ياخدوا فيها جزاء اعمالهم ان شاء الله

osama44 يقول...

بجد رائعه هذه التدوينه والاروع انك انتى اللى ملخصها بجد اشكرك
كلامك سهل وسلسل فى الفهم والوصول للاخرين
كملى واستمرى الى الامام واحنا من وراك مساندين
دمتى رائعه وحره بمدونتك الحره

لقد خلقنا الله احرارا يقول...

مصعب وجيجى
انا اسفة جدا انى اخرت الرد على تعليقاتكم
بس هو عدم تركيز والله
لانى قرأت تعليقاتكم الصبح قبل ماانزل الشغل
ورجعت مرهقة جدا وماتخيلتش انى ماردتش على التعليقات
معلش امسحوها فيا
اختكم الكبيرة برده

لقد خلقنا الله احرارا يقول...

اسامة
الله يكرمك
انا مستاهلش المجاملات دى كلها
ادينى اقتراحات يااسامة
لو عندك اى ملاحظات قولها

تامر علي يقول...

تلخيص رائع جداً طبعاً ويحتوي على كافة عناصر الموضوع بدون اخلال بأحدها ... طبعاً سيرة الرسول تحتاج لدراسة خاصة غير دراسة باقي التارايخ لانها متعلقة بالتشريع

ربنا يجعله في ميزان حسناتك واحنا متابعين

تحياتي :)

لقد خلقنا الله احرارا يقول...

استاذ تامر على
شكرا جزيلا على التشجيع
ربنا يجعله فى ميزان حسناتك